Uralistica

Школаын дышетскыку но студент вакытэ тросэз кылбуръёс гожъяны выро. Кинлэн кет уж умой пӧрме, но уноез чуръёс «ӝӧке кылё», калыке уг потто. Угось ваньзы уг дӥсьто ужъёссэс редакцие ыстыны.
1-тӥ яке 2-тӥ курсын дышетскыкум, удмурт литературая дышетӥсьмы С. Т. Арекеева пӧлысьтымы кылбур, веросъёс гожъясьёслы ужъёссэс вайыны куриз, Сыктывкарын, пе, соосыз бичетэн поттозы. Кин ке нуиз, кин ке вунэтӥз, кин ке «монтэк но гожъяськисьёс шедёзы ай» шуыса киыныз шонтӥз.
Нош люкам кылбуръёсыз но веросъёсыз зэмзэ но поттӥллям. Книгаен ӧвӧл, дискен. Та ужез быдэстэм Сыктывкар кун университетысь коми литературая дышетӥсь Е. В. Остапова Н. В. Остапов кузпалэныз ӵош. «Выль чужӧм» («Выль тус») нимо дискын люкамын удмурт, коми но коми-пермяк егитъёслэн ужъёссы.
Уж быдэстэмын Финляндиысь Кастрен нимо огазеяськонлэн юрттэтэныз. 1000 диск поттэмын ни 2011-тӥ арын, но шедьтыны сое луэ Е. В. Остаповалы вазиськыса но Сыктывкар, Ижкар, Кудымкар университетъёслэн библиотекаосысьтызы.

Просмотров: 291

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Лена Рябина, Октябрь 6, 2012 в 10:36am

Вахнин Николай Владимирович, пе. ӧй на кылы со сярысь. ӧй на адӟылы.

а лабораторие вуылӥ ни))

Комментарий от: andrewboltachev, Октябрь 6, 2012 в 1:14am

Валамон, соку со мукет проект. А Колялэсь фамилизэ но уг тодкы ((( тодӥсько гинэ, солэн вань аслаз "Кола" яке "Колана книга" (удм. "кулэ луись книга") книгапоттонниезhttp://xn--80aaalyjcftcf.xn--p1ai/ . Ми сое серекъяса "Колина книга" нималлям. со мукеткнигапоттонниын но ужа (нимаське со "Арт-Лад" кадь). Соос бадӟым Коми атлас лэсьтӥзы, соослэн книгаоссы "Коми небӧг лавкаын" вань (К. Маркса, 229, Печать керка). Та ик коркаын милям лабораториямы но, книгапоттониос но.

Комментарий от: Лена Рябина, Октябрь 5, 2012 в 8:40pm

Андрей, нош кыӵе Коля соин выриз?

Диске поттэмын егитъёслэн гинэ кылбуръёссы, Ашальчи Окилэн, Татьяна Черновалэн одӥг чурзы но отын ӧвӧл.

Нош тодӥськод-а, выль проектсы соослэн - нош ик диск. Али со бордын ужаны кутско, но мар отчы пыроз - мон уг на тодӥськы.

Комментарий от: andrewboltachev, Октябрь 5, 2012 в 7:57pm

Туж умой, литература улэп шуыса :-) Сыктывкарын туэ гужем ортчиз "Гожся том филологъяслӧн университет" ("Егит филологъёслы гужем универстет"), отчы пырись коми но коми-пермяк егитъёс, ваньмыз сяна, кылбуръёссэс но веросъёссэс компьютере гожтӥзы. Татысь соосты али но лыдӟыны луэ: http://komikyv.ru/personal_blog/

Тодам вайисько на, туэ гудырикошконэ, Сыктывкарын ик лабораториын ужакум туж тунсыко уж лэсьтӥ. Милемлы вазиськиз Коля эшмы, кудӥз "Конлана книга" но "Арт-Лад" книгапоттонниосын ужа. Со куриз книгапоттонни понна тупатъяны удмурт кылын текст (букваос вылын точкаос ӧй вал). Текст вал удмурт нылкышно яратон лирика сярысь книга (критика). Мон адӟи Ашальчи Окилэсь, Татьяна Черновалэсь, Ольга Трониналэсь но мукет авторъёслэсь кылбуръёссэ. Туж кельшизы, туж тунсыко вал лыдӟыны. Кытчы со текст собере потоз, уггес тодӥськы, но луоз кыӵе ке книга, кытын коми но, удмурт но кылбуръёс луозы кадь. А милесьтым эскерем текстмес Коля выльысь Удмуртие келяз. Оло, та ик диск со?

Диск — туж ик умой ӧвӧл. Валамон, со книгалэсь зол дунтэмгес шуыса. Одӥг ласянь, мар понна электрон текстъёс диске гожтӥзы? Соосты интернетэ шараяно, тросгес адями мед лыдӟоз, та тематикаен тодматскоз шуыса. Кык ласянь, книга луысал ке, сое кияд кутоно но, кинлы ке кузьмано но луысал. Малпасько, Кастрен огазеяськон пумтэм уксё висъяны уг быгаты, кулэ нырысь ик рос-просгес малпаськыса сое басьтыны.

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования