Uralistica

Мезе истямось пильгеоска? 

Минь ялгань марто, кавонек те спортонть вечкицят, весть кода-бути арсезевинек, кода эрзякс карми «футбол» валось? Тесэ кувать арсемс эзь савт. Англань кельстэ сон парсте ютавтови эрзянь кельс. Пильгеоска – вана истя мазыйстэ гайги эрзякс минек вечкевикс налксеманок!

                                            

 Неть читнестэ савсь ваномс пильгеоскань налксема, косо пелькстасть англань «Манчестер Юнайтед» ды испанонь «Атлетик Бильбао». Паряк вечкевикс ловныцятне арсезевить, мекс монь кортань те налксеманть ланга? Евтаса.

 

                                                                                                           

                                                                                                                       

                                                                                                                                    моли алкуксонь тюрема                                                                                                     

                                                                                                                                                       

Мон сельмень тетькезь ванынь, кода испанонь налксицятне весе виест, весе ежост максызь эседест виев ды титулов «Манчестер Юнайтед» куронть каршо «тюремантень», лиякс те а лемдевияк. Налксемась прядовсь. «Манчестер Юнайтед» – «Атлетик Бильбао» – 2-3. Ды те англань «Олд Трафорд» стадионсо!!!
А мекс минек налксицятне аволь седейнек-ойменек совить налксемас? Монь коряс вана мекс. «Athletic Club de Bilbao» – испанонь пильгеоскань куро Бильбаоcто (Баскань Мастор), косо налксить ансяк баскат, ансяк эсест раськень ломанть. Секскак, монь коряс, те куронть истямо потмовиезэ, покш каштанчизэ. Сынь налксить аволь ансяк ярмаконь кисэ, а тиринь раськест лемест кис. Истя Испаниянь командантень баскань курось максь сехте ламо налксицят.

                                                                           

                                                                                                                                                    Баскатне изнясть                                                                                               

                                                                                                                                   

Неень шкане масторлангонь сехте виев курось – Каталониясто «Барселонась». Пеледест ламо те куронь налксицятне эсест кастовкст, каталонецт.

                                                 

                                       Масторлангонь сехте виев пильгеоскань курось


 

Улить арасть истят куроть Россиясо? Монь мельс сы ансяк «Алания» ПК. Сон истяжо бажи совавтомс куронтень седе ламо осетинт, эсь раськень ломанть.

Истя минь парсте содасынек Алан Дзагоевень ды Габулов Владимирэнь осетинтнэнь. 

                                                                                                                                                    

                                                                                                                 

                                                                                                            осетинэнь церат 

                                                                                

                                                      

Неть читнестэ ушодови пильгеоскань коряс пелькстамось.

Васенце дивизионсо налкси «Мордовия» пильгеоскань курось.

Минек курось тедеде пельксты премьер-лигас лисеманть кис.

Кода неяви, пильгеоскась пек вейсэнди ломантнень, раськетнень.

Истя раськень потмоежост кась баскатнень, осетинтнэнь.

Паряк миньгак, эрзят ды мокшот, пуромтано пильгеосканть коряс?

Паро, бути карми улеме «Мордовия» ПК пильгеоскань коряс «Эрзянь

ушмо» ды «Мокшень ушмо». Сестэ раськень ломантне вейсэндить вейке

идеянть перька, сестэ касы сынст каштанчист ды кармить марямо

прясост эрзякс, мокшокс. 

куронь ветиесь- Ф. А. Щербаченко


Саранскоень пакся лангсояк молить аволь эйкакшонь налксемат












                                                                               истят "сэредицят" улест эрзятнень ютксояк

Мон свал якан стадионов сэредеме «Мордовиянть» кисэ.

Лиясто стадиононь келес марят, кода мокшонь вейке алясь серьгеди «ИНГОЛИ!».

Пек ламо марян-неян эрзянь ломанть. Истямо койсэ монськак лиясто серьгедеван мезеяк эрзякс. Кеман, чачить эрзянь налксицят, эрзянь "сэредицят".

Ялгат, веси стадионов! Сэредеме, вейсэндямо! 

                                                                                                    

                                                                              

Од валт:

Пильгеоска - футбол

ПК - пильгеоскань куро (футболонь клуб)

Мартонк пильгеоскадо

кортась Uchevatonj Santjai.

Просмотров: 610

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Март 10, 2012 в 3:07pm

Vide!

Комментарий от: Эрзянь Мель, Март 9, 2012 в 10:09pm

Кодат молемат! Эряви кортамос сынст совавтомс!

Комментарий от: Erush Vezhai, Март 9, 2012 в 9:48pm

Пек видестэ, Сантяй. Совавтсынь тон од эрзянь валтнэнь Эрзянь Од валонь валксос. Каршо а кармат?

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования