Uralistica


«СУРВЕЛЕ» футболонь команданть чачомадонзо-теемадонзо


«СУРВЕЛЕ» – те од ломанень футболонь команда. Сонзэ чачомасо-анокстамосо аштить Сурвеле эрзянь веленть эрицятне. Командась икелев молиця. Райононь пелькстамотнесэ свал ульни икельцетнень ютксо,
сеедьстэ – васенцекс. Команданть ламо налксицятне – велень цёрат: Четайкин Андрей, Четайкин Михаил, Дадаев Юрий, Учайкин Евгений, Данильчев Алексендр (Зинёронь Сантяй) ды лият. «Васняяк минь вадрясто анокстынек райононь пелькстамотнес», – корты Радаев Александр капитанось. – «Шкань ютазь седеяк виевстэ ушодынек команданть анокстамо, путомо ламо вий. Весе минь налксетяно эсенек веленек кисэ, ды арсетяно пачтямс ваныцянок туртов паро мельть-арсемат».
Ламо пелькстамотнесэ командась невти вадря налксема. Сехте паро иекс «СУРВЕЛЕ» команданть туртов кармась 2011-це иесь, зярдо налксицятне лиссть васенцекс райононь весе пелькстамотнесэ, бути а ловомс Изницянь чинтень алтазь пелькстамонть (даволковонь 23-це чи, 2011-це ие) – 3-це тарка. Те кодаяк эзинзе абунгавто налксицятнень, ды весе лия пелькстамотнень сынь ютавтызь «ветес».


«СУРВЕЛЕНЬ» налксематне (2011-це ие):
Якшамковонь 6-це чись, Семилей веле, ФОК «Норов». Мини-футбол. Роштувань пелькстамо. Финалось. «Сурвеле» 5-4 «Кочкурвеле»;
Даволковонь 23-це чись, Семилей веле, ФОК «Норов». Мини-футбол. Изницянь чинтень алтазь пелькстамо. 3-це тарканть кисэ налксемась. «Семилей веле» 1-3 «Сурвеле»;
Медьковонь 23-це чись, Сурвеле, Футбол. Геннадий Аверкинэнь – футболонь налксицянть лецтямга пелькстамо. «Орбита» эйкакшонь оймсемань лагерь. Финалось. «Сурвеле» (од ломанть) 4-2 «Орбита»;
Умарьковонь 13-це чись, Семилей веле. Мини-футбол. Физкультурникень чи. Финалось. «Сурвеле» (од ломанть) 2-0 «Кочкурвеле» (од ломанть);
Таштамковонь 10-це чись, Кочкурвеле, «Юность» стадионось. Футбол. «Россия – спортивная держава» форумонтень алтазь пелькстамо. Финалось. «Сурвеле» 9-3 «Мурань веле»;
Сундерьковонь 27-це чись, Семилей веле, ФОК «Норов». Мини-футбол. Велень хозяйствань чи. Финалось. «Сурвеле» 1-0 «Мурань веле»
Кода нетано, кото пелькстамотнестэ командась ветексть ульнесь васенцекс, ды ансяк весть – колмоцекс. Умарьковсто Сурвелень зярыя цёрат: Радаев Александр, Данильчев Александр (Зинёронь Сантяй), Четайкин Андрей, Учайкин Евгений, Аношкин Александр ды Любишкин Денис налксесть раськеютконь ялгаксчинь вастомасо «Мордовия Республика» команданть кисэ. Налксемась ютавтовсь «Молодёжная ассоциация финно-угорских народов» команданть каршо, конась пурназь Финляндиянь, Эстониянь мастортнэстэ, Карелия, Марий Эл республикатнестэ, Пермской крайстэ, Пензань ёнкссто ды Ямало-Ненецкой автономной округсто. Вастовомась прядовсь 10:4 счётонть марто. Изнясть азортнэ. Изницятненень казезь кубок.
Кой-кона пелькстамотнесэ «СУРВЕЛЕСЬ» налкси кавто командасо: од ломанень ды ветеранонь. Те кецявты, секс мекс ветерантнэяк налксить пек парсте. Кавто командань налксемась карми тейневеме седе товгак.
Аволь умок цёратне явсть мель налксемс Саран ошонь мини-футболонь пелькстамосо (2011/2012 иетне), конась ашти кавто этапсто-пельксстэ. Ней ФК «СУРВЕЛЕСЬ» налкси аволь ансяк тиринь велензэ, мик весе Кочкур ёнксонть кисэ. Командасонть лововить 14 ломанть (регламентэнть коряс), ламотне велень. Капитанось – Радаев
Александр (№10), вице-капитанось – Данильчев Александр (№1). Аволь умок командас сась Фатькин Андрей – М. Е. Евсевьевень лемсэ МГПИ-нь физвоспитаниянь факультетэнь студентэсь. Андрей чачсь-кассь Кочкур ёнксонь Семилей велесэ. Цёратне сюлмить Андреень марто покш кемемат. Сон карми налксеме 7-це номерэнть ало. Васенце этапонть прядомадо мейле «СУРВЕЛЕСЬ» карми налксеме омбоце лигасо. Футболисттнэ вастовить истят командатнень марто: «Имидж» (Саран) – якшамковонь 15-це чистэ, «FOXteam» (Саран) – якшамковонь 22-це чистэ, «Экспресс-Волга» (Саран) – якшамковонь 29-це чистэ ды «СВРЗ» (Саран) – даволковонь 12-це чистэ. Весе налксематне ютыть Спортонь Кудосо. Пелькстамось прядови даволковонь 2012-це иестэ.
Команданть юрс путозь Сурвеле эрзянь веленть лемесь. Велесь, конасонть ванстовить эрзянь койтне ды кирдатне. Футболисттнэ кортыть эсест ютксо эрзянь ды рузонь кельтнестэ, арсить теемс истя, а чарькодевельть сынст лия командатнестэ налксицятне. Ве пельде варштазь, те арсемась маряви пейдемакс. Лия ёнкссто варштазь, те пек паро, вадря, кенерезь ды ёжов арсема. Командасонть улить ошонь налксицят, конатненень стакасто марявить эрзянь валтнэ ды сынст смустест. Ули кемема, шкань ютазь цёратне кармить содамо ламо валт. «Ней командасонть налксить ламо од ломанть», - тешкстыть Данильчев Александр (Зинёронь Сантяй) ды Дадаев Юрий. – «Командась теи васенце эскелькст ошонть пелькстамосо. Минек икеле ашти путовкс – изнямс эрьва налксемасо. Райононь пелькстамотнес минек футболисттнэ анокстыть пек парсте, ды тень лангс нежедезь минь свал налксетяно ансяк изнямо лангс. Содатано, ошонь пелькстамонь лия командатнесэяк улить эрзят ды мокшот. Те пек кенярдовты. Эдь ушодови изнямонь кис «тюремась». Арсетяно, шкань ютазь пелькстамосонть кармить налксеме лия эрзянь ды мокшонь командат. Учотано ваныцят ды «сэредицят»!».
Од футболисттнэ ансяк-ансяк ушодыть налксеме ды анокстамо команда. Одтнэнень сави а шожда. Ялатеке, команданть икеле ашти
путовкс – Саран ошонь мини-футбололонь 2-це лигань пелькстамосо понгомс васенце колмо командатнень юткс. Теде башка цёратне арсить налксемс лия пелькстамотнесэяк, конатнень ютавтни «Мокшэрзянь масторонь мини-футболонь ассоциациясь». Истямо пелькстамотнесэ налксемась максы ламо вийть ды канды ламо изнямот!
P. S. Минек Сабанцелень ваныцянок-«сэредицянок» Учеватонь Сантяй арсесь вадрядояк вадря рангомка: ««СУРВЕЛЕДЕ» весе пелить, «СУРВЕЛЕ» свал мольть икелев!». Кодат видеть цёранть валонзо. Сюкпря теть, Сантяй! Алкукскак, икелев «СУРВЕЛЕ»! Ды ансяк икелев!

«Сурвеле» командась
Фамилия Имя Отчество Дата рождения Виза врача
№1 Данильчев Александр Алексеевич 13.05.1989 г.
№2 Четайкин Михаил Иванович 04.02.1996 г.
№3 Сафронов Владимир Петрович 02.04.1990 г.
№4 Венкин Сергей Викторович 01.04.1990 г.
№5 Алдаркин Заур Фаридович 02.03.1985 г.
№6 Денисов Станислав Геннадьевич 01.09.1995 г.
№7 Фатькин Андрей Николаевич 15.02.1993 г.
№8 Четайкин Андрей Владимирович 06.07.1990 г.
№9 Барцаев Василий Николаевич 05.02.1986 г.
№10 Радаев Александр Иванович 18.04.1989 г.
№ 11 Шенгаров Дмитрий Егорович 02.06.1990 г.
№12 Любишкин Денис Григорьевич 30.11.1988 г.
№13 Учайкин Евгений Николаевич 11.04.1993 г.
№14 Дадаев Дмитрий Юрьевич 01.08.1983 г.
№16 Куликов Алексей Алексеевич 08.04.1991 г.
№22 Попов Вячеслав Александрович 22.10.1990 г.

                                                                                                                          

                                                                                                       

                                                                                                            Зинёронь Сантяй

Просмотров: 932

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Январь 22, 2012 в 8:01pm

Вадрясто сёрмадозь тонь кулясь, Сантяй. Мелезэм пек тусь. Паро эрзянь кельсэ. Ловнан ды паро тансть марян паро эрзянь кельдеть. Ваньксстэ, чарькодевиксстэ, мазыйстэ валтнэ-валрисьметне аравтнезь-теезь. Вана истя эряви весе од эрзятненень кортнемс ды сёрмалемс! Витик седеем эсь кулясот, Сантяй. Мекс а путнят  эсь кулят эрзянь Мелькужос? Путнек. Тозонь седе ламо эрзят совсить. Кадык сыньгак ловносызь.

Комментарий от: Erush Vezhai, Январь 22, 2012 в 7:55pm

Монь пельде рангстнемкат:

-Оскакурось "Сурвеле"! Икелев апак пеле! = Oskakurosj "Survele"! Ikelev apak pele!-

- Оскакурось "Сурвеле!" Изнямось - тонь икеле! = Oskakurosj "Survele"! Iznämosj tonj ikele!

 

Комментарий от: Кувакань Азор, Январь 22, 2012 в 6:01pm

Да,была акция по общению в перерыве только на эрзянском.

Комментарий от: Эрзянь Мель, Январь 22, 2012 в 2:44pm

Тренер у них эрзя, общается на русском и на эрзянском.Лично сам слышал.

Комментарий от: Ortem, Январь 22, 2012 в 1:39pm

на каком языке тренер общается с членами команды?

Комментарий от: Кувакань Азор, Январь 21, 2012 в 8:11pm

Паро кулясь, ялгат, неень шкасо ули од эрзянь футболонь курось!

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования