Uralistica

Рузонь эйкакштне тонавтнить эрзянь кель

Саран ошонь  97 номерэнь  эйдень кужосо тонавтови эрзянь келесь. Содави,  аволь весе тосонь трявкстнэ эрзят, нама, ламотнень тетяст-аваст  кортыть эрзянь кельсэ эсь ютковаст,  эйдетне марто-рузкс.

Мария Сураева эрзянь тейтересь кода ушодсь важодеме эйдень кужосонть, явсь мель ветямс кужине ды тонавтомс тиринь келентень рузонь эйдетнень. 

Истя Маша пурнась тетятнень-аватнень пельде яволявтомат, кочкась эрявикс программат, артовкст, налшкеть ды чачсь «В гостях у Вирявы» кужинесь.

Сондензэ седе домкасто эрзянь тейтересь ёвтни «Вайгель» радиоканалонть эфирсэ

Кунсолынк:    Мария Сураева Вайгеленть студиясо.MP3

Истя, Мария Сураева вети  «В гостях у Вирявы» кужиненть. Весе ёвтыть тензэ сюкпрянь валт. А  сонзэ вишка трявкстнэ  свал саить казнень таркат эрзянь келень коряс ютавтовиця пелькстамотнесэ.

  

         

                                                    "В гостях у Вирявы" кужонтень совицятне

Маша  сеедьстэ прими участия эрзянь весе покш кенярксчитнесэ. 

Мария Сураева ды Петрань Андю Раськень Озксонь пингстэ

Паро, бути улить истят ломанть, конат эсет важодеманть топавтыть мезе лангскак апак вано, истят, кода Мария Сураева. Эряви тешкстамс сеньгак, те кужиненть ветямонь кисэ кодамояк питне а пандови, кияк а кармавты. Товты Маша эрзянь келентень эсь мелень коряс, ютко шкасто. Ды тень кисэ весе эрзятне ёвтатано тензэ СЮКПРЯ!!!!!

Valda

Просмотров: 346

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Boljaenj Syresj, Март 20, 2014 в 6:31pm

Паро тевесь! Ялгат, кежьтеме, инескеть!

Таго мейсь кодаяк а а туи мелезэнь сёрмадовксонть лемезэ. "Рузонь эйкакштнэ тонавтнить эрзянь кель"! Паряк мон аволь видестэ арсян, ансяк монень маряви седе

"эрзякс": - Рузонь эйкакштнэ тонавтнить эрзякс кортамо. Паряк, седе парсте гайги.

Кувать арсинь мейсь истя. Монь эсь койсэ арсемась истямо. -Рузокс ёвтазенть а эряви снартнемс эрзякс валдо-валс ютавтомс. Аволь свал ютавтови. "Эрзянь кель" те "калька" -"эрзянский язык"тенть. Эрзякс ули -мон кортан эрзякс. Бути ёвтамс"мон кортан эрзянь кельсэ" ули мелесь поладомс ды эрзянь кургсо.  

"Эрзянь келесь" кургсо, кортатано минь эрзякс. Арась эрзянь кель, ули эрзянь кортамо, эрзякс кортамо. "Языкенть" кортамокс теизь таколи, поптнэ, конат пачкодсть минек мастортнэс Болгариясто. Нама, весе ней истя кортыть, ансяк, паро улевель велявтомс сень мезе ульнесь стувтозь -ёмавтозь!  

Комментарий от: Erush Vezhai, Январь 27, 2014 в 7:46pm

Валдо мельть ды паро икелев моли тевть паро эрзянь тейтерентень!

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования