Uralistica

Гожъяськет кылэз азинтон, вераськетъёсты лулӟытон но суро-пожо кыллы реабилитация

Светӥ Едыгарова-Мантель:

Выль кылъёс кылдытон сярысь. (Кемалась гожтыны кутскисько вал ини но али гинэ пормиз.) Удмурт кылэз азинтон но выль кылъёсты малпан – со туж умой но кулэ уж. Зечокъёс! 

Озьы ке но, удмурт кыллэсь портэм стильёссэ эскерыса, тани таче малпанэ вуи. Туала удмурт литературной яке стандартной кыл, тужгес ик литературной кыллэн пуристической стилез (зуч кылъёслэсь чылкытатэм стиль) – со луэ искусственной яке неестественной стиль. Таче удмурт кылэз туж ожыт удмуртъёс тодо (примерно 30 %), таче стиль, в основном, книгаосын но газетъёсын, телевидениын но радиоын улэ. Куд-ог удмурт филологъёс тужгес но пуристической стилез «мертвечина» шуо, м.к.ш., таче кыл зэмос удмурт вераськон кыллэсь сыче портэм луэ, что со иностранной кыллы укша, интимной шомыз быре. Собере чемысь таче стиль, вань кылъёсыз удмурт кылэ берыктэмын ке но, синтаксисэз но когнитивной схемаосыз зучесь яке удмурт логикалы валантэмесь кылё. Соин ик таче стилен лэсьтэм текстъёслэн эстэтической дунзы быре. Собере удмурт стандартной кыл общестовамы практически функционировать уг кары; нокыче официальной заявление удмурт кылын уд гожты. 
Огшоры удмуртъёс таче стилен уг верасько, кылсярысь, семья куспазы. Соос верасько диалектъёсын яке зучен-удмуртэн суро-пожо стилен. Удмурт интеллигентъёс таче суро-пожо стилез зол критиковать каро. Но со луэ – зэмос луло удмурт кыл, единственной естественной кыл стиль. Удмурт кылэз утеммы потэ ке, та стилез одно ик утьыны кулэ, солэсь престижзэ жутыны.

Удмурт литературной кылэз одно ик кулэ азинтыны, одно ик кулэ выль кылъёс малпаны, но:

1. Выль кылъёс малпан сяна, одно ик кулэ со кылъёслэн стилистической контексты сярысь но малпаськыны. Кылсярысь, вань кыл пелепон, со туж тунсыко креативной кыл, но солэн кутиськон сфераез – модной егитъёслэн неформальной вераськоназы; сое газетэ уд гожты.

2. Собере выль кыл малпано ке, озьы ик дэмланы кулэ, та кылэз калыке пычатон стратегизэ но. 

3. Одно ик кулэ удмурт стильёс но кыл регистыръёс (кыллэн кутиськон сфераосыз) сярысь малпаськыны но соосты исследовать карыны, но улонэ пычатыны. Кылсярысь, договориться яке соглаш кариськыны, газетъёсын тазьы луэ вераськыны шуыса, егитъёслэн озьы луэ вераськемзы шуыса, N гуртысь воргоронлэн суро-пожо вераськемез луэ шуыса. Таче принципиальной соглашение кутиськом ке, Богдан Анфиногеновез критиковать ум кариське ни, суро-пожо гожъяське шуыса; венгер кылысь егит берыктисьёсты но, толыктэм берыкто шуыса; яке гуртысь воргоронэз, нокыче кылын но умой-умой вераськыны уг быгаты шуыса.

4. Выль кылъёс кутоно ке, соослэсь кутиськон сфераоссэс азинтоно, школаосты лыдэ басьтыса. 

5. Вань кылъёс воштисько. Удмурт кыл но воштиське, зуч влиянилы сётиське. Но со совершенно нормальной процесс. Туала луло удмурт кыл – со зучен-удмуртэн вошъяськись кыл. Мед со улоз. Удмурт вераськон естественной кылэз чылкытаны али нуналэ невозможно, м.к.ш., вань удмуртъёс зуч сямен верасько, зучкылъем обществоын уло. Таче «чылкыт луисьтэм» кыллы удмурт интеллигенция улыны право сётыны кулэ. Либо таче кыл улоз, либо удмурт вераськон кыл кулоз.

6. Удмурт диалектъёслэсь но вераськон стильлэсь престижзэ жутон понна, котькуд «Малпа выль кыл» ужрад понна куинь «Вераськы диалектэныд» ужрад лэсьтоно. Диалектъёслэсь престижзэс жутыны юрттись ужрад, кылсярысь, вал футболэн шудон «бен» но «бон»-ёс куспын. Со порма ужрадъёсты чемгес радъяно. 

Гажаса,
Светиды

Йорги Ортёми:

тезисэд тунсыко. "Малпа выль кыл" но выль кылъёсты кылдытон вань удмурт кыллэн ужпумъёсызлы но висёнъёсызлы панацея овол. конешно, та выль кылъёслы юри пычатон стратегиез малпаськоно. конешно, та выль кылъёсты вераськонэ но огшоры улонэ пычатыса контекстъёсты эскероно. соин долак соглаш луисько. Зуч кыллэсь влиянизэ юнматон интые мон солы пумитъяськон амалъёс ласянь малпаськысал. мар карыны кулэ удмуртъёс удмурт шомогес конструкциосын мед вераськозы шуыса. суро-пожо вераськисьёсты овол тэргано, нош сёравно овол буйгатсконо сыче дрейф сэрен, овол солы сётсконо. сётским ке, удмурт кыллэсь пуш чеберлыксэ ыштом.

Светӥ Едыгарова-Мантель:

Mon zuch kylles vlijanize junmatyny ug ötisky. Konechno kylez chylkytaton bordyn uzhano, no tynad so van' uzhed literaturnoj stil ponna gine luoz, gurtys kalyklen kylyz as kozhaz ule, soje milam kontrolirovat karemmy ug luy. Med luoz cheber literaturnoj kyl, no soles no zol med uloz veraskon kyl - kotkytshe so medlo, hot chylkyt cheber vashkala udmurt kyl, hot suro-pozho. Tani ta mynam glavnoj pinte val.

Светӥ Едыгарова-Мантель:

Valamon, ta uzh van' problemaosty uz pertchy. No ta uzh dzhuas' korkays' ad'amiosty intyje mebelez pottylon uzh vyllem medaz luy val.

Йорги Ортёми:

уг шуиськы ук, кылэз чылкытатон - тужгес но кулэ луись уж шуыса. оглом, удмурт кыллэсь уже кутӥськемзэ паськытатоно. школаосын позициезлы дурбасьтоно, выль луонлыкъёсты кылэз дышетӥсьёслы усьтоно. таиз - одӥг гинэ инициативамы, мукетыз - билингвизмез пропаганда. Куинетӥез луоз школаосын герӟаськем мар ке.

http://vk.com/wall-51996455_97

Просмотров: 259

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Shkljaev Aleksej, Апрель 18, 2013 в 2:00pm

Суро-пожо кылэз зибемын-а маро? 
Сое реабелитировать карыны ӧвӧл кулэ мкш удмурт кылэн ӵошатыса со искусственный кылэз.

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования