Uralistica

Кавто валт неень шкань оршамопельтнеде

Мейсэ неень шкане анся а оршнить ломантне.  Эште кавтошка иеде икеле раужот ды седой тюстнэ ульнесть вешевикст, ней, мекевланг, валдо ды мазый тюссо оршазтяно.

Неень шкань оршамопельтнесэ арасть покш явовкст цёраломанень ды тейтерь-авань. «Унисекс» ёнксось неень шкане пек мельстуиця.

Кеместэ совась эрямонтень спортонь стилеськак. Сон шождыне, весенень лади. Анся аволь эрьва косо сонзэ паросто вастыть. Невтемакс, спортонь оршамопельсэ а мереви совамс ресторанс, театрас, молемс офиссэ важодема таркас. Монь койсэ, аламот тень чарькодить.

Аламонь-аламо ютатано седе теине темантень, конадонть мон тештиксэлинь тенк. Оят, Сайсынек Мордовиянть, региононть косо ломантне оршить эрьва чи теке кенярксчистэ. Тейтертне сэрей кочкаря лангсот, оршамопельтнень питнест важодемань кисэ максозь ярмактнеде питнейть. Лиясто кредитсак саезь. Кода кортыть-гламурось сельмть кери. А стяко, тесэ вастыть оршамопелень коряс. Превтнень лангс мейле варштыть эли арась-те уш лия темась….

Ков моли истямо кись?

Косот сынь, минек раськень кезэрень, коень-кирдань оршамопельтне эли паряк  сынст тешкстнэ. Косояк арсать…

Киньгак  эйстэденк пряс паряк сы мель - «ваныка кодат мазыйть неень шканьсетне, стилизованойтне, конатнесэ якить сцена ланга артистнэ, морыцятне»

А молян каршо. Мазыйть, пек мазыйть, нама, косот сынь явовкстнэ. Косот эрзяньсетне, мокшоньсетне?

Оршамопельтне човорязь, арасть явовкстнэ конатнень пингеде пингес кемекстасть минек покштянок-бабанок. Миньсь ёмавтано-калматано тиринь раськенек.

Саемга, зярыя меельце иетнень перть минек малавикс раськенек удмуртнэнь тевтне лиякстомсть те тевенть марто сынст улить масторлангонь келес содавикс модельерэст конатне теить неень шкань оршамопелть удмуртонь раськень тешкс марто.

Полина Кубиста, Дарали, Дина Дэрем ды лият топавтыть те тевсэнть.

Од ломатне неень шкань оршамопельтнесэ ванстыть тиринь раськень койтнень кирдатнень, тешкстнэнь. Од ломантне теить тень сынсь, эсест кедьсэ, секскак  оршамопельтнеде аламо. А вана минек, эрзятнень истят ломанененэкак арасть кить бу теевелть те тевенть. 

 

                              Удмуртонь раськень неень шкань оршамопельть


 

                                  

А содан косто саевсь кизэнь панартнэнь ( футболкатнень) тиринь кельсэ сермадовкстнэ марто, арсян финнэнь угрань раськетнестэ васенцельть маритне, ней вана, окойники минекак улить.

                 

      Эрзянь цёрат

Кие тенек а мери свалшкань оршамопельтнескак совавтомс тиринь раськень оршамопельстэ саевкст?

 Оят, ванынка кода оршазь Маизь Келень ды лия эрзяватне озксонь ютавтома шкасто.

Нееень шкань оршамопельсэ тешкстнэ марто оршамопельтнень анок рамамс анся сеть, кить эсест тиринь раськеденть васолот, истят, кода Наташа Абросимова эрзянь тейтересь кона ней Эри Эстониясо.

                                    Н.Абросимова Эстониясо "Сятко" эрзянь вейсэндявксонь ветицясь


А стувтома сеньгак ули неень шкане минек ёнкссонть Галина Лосева дизайнерэсь, кона слави Мордовиянть эсензэ важодематнесэ. Парт, мазыйть, нама, раськень ёнкстнэ допрок ёмавтозь. Кадовсть анся тюстнэ ды башка пелькстнэ.

Галина Лосевань оршамопельтнесэ а молеват инжекс, кенярксчис ды лия ков. Неть оршамкатнесэ анся сцена лангсо дефилеть  невтемс. Кадови  анся  кенярдомс мекс минек ёно ули  этно модань лувось. 

Маризь Кемаль, эрзянь коень-кирдань содыцясь моли каршо истят оршамопельтненень. Тесэ а содави кодамо раськень тейтересь. Теде ды лия эрзянь оршамопелень ёнкстнэде кунсолодо седе тов:

    Маризь Кемаль эрзянь оршамопельде.mp3

Монь койсэ, оят, шкась юты икелев ды бути а велявтано сеть, икелень шкань мазый оршамопельтнес, контатнень кантнесть покштянок бабанок, оршасынек неень шкань кизэнь панартнэнь эрзянь тешкс марто.                                                                                            

 Кизэнь панаронь фотот

Кие машты стамо, кодамо, викшнеме, тееде эрзянь тешкс марто оршамопелть, совавтодо тиинь раськень койтнень неень шкань эрямонтень. Ванстсынек эрзянь раськенть!!!

Valda

Просмотров: 670

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Shkljaev Aleksej, Май 5, 2013 в 2:58am

Удмуртская дизайн-студия "Monami" представила коллекцию принтов http://news.uralistica.com/?p=6830

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования