Uralistica

Мон кык нунал ӵоже Ижкарын вал, АРТ-Э фестивале пыриськи. Покчиарняе Удмуртлык-выльдӥськон эктон ӝытэ ветлӥ, кудаз Удмуртлык нимо вконтактеын кылдытэм туркымлэн вордскем нуналыз пусъемын вал. Отын ик фестиваль но усьтэмын вал. Ужрадлэн шормалпанэз компьютер сӧзнэтэн герӟаськемын вал. Компьютер сӧзнэтын ужаку, пумен кибыос люкасько, сӧзнэтысь соосты палэнтыны кулэ.
Выльдӥськон сӧзнэтлы выль улон сётэ.
Удмуртлыкмылы но выльдӥськонтэк ӧйлась – выль валанъёсты пыртоно, выль ужпумъёсты ӝутоно.
Кылем удмуртарняе удмурт модернизаци нимо конференцие пыриськи. Ми Олёшен валче мадимы туала удмурт модернизацилэн ӧръёсыз но кужымъёсыз сярысь. Милям учкетмыя, удмурт модернизаци сярысь вераськыку, куинь люкетъёсты сэрттоно-пертчоно:
- удмурт асшӧдон
- удмурт мер
- удмурт котыр инкуазь-вылос

Модернизациез ортчытоно, асьмелэсь турлы меръёсы пыриськеммес но пӧртэм улосъёсын улэммес лыдэ басьтыса.
Ми малпаськом, та модернизациез улонэ пыӵатыны луэ, удмурт асшӧдонэз, удмурт мерез, удмурт вылосэз выльдыса-азинтыса.

УДМУРТ АСШӦДОН

Асшӧдон гинэ луонлык кылдытэ диаспораын (дорлэсь палэнын) улӥсь удмуртъёс понна ас удмуртлыксэс утьыны,
Со дуннелэн вань сэрегъёсысьтыз удмуртъёсыз огазеясь дӥнь, солэн юрттэменыз ми асьмемыз удмурт шӧдӥськомы, огъя удмурт астодонмес юнматӥськомы но ог-огенымы вискетъёсмес возиськомы.
Удмурт культуралы туала но азьлане ӝог мынӥсь луыны кулэ.
Удмурт модернизаци – со удмурт кыллэн выльдӥськонэз но азинсконэз.
Макем трос удысъёсын удмурт кыл кутӥськоз, сокем солэн инлыкез вылӥгем ӝутӥськоз.
Удмурт кыл котькытын уже кутымон мед луысал вылэм, удмурт кыл пушкын выль кылъёсты но кабъёсты кылдытъяно.
Выль нимкылъёсыз кылдытон понна кыллэсь истори синошмессэ-ресурс- лыдэ басьтоно.
Удмурт культуралы туала но азьлане ӝог мынӥсь луыны кулэ.
Малы бен удмурт культура сокем зол туала текникалэсь но текнологи дуннелэсь люкемын?
Удмуртлыкез гурт возёс но гурт валанъёсын гинэ герӟамен, палэнысен таӵе суред кылдэ: удмуртлык - со маке воксё но туала ӧвӧл шуыса, солэн вуоноез но, пе, ӧвӧл. удмуртлык кытын ке но шор дауръёсын аналмемын шуыса.
Ӧвӧл, милям но вань туала культурамы, удмуртъёс но туж усто текникологиен выро. Азьло вакытлэн тодметъёсыз вашкала дэрем но кут вал. Туннэ вуиз мукет вакыт, но удмурт культура алиала дыре но вань, солэн но вань йӧспӧртэм сямыз.
Мед удмурт культура тӧрлыксэ текника вылэ вӧлмытоз.

УДМУРТ МЕР

Тросгес удмурт удыс луиз ке, удмуртлыкмы кужмогес гинэ луоз.
Милемлы улӥысен потӥсь кичӧлтонъёсты азинтыны кулэ, соослэн лыдзы мед будоз. Милемлы но демократи культураез удмурт мерамы юнматыны кулэ.

УДМУРТ ВЫЛОС

Вылосмы историенымы зол герӟаськемын. Вылосмы - со инвис, но ми солэн котретаз улӥськом.
Вылосмес тазагес кароно, сое нылпиосмы понна утёно.
Вылосамы удмурт шӧмогес тодметъёсты пыртыны кулэ.
Кылмес но культурамес дурбасьтыса, милемлы вылосмы сярысь вунэтыны уг яра. Со милям музъеммы, ми татын азьланяз но улом, соин ик вылосэз утён но азинтон - со асьмелэн гинэ ужмы.

Просмотров: 129

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования