Uralistica

18-ти оштолэзе Удмурт кун университетысь удмурт филология факультетын бадӟым ужрад - студентъёслэн тодос конференцизы – радъяськиз. Татчы огъя 50 пала адямиос пыриськизы. Соос пӧлын  асьме но Казаньысь, Петрозаводскысь, Йошкар-Олаысь студентъёс, школаосысь дышетскисьёс. Пусъёно, дыр, сӥзьыл ми, студентъёслэн тодос обществоязы пырись студентъёс, бадӟым классъёс понна «Наукае нырысетӥ вамышъёсы» конкурс радъяны кутским. Ёрос чошатсконын вормыса, кӧняез ке соос пӧлысь университетын ортчись элькун этапе вуизы, удмурт кылын гожтэм фольклоръя, литературамыя но кылмыя ужъёссэс лыдӟизы. Таяз радэ вормемъёс 18-тӥ оштолэзе ортчись огъя конференцие ӧтемын вал.

Шумпотӥськом, ужрадмы тунсыко ортчиз. Огвакытэ 6 секциос ужазы. Тужгес трос пыриськисьёс «Лингвистикае» вуиллям. Соосыз кыклы ке но люкизы, озьы но самой кема пукизы. Дунъясьёс пӧлын шаерысьтымы тодмо адямиос пукизы, кылсярысь, Г. В. Романова, О. В. Титова, О. Б. Стрелкова но мукетъёсыз.

Вань докладъёсыз кылзэм бере, дунъясьёс ужъёслэсь тырмымтэоссэ но зол палъёссэ пусйизы, пыриськисьёсыз сертификатъёсын, вормисьёсыз дипломъёсын пусйизы.

Оскиськом, азьланяз но таче конференциосы пыриськыны мылкыд карисьёс трос луозы, ужмы азинтӥськоз.    

Просмотров: 110

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования