Uralistica

Эрзянь оймесь конёв лангсо. Павел Алёшин. Интернет-выставка

 


Эрзянь раськесь свал чачтнесь-раштась виев, превей ды эрьва кодамо талант марто ломанть. Нейгак, мезесь пек кенярдовты, улить истят од ломанть, конатнень, кода мерить, пазось максь. Седеяк кецявты се: ламот эйстэдест эрзянь ойме марто. Истямокс лован минек течинь инженть Павел Алёшиннэнь.
Седейсь токить сонзэ мазый артовкстнэ. Мон а пек чарькодян артомань тевтнес, секскак кевкстян зярояк кедьстэнзэ.
Паро чи, Паша! Зяро иесэ тон редик артомань тевень вечкеманть?

Шумбрат! Умок те тевесь вечкевсь, мельс ней а сыяк коли. Оште велесэ эринек, вишкапингстэ саезь вечкилинь артомо. Монь тешкас кадовсь пешксе пусмо «артоматнень»(калякат-малякат) марто. Тосо артозь скалт, тракторт, машинат, паравозт ды лия мезе. Нурькинестэ евтамс – мезе неинь, сенть артыньгак. Авам тешкстызе сонзэ «3 г.»(«колмо иеть»). Монь сехте вечкевикс артомань материалонь ульнесть конев ды шариковой ручка. Акварельсэ эзинь вечке рисувамо – а чаркодевикст кляксат лиснесть сестэ.

Тон косояк тонавтнить артомань тевентень?

Арась, эзинь. Монень артомась «хобби»-кс ульнесь, тонавтнемась сонзэ эйстэ башка ютакшнось. Кортамс а мезть, школасо сехте вечкевикс предметэкс ульнесь «ИЗО» (кода эно а карми – веинь «ветешкат» путнесть). Школадо мейле стясь кевстемась, ков молемс тонавтнеме. Арсезевинь, мезе монень сех вечкеви теемс. Артомс – сестэ лиси эряви вешнеме истямо тонавтнеме тарка, косо эряви артомо. Васня вачия молемс архитектурань университетэв – эзь лисе, парсте артомомась эзь сато, эрявсь парсте математикань содамс, парсте маштомс сёрмадомс сочиненият. Сестэ вачия педагоянь университетэв – тов саимезь, «дизайнонтень профессиональной тонавтнемантень». Ней тосо тонавтнян.  
Мейсэ седе пек вечкеви сёрмадомс-артомс?

Стакат техникат а пек вечкевить(оев тюст, темпера ды лият). Сынст эйсэ артомс – пек ламо шка эряви. Артан седе шожда техникасо: карандашсо, уголиясо, тушсэ, коли-коли сайнян гуашь, акварель. А умок вачинь важодемс пастельсэ артомо – пек вечкевсь.

Кода неяви, ламо важодевксэть теезь эрзянь тематиканть лангс. Косто саевсь тиринь раськентень оймень максомась? Кода тенес сыть?

Аздан. Арсян весе тевесь ашти интерессэ. Кодамо тематикась тень вечкеви, сень артангак. Седе икеле вечкевсь «милитари» тематикась. Мекс истя – аздан. Паряк танктнэнь, самолётнэнь ды леднематнень «виест» вечкевсть, кода мерить «эстетика силы». Мекс вейкеньтень вечкевить мазыйстэ теезь торот, доспехт, пеельть, лиясь ёвты – сынст тейсть чавномань коряс. Теде ансяк психологиясь ёвты. Оште начальной школасо тонавтнинь, коли-коли арднинек ошсто велев, деданень-бабанень инжекс ды мекев ошов. Сестэ мельсэнь кеместэ аштесь вейке арсема – весе велетне, весе таркатне Нижней Новгородов ардомсто(180 км.) – эрзянь, ды весе ломатне тосо эрзякс кортыть. Ды уж седе мейле карминь содамо – ансяк минек, ды кавто-колмо шабрань велетне ансяк эрзянь, весе лиятне – рузонь. Секскак састь кевстемат, косто минь, эрзятне, сынек тей. Карминь вешнеме – муевсь ламо лезэв информация. Лись эрзятне ёмить, рузыить эсест модаст лангсо – арсезевинь. Содан, эрзятне пек вечксызь видечинть. Паряк моненьгак неть тевтне марявсть а пек видекс, секскак сась вечкемась те тематикантень.

Невтнезельть-арасельть сынь кодамояк выставкасо?

Эзть. А содан кода те тевтне теевить (невтема выставкатне ды седе тов). Ды артовкст аволь истя ламо. Тейнинь-артынь тарелкат эрзянь орнамент ды тешкст марто – сазором микшнесь эйсэст «Эрзянь лисьмапря» фестивальсэнть. А пек парсте тевесь мольсь – а чаркодить ломатне, кодат авейкетьксчить эсеть кедьсэ артозь кедьгетнень фабрикасо теезетнеде.

Икелень шкадо арсезь, ёвтак, кодат мелеть-арсемат улить тень коряс? Паряк вачавлить лиясо артомс? Паряк арсят невтемс косояк сынст?

Кие соды. Пароль-бу косояк невтемс сынст, ансяк монсь а содан косо…
Ней важодян эрзянь комикс лангсо, эстень теян. Варштан кода лиси.

Сюкпря, Паша, домка ёвтнеманть кисэ. Мон ды весе эрзятне арсетяно тонеть покш изнявкст те паро тевсэнть.

Алкукскак, Паша мерсь видестэ: эрзятне свал вешнить видечинть. Арсян, видечись карми ды Пашань виев важодеманзо нейсынзе весе масторось. Ванан сонзэ шкиневкснэнь лангс ды сеске мельс сы С.Д. Эрьзя Ине скульпторонть лемезэ. Павел Алёшин сонзэ ладсо канды минек раськень ине лементь. Канды валсо, тевсэ, артовкссо, оймесэ. Лиякс меремс, сон поладыцязо. Зярс кармить эрзянь культуранть истят поладыцянзо, зярс зярдояк а ёми, а кулы минек раськесь. Мекевланг, карми кепетеме, виевгадомо.

А ней, Паша, тонть васенце интернетэнь выставкат.

Эрзянь тематиканть лангс важодевкстнэ:

 

 

 

 

 

 

 

 

 

 Пургаз. Карандаш  

 

 

 

 

 

 

 

 

 

 

 

 

 

 

 

 

 

 

 

 

 

Тюштя инязоро. Карандаш

 

 

 

 

 

 

 

 

 

 

 

 

 


 

 

 

 

 

 

 

 

 

Эрзямасонь Олена. Гуашь

 

Эрьмезь. Тушь

 

 

 

 

 

 

Призвание Тюшти.

 

 

 

 

 

 

 

 

 

 

 

 

 

 

 

 

  Эрзянский дружинник и ополченец

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Нурят

 

 

 

 

 

 

 

 

 

 

 

 

Эрзянка. Уголь и мел

 

 

 

 

 

 

 

 

 

 

 

 

 

 

 

 

 

 

 

Раздумья. Мел и уголь

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Пастель 

 

 

 

 

 

 

 

 

 

 

 

 

 

 

Муром ош

 

 

 

 

 

 

 

 

 

 

 

 

 

 

 

Фотошопсэ  артовкст:

 

  Кезэрень ош

 

 

 

 

 

 

 

 

 

 

 

Кисть в фотошопе 

 

 

 

 

 

 

 

 

 

 

 

 

 

 

 

 

 

 

Чама артомань важодевкст: 

  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Девочка из народа Kalash. Северный Пакистан. 

 

 

 

 

Просмотров: 2069

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: PaoL, Декабрь 4, 2011 в 1:33pm

Пек мелезем тусть валот, сюконян паро валтнэнькис.

Комментарий от: vijan, Декабрь 4, 2011 в 11:26am

Нама, те ансяк ушодовкс. Ушодовксось вадря, сехте пек монень вечкеви неть артовкстнэсэ валдочинь вешнемасо эриця оймесь, кона путозь икеленек аравтозь парсунтнэсэ. Арсян а мекс пелемс "стака" техникатнеде, а мекс мелявтомс ачарькодемадо - шкась весементь путсы эрявикс таркава.

Покш мельсэ учан седе тов шаштоманть, шкиниця ломанень вановтонь келейгадоманть.

Икеле молиця ки теть, Автор!

Конечно, это только начало. Начало хорошее и более всего мне приятно ощущение души в поиске света, которое появляется во мне после знакомства с представленными образами. Думается, автору не следует страшиться сложных техник и переживать о непоимающих - время всё расставит по местам.

С нетерпением жду дальнейшего творческого продвижения, расширения художественного взгляда.

Вперёд ведущего пыти тебе, Автор.

Комментарий от: Карташов Сергей, Декабрь 2, 2011 в 6:01pm

сантяй, я не профи, но графикой занимаюсь и рисую много. могу сказать, что рисунки красивы, выполнены хорошо. конечно есть некоторые недочеты в картинах, где рисованы дети и старцы - нужно доработать мастерство.

он в основном работает в стиле графики и акварели, или же есть еще работы?

я в основном, больше, график.

Комментарий от: Boljaenj Syresj, Декабрь 2, 2011 в 2:10pm

Кинень эрявить неть "профессиональнойть художникень арсемаст"? Мезе мельс туи: ванат, ды чарькудят, те цёракась соды ды неи таго мезе, мезде тон пинге эрязь, мезеяк а содат! Эрзянь алянтень эряви лездамс, ялгат!

Комментарий от: Santjai, Декабрь 2, 2011 в 12:28am

А есть на сайте художники, которые могут дать профессиональную оценку? Было бы интересно.

Комментарий от: Santjai, Декабрь 1, 2011 в 9:54am

Те маштомачитне пазонть эйстэ. / Этот талант от Бога.

Комментарий от: Oli, Декабрь 1, 2011 в 1:09am

красивые картины!

Комментарий от: Эрзянь Мель, Ноябрь 30, 2011 в 10:40pm

Ине эрзя касы!

Комментарий от: Erush Vezhai, Ноябрь 30, 2011 в 10:21pm

Вадря!

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования