Uralistica

Кизилиосын тодматскыны - "Перепечкинэ"

Туннэ ӝыт "Перепечкин" кафеын туж шулдыр вал: отчы вуылӥзы егит кизилиос Алёна Тимерханова но Иван Котельников. Вань мылкыд карисьёс быгатӥзы соосын тодматскыны, юанъёссэс сётыны, эктыны, шулдыр кырӟамзэс кылзыны - огкылын, тунсыко но пайдаё дырзэс ортчытыны. Ӝытэз нуизы Светлана Ручкина но Алексей Бегешев.

Мар ми выльзэ тодӥмы кырӟасьёс сярысь?

Башкириысь егит кизили, синмаськымон нылаш Алёна Тимерханова:

- кызьы ми ваньмы тодӥськом ини, яратэ калык но эстрадной кырӟанъёсыз. Но "Вало но возь вылын" кырӟанэз со выль шӧмын быдэстысал.

- вуонозэ кырӟанзэ быдэстоз Анатолий Эркишевен, ӝоген ми сое кылом ни!

- "Электроникъёсын" тодматскиз Интернетын. Ӵош ужзы кутскиз "Эмезе" кырӟан бордысен.

- яратэ ветлыны концертъёсы, калыкез шулдыртыны - кузь сюрес сое уг кышкаты.

- эшшо яратэ Удмуртиез, но улыны выжыны татчы матысь дыре уг малпа: Вязовкаын (Башкирия) но, пе, туж ӟеч!

- сиён пӧлысь уг яраты картошкаез (соин ик, куное ӧтемды потӥз ке, нырысь малпаське, маин куно кароды :-) )

Дэбес ёросысь егит кырӟась но, крезьгурчи но, кылбурчи но Иван Котельников:

- арганзэ киысьтыз уг куя 5 аресысен! Мукет крезьгур тӥрлыкъёс пӧлысь шудыны быгатэ баянэн, фортепианоен, балалайкаен, домраен, гитараен, трубаен, саксофонэн, аккордеонэн но ударной инструментъёсын!

- вуттӥське кырӟаны 5 ансамбльёсын, ужаны 4 ужын. Но со сяна, со - Пермьысь Искусствоя но культурая академиысь студент.

- эн юаське солэсь, мар карыны малпа, дышетсконзэ быдтыса. Со ачиз но уг на тоды! :-)

- татчыозь вань кырӟанъёсыз шулдыресь, эктоно кадесь вал. Вуоноез - вордскем шаер сярысь - лиричной луоз, пе.

Туспуктэмуёсыз: http://vk.com/perepechkinkafe

Просмотров: 186

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования