Uralistica

25 коньыкуонэ ортчиз эшшо одӥгез Пепелац клубын удмурт позыръяськон "О-О vs. Ы-Ы". Быдэс ӝыт, шулдыръяськон сяна, мынӥз Ы-Ы но О-О куспын ӵошатсконъёс: кырӟасьёс пӧлын ВИА Даур Герӟет ( О-О) но Ольга Туктарева ( Ы-Ы); ӝӧк вылын (настольной) футбол ортчытӥзы Порозмафиос. Крезьгуренызы калыкез ӝуатылизы диджейёс. Таяз ӝытэ пульт сьӧрын сылӥсь воргоронъёслэн лыдзы бадӟым вал: dj G.I.M, Moniki Dj's feat. Dj Богдан, dj Эркишев, Электроники djs, dj Пушкин. Калыкез трос вал. Куинь часын ӵукна шулдыръяськисьёс мыл потытэк бертӥзы. Я бен, ӝоген ини вуоноез позыръяськон - 15 шуркынмонэ.
Нош мар верало берпуметӥ позыръяськон пумисен егитъёс:

 

Наталья Сенникова
Позыръяськонын пыдъёсме зыратозь экти Туж трос тодмоосыным пумиськи, туспуктылӥм, вань сюлмысь шулдыръяським! Сомында кужым но шумпотон басьтиПрограммаысь мыным тужгес но О. Туктаревалэн кырӟамез яраз.
Туж капчи, ӟеч мылкыдын бертӥ, вуонояз но одно ик мыно! Бадӟым тау, таӵе ужрад ортчытэмды понна!

Никита Ильин
Мон йыбыртӥсько Павел Поздеевен радъям удмурт позыръяськонъёс азьын. Удмурт патиосы мон трос аръёс ӵоже ветлӥсько ни, "Авиаторын" ортчыкузы ай. Со дырысен тросэз воштӥськиз нӥ калыкез но, артистъёсыз но. Котькуд ар ӝуатӥсько выль нимъёс.
Таяз ужрадэ вал зэмос кизилиос: Ольга Николаевна Туктарева, Ивана Белослудцевлэсь витьымтэ кузьым. Озьы ик, шумпотэ туспуктӥсьёслэн лыдзы будэ шуыса. Мон ачим видеоадӟытон дасяй.
Выль крезьгурзэ шудӥз Эркишев, Камали студиын "вордӥськемъёсыӟ но чузъяськизы. Вань лыктэм калык чидатэк возьмаз Богдан Анфиногенвлэсь выль кырӟанзэ - Opa val no skal.
Клубе ветлӥсь удмуртлэн но аръёсын тусыз воштӥськиз. Туннэ со - студент. Со сяна, арлыдогес но адямиос пыриськыло таӵе ужрадэ - солы уг луы шумпотытэк.

Ирина Хрисанова
о-о, ы-ы, нош мынам а-а. Туж-туж кельшиз позыръяськон, табере одӥг удмурт патие но мынытэк уг кыльы ни. Алама, со толэзьлы одӥгпол гинэ ортче.
25 коньывуонэ эшелэн вордӥськем нуналыз тупаз, соин ми вань эшъёсынымы огазьын шулдыръяським Мынам но вордӥськем нуналам позыръяськон мед тупасал.


Коля Смирнов
Мон позыръяськонэ арлэсь кема ӧй ветлы ни вал ини. Кельшиз! Эшшо ке ӧз тырмы! Нылъёс мар ке мон шоры ӧз учке - соиз туж урод. Пересь каро ни, лэся. Нооо, мон егит на! Азьляняз но одно ик ветло - кышно утчано ук кытысь ке. Бадӟым тау вераме потэ Саша Ардашевлы монэ йӧн-йӧн пумитамез понна. Чидатэк витисько вуоно "тэтчанэӟ)

Настя Игнатьева
Удмурт позыръяськон туж кельшиӟ калыкез трос вал, шулдыр кырӟанъес... Шонер, малпасько, куке удмурт, зуч, англи кырӟанъёс чузъяськӧ ӟучезлы но удмуртэзлы но яра. Таӵе ужрадъёс тужгес но шулдыресь мыным пото, вуонояз но мыло-кыдо пыриськыло. Патиын трос тодмо адямиосме пумитай, кемалась адӟылымтэ адямиосын но адӟиськи. Удмуртъёс пӧлын аслым гуртам кадь потӥ.

Мария Золотарёва

Просмотров: 117

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования