Uralistica

Шкинемантень весе виень максомась-истя лади меремс зярдо евтнят Елена Андреевна Пурилкинадо И.М.Яушев лемсэ Государственной музыкальной театрань прявт хормейстердэнть, исскуствань заслуженной важодицядонть. Музыкантень весе виень максомась-те невтевкс весе ушодыця музыкантнэнь туртов.


Хормейстер-хоронь мастер ловови цераломанень тевекс,тесэ эряви юхаемс кедьсэ, ветямс хоронть, нама, те тевсэнть Елена Андреевна мари прянзо теке кал ведьсэ.
Весе ушодови чачома енкссо. Исскусствантеньгак кинть Елена Андреевна ушодызе Кочкурбуень Семилей тиринь велесэнзэ. Школасо тонавтнема шкастонть ульнесь пурназь паро хор, те ульнеськак васенце эскелькс музыкань масторонтень. Музыкальной ероксчись од тейтеренть эйсэ эри вишка пингстэ саезь, мейле Саран ошонь музыкальной училищасо ульнесь путозь тензэ поладкс.
Мезес бу илязо кунда Елена Пурилкина, всесемесь ульнесь топавтозь анся «ветес». Сон кенериль прянть невтемс профессиянь коряс пелькстамотнесэ ды истя жор спортсо. Кода кортыть ероков ломанесь ероков эрьва мейсэ.
Елена Андреевна Пурилкина важодсь Казанень консерваториянь ды Ичалковской педагогической училищань тонавтыцякс.
2000 иестэ саезь –МР-нь Государственной музыкальной театрань прявт хормейстер. Нама, нейгак савкшны топавтомс тонавтыцянь тевенть, эдь эрямось юты икелев, театрантнень сыть од ломанть, конатнес сави путомс ламо вийть, эряви важодемс мартост.
Елена Андреевна кода театрань хормейстер ульнесь «Ветер с понизовья», «Литова» национальной музыкальной драмматнень, «Невеста грома» оперань-балетэнь; омбомасторонь ды рузонь композитортнэнь опереттаст ды музыкань комедиятнень Ж.Офенбахонь «Мазый Елена», И.Штраусонь «Кедьнимиляв», И.Кальманонь «Марица» ды ламо лия оператнень путомасо.
Тесэ кода кортыть-седе паро весть марямс, аволь кода сядоксть ловномс.
Тешкставлия, ероков музыкань коряс тонавтыцякс ули анся ламонь содыця, рузкс меремс, интеллектульной ломанесь.
Елена Пурилкина эрзянь раськенть кисэ каштанчисэ аштиця ломань. Сон паро мельсэ корты тетянзо-аванзо кельсэ, сеедьсэ эрси тиринь Семилей велесэнть. Свал паросто вастыть сонзэ тосо. Елена Андреевна паро мельсэ ледстни кода вастовкшныть тонавтницязо Зинаида Лазуткина «Сударушка» ансамблянть ветицянзо марто. «Тевест ютыть паросто. Мон кенярдан-ули моньгак путовксом тиринь веленть музыкальной мазычинтень»- тешктась эрзявась.


Оят, Елена Андреевна Пурилкинанень И.М.Яушев лемсэ Государственной музыкальной театрань прявт хормейстерэнтень, исскуствань заслуженной важодицянтень, эрзянь раскень ломанентень топодсть 70 иеть. Хоронь ветицясь а мари прянзо сыре ломанекс, сон виейтнень саи музыкастонть, конанень алты весе эрямонзо.

Арсетяно Елена Андреевнанень седее товгак текшт шкинемасозо, шумбрачи ды куваа эрямо!

Valda

Просмотров: 160

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования