Uralistica

«Ойме» эрзянь ды мокшонь морамонь вейсэндявксось меельце шкастонть кецявты эседензэ кулятнесэ. Ванат, сынь тесэ, тосо морыть. Вастневить ве сцена лангсо Россиянь ды омбо масторонь содавикс артистнэ марто.

Лия тиринь кельсэ морыцятнеде  «Оймесь» явови кезэрень моротнень од лувс теемасонть. Истя, минек енкссо ламо вайгельсэ кезэрень моротненень «Оймесь» максы од лексема. 

OymeOyme-Vay-Mashura.mp3

Морыцянь вейсэндявксось  важоди Москов ошсо. Секскак  тенст стака муемс эрзянь ды мокшонь кельсэ моротнень. Те тувталсонть

«Ойме» группась ды Ежевика  сонзэ ветицязо явсть мель  ардтнемс экспедиця марто регионтнэва, косо эрить эрзят ды мокшот. Самай тосто, сырькайтне ёвтнесызь, морасызь  кезэрень моротнень.

Те иень экспедициянть «Оймесь» ютавты неть читнестэ Мордовиясо. Васень лоткамо таркась –Тенгушевась.

Теньгушева велесэ. (Фотось саезь oymeexpeditions вейсэндявкстонть)

Седе тов  «Ойме» морамонь вейсэндявксонь экспедициясь поладовсь Орданбуень Орозбие (Урусово) велесэ.

 Орозбиесэ OYMEexpeditions ульнесь понань кемень музейсэ. Фотосонть Ежевика

Йовлань-Оло лемсэ Этно-кудосонть учость инжеть цела чи. Музеень ванстыцясь содавтынзе инжетнень  "Этно-кудонть" марто, ёвтнесь Владимир Ромашкинэнь эрямодо.

Ежевика  Р.В.Водясова "Этно -кудонть" ванстыцянзо марто 

OYMEexpeditions –«Ойме» группанть экспедициясь эрзятнень ды мокшотнень эрямотаркатнева  поладовсь Теньгушева ёнкссонть. ( мекев Москов ошов ардомсто) Ней тосо якасть Нороватова велев.

 "Пизельне" морамонь вейсэндявксось

Оят, седе домкасто экспедициядонть Ежевика  ёвтни «Вайгель» радиока...

Мельспаро, морыцятнень  покш тевест кувалт. Эряви тешкстамс, музыкань материалдонть башка «Оймесь» снимси ды сермады велетнень, буетнень койтнеде, ёроков ломантнень теевкстнэде. Кода тешкстась Ежевика, тееви эрьва ютазь  ёнкстонть презентация-невтема. Сонзэ мейле мереви тевс нолдамс туристэнь  тердемстэ. Паряк, самай те карми ушодксокс Мордовиясо  этнотуризманть туртов.

Valda

Просмотров: 189

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Декабрь 19, 2013 в 8:08pm

Изнявкст паро тевсэнк, ялгат!

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования