Uralistica

Арысь аре, 14-тӥ тулыспалэ, кунысьтымы тросэз егитъёс ог-огзылы валентинкаос, пичи кузьымъёс дасяло. Дунчылкыт Валентинлэн но яратӥсьёслэн нуналзы школаын дышетскисьёс пӧлын тужгес пусйиське. Нош будыса, кин ке со сярысь воксё вунэтэ, мукетыз шуныт кылъёс-ӟечкылан вера, куинетӥосыз дышем сямъя яратон сярысь кылбуръёсын сюлэмъёс ог-огзылы кузьмало. Шор арлыдоос понна та нунал нокыӵе уг поты. Нош Германиын, кылсярысь, 14-тӥ тулыспал висисьёслэн нуналэнызы (день психически больных) лыдъяське. Тунсыко потӥз, пусъё-а тодмоосы но эшъёсы Яратӥсьёслэсь нуналзэс.

Коля, 22 арес: 14-тӥ тулыспал - календарьысь огшоры нунал. Мон вунэтӥ но вал ни, кин ке соку Яратӥсьёслэсь нуналзэс пусъе шуыса.

Люба, 16 арес: 14-тӥ февраль - праздник. Сое нимысьтыз ум но пусйиське ке но, тодӥськом, со - Яратӥсьёслэн нуналзы шуыса, ог-огмес ӟечкыласьком, валентинкаос дасяськом.

Толя, 21 арес: Мон котьку пусйисько Яратӥсьёслэсь нуналзэс. Мон понна со сыӵе ик праздник, кызьы Выль ар яке 8-тӥ южтолэзь.

Оля, 22 арес: Яратӥсьёслэн нуналзы - мон понна праздник, уг но пусйиськы ке но сое. Шумпотӥсько сыӵе паръёс понна но вожъяськисько, кудъёсыз та нуналэз ог-огзылы выжыкыллы пӧрмытыны тыршо.

Вадим, 26 арес: Малпасько, та праздник яратӥсьёс понна. Мон аслэсьтым парме ӧй на шедьты, соин мон понна - со огшоры нунал.

Просмотров: 321

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Sergey Maksimov, Февраль 14, 2013 в 1:03pm

чапак Выль арез пусъён - возьматэ, кызыь лучшкем пыча зуч малпаськон амал. удмурт праздникъёсты мыкет кылын вераськомы вал зучъёссэ - пусйиськомы, бератаз - ваньзэ пусйыны кутскиськомы

Комментарий от: Лена Рябина, Февраль 14, 2013 в 11:32am

Герберез, Выль/Виль праздникез ке верано, соку милям юмшало, Выль арез пумитало) нош "праздник утиськом" шуэмез ноку кылэме ӧвӧл.

Комментарий от: Sergey Maksimov, Февраль 14, 2013 в 9:33am

нош егитлык, мон сямен, со котькуд адямиоэн лулаз-сюлмаз, аресъя со тодмостоно öвöл.

Комментарий от: Sergey Maksimov, Февраль 14, 2013 в 9:31am

"вашкала удмуртъёс" (кудъёсыз пöлы мон но пырисько) праздникез уг пусъё вал, праздникез каро: гербер каро, пичи гербер (Ильин день) , Выль ар каро. Глазовъёс озьы ик "праздник утиськом" шуо вал. Но туала удмуртъёс, конечно, пусъё ини - отмечать каро - зуч чер мур пычамын ни, номыр уд кары соин.

Комментарий от: Лена Рябина, Февраль 14, 2013 в 8:19am

"эке-ке, ӧвӧл егит ни мон"

Артём, кӧня аресын али егит дыр быре?)))

Комментарий от: Лена Рябина, Февраль 14, 2013 в 8:03am

нош мон малпамъя, юмшало бадӟым праздникъёс дыръя. Пусъё пичиоссэ, кылсярысь, 2-3 адямиен, семья куспын.

Комментарий от: Ortem, Февраль 13, 2013 в 10:55pm

соглаш Валиен. "пусйыны" со празник сярысь ӧвӧл, пусйыны - со пус пуктыны. нош празник сярысь вераку, "юмшаны" кылкарон уже кутыны кулэ

Комментарий от: Ortem, Февраль 13, 2013 в 10:53pm

эке-ке, ӧвӧл егит ни мон

Комментарий от: Niimshur, Февраль 13, 2013 в 10:07pm

ӧвӧл пусъёно - юмшано ))))

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования