Uralistica

«Торама» морыцянь вейсэндявксось комсь иеде ламо кенярдовты миньсэнек эсензэ гайгемасо, ансяк мекс-бути меельце шкасто сынст ланга аламо кортыть ды сёрмадыть. Те асатыксэнть аламодо витнеса эсь сермадовксосон. Пряс сась мель сёрмадомс «Торама» морыцянь вейсэндявксонть од морокерькстэнть, альбомдонть, конанть лемезэ «Shkanj sjulmot» (Связь времён / Connection of times). Монень эстендяк ульнесь покш ды кенярксов кулякс марямс морокерьксэнть лисемадо. Прям шнаса, од шкиневксэнть монень казизе сонсь «Торамань» прявтось Йовлань Андю. А ёвтавияк, кода пек кецинь те казнентень. Сеске прязон чачсть зярыя кевкстемат, конатнень максынь Йовлань Андюнень:


– Шумбра чи, паро чи, Андю! Течи карминь содамо од морокерьксэнк лисемадо. Ёвтнек миненек, кунсолыцятненень, косо ды зярдо сон лиссь?

– Шумбратадо, вечкевикс кунсолыцят! 2010 иень перть минь важодинек ды казятано тыненк эсенек од альбомонок. Сон ульнесь сёрмадозь 2010 иень перть, ансяк миема тевс нолдазь
2011 иень панжиковсто.

– Евтак, Андю, зяро морот совасть те морокерьксэнтень ды кодат? Мейсэ сон явови лия морокерькстнэнь эйстэ?

– «Shkanj sjulmot» совавтсь кевейкее эрзянь морот. Моравить ламо вайгельсэ, тевс нолдазь эрьва кодат седямот-налксемат марто. Истя морасть икелень эрзятне. Секскак мерян, неть моротне
аутентичнойть (алкуксонь).

– Кода содатанок, те «Торамань» нилеце  морокерьксэсь. Мейстэ сон явови
лиятнень эйстэ, мейсэ сонзэ башкачизэ?

– Башкачизэ сеньсэ: васенцеде моронь теемстэ тевс нолдазь компьютерэнь одшкань технологиятне. Истя, сынь тевс нолдазь Domna patjam ды Tjushtja мортнесэ. Бути домкасто ванномс весе
моротнень, сынь парсте явовить колмо курова:

1) ансяк вайгель марто (Ravzhava, Sananj Terjusha, Poksh Tolkan velesj,
Murzanj tjora);

2) вайгель седямот-налксемат марто (Eru, Valt valt pizemne,               Adja kijal mazy repsenj salamo, Kuva sodavi tundonj chisj, Kov purnat mazy teiterj narjazhat);

3) вайгель, седямот-налксемат ды компьютерэнь од технологиятнень марто (Domna patjam, Tjushtja).

Торама - Кува содави тундонь чись by jorgi


– Мезнень эли кинень алтазь «Shkanj sjulmot» од морокерьксэсь?


–Минек алтынек сонзэ «Торама» теицянтень-пурныцянтень, Йовлань Олонень.

– Кодат арсеманк маласо шкас?

– Арсетяно седее тов кастомс эсенек ёрокчинек морамо тевсэнть, нолдамс од морот, морокерькст. Сыця иентень анокстатано нолдамс од морокерькс. Лезэ учомс а кинь пельде, весе
эсенек вийсэ. Мезеяк, стакачитне свал кармить, кедть а нолдтнетяно. Минь
карматано улеме се шкас, зярс эрявдано тыненк, кунсолыцятненень, минек
морамонть вечкицятненень.

– Сюкпря, Андю, седейшкава кортамонть кисэ. Мон весе кунсолыцятнень эйстэ арсян тонеть кеме шумбрачи, од изнявкст! Седе тов кецявтодо эсенк моросонк. Кадык свал гайги
«Торамась»!

– Сюконян! Весенень арсян паро уцяска, вадря кулят!

Паро ёжо ды арсемат састь од моротнень кунсоломдо мельга. Сеске гайкстынь казицянтень, ёвтынь покштояк покш сюкпря казненть кис. Ней эрьва чи неть моротне сезить монь
кудонть. «Торамань» весе мортнесэ кодамо-бути вий, конадонть касыть ёжо ды
мель. Сынст морамось, мазый гайтне ютыть рунговат прядо пильгс ды
токить-пачкодить седейс ды оймес.

Торама - Равжава by jorgi


Те морокерьксэсь лись 2010 иестэ. Сестэ,паряк, мертядо мекс сон од? Ёвтаса мекс: эйстэдензэ кияк пек а соды ды эзь марсе. Ды секскак сась мель сермадомс те альбомодонть. Кадык весе
эрзятне, лия раськень ломантне кунсолыть ды теке тантей медте копорить неть
алкуксонь, мазый ды виев моротнень.

Просмотров: 742

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Сентябрь 2, 2011 в 11:42pm
Вадрясто!
Комментарий от: Эрзянь Мель, Сентябрь 2, 2011 в 6:55pm

Контактная информация:

Контактная информация:

+7 (927) 176 93 33

+7 (927) 971-10-88

+7 (927) 274-35-44

Альбом можно приобрести у самих участников. Он стоит 300р. Почему его нет в магазинах? "Торама" не хотела, чтобы цена на диски поднялась на 30%. Приобретайте  у самих участников. Автограф по желанию)))

Комментарий от: Santjai, Август 31, 2011 в 11:59pm
У меня есть новый альбом, отличная энергетика, не похожая ни на что.
Комментарий от: Эрзянь Мель, Август 31, 2011 в 8:52pm
В статье речь идет о новом альбоме группы "Торамы", который называется Шкань Сюлмот (Связь времен).

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования