Uralistica

Медьковонь 13-це чистэ 2013 иестэ Покш Игнат ёнкссо Чукало веленть маласо ютась Раськень Озкс, конань эрзятне учость колмо иеть. Те покшчись пурнась ламо сыцят Эрзянь Масторсто, Пенза, Самара, Обран, Челяба, Москов ды лия оштнэстэ, Финляндиясто, Венгриясто, Эстониясто, Казахстансто.

Валске мартосто саезь Озксонь ютавтома таркантень ардсть ламо сыцят. Кой-конат састь вейке чиде икеле ды удость теске, витнесть толбандя, кортасть ды кенярдсть вастовомантень. Весе сыцятнень учось сёрмадстомась (регистрациясь). Тесэ велень сыцятне усксть мартост каванявкст ды тердтнесть весе инжетнень варчамс эсесть велестэ од модамарть, пангинеть, инзейть, шукшторовт, топо, панжакайть ды лия ламо тантей ярсамопель. Тень лангс ванозь келетькак нильсак. Теде башка микшевсть эрзянь кизэнь панарт, пряст путомат, вишка торамат ды эрьва кодат налкшкеть. Ламотне сеске явовсть лиятнень эйстэ «ЭРЗЯ» кизэнь ашо панарсо.

Кемень цяссто ушодовсь покшчинь панжомась. Колмо метрань штатолонть ваксс лиссть Озксатясь ды Озксавась. Сынь ютавтсть Озкс Инешкипазонтень. Теде мейле Озксатясь яволявтсь ледстямс содавикс ломантнень, конат путсть покш вий эрзянь раськень касомань-кепетемантень. Те Тюштя, Несмеян Васильев, Эрзямасонь Олёна, Баюш Разгильдяев, Макар Евсевьев, Степан Эрьзя, Серафима Люлякина, Дмитрий Надькин, Йовлань Оло. Весе ломантне кепедизь кедест верев ды морызь «Пазчангодть» моронть. Валонть саизе эрзятнень Инязорост Кшумацянь Пиргуж ды весе сыцятнень тешкстынзе покшчи марто. Весе сыцятне вастызь Инязоронть лембе цяпамосо. Вана Мааронть ваксс састь алаша марто кавто ветицят. Сынь ютасть Мааронь кувалт ды Инязоронть мереманзо коряс ломантне ушодсть кайсеме тиринь эрямонь таркатнестэ саезь мода. Кенярксчи марто весе сыцятне ушодсть кундсеме кедте кедьс ды морамо «Вирев молян» эрзянь раськень моронть. Ламотнень сеске ушодсть чудеме кенярксчинь сельведть. Аламо шкань ютазь теевсь покш вейсэндявкс, конань куншкасо эрзянь коцт марто ахолясь Йовлань Андю. Вана весе пуромсть Андюнь ваксс ды вейсэ ушодсть пижнеме «Эрзя! Эрзя! Эрзя! Эрзя! Эрзя!».

 Теде мейле весе инжетне сыргасть Атянь Эземс. Одов эрзятнень Инязорокс кочказель Кшуманцянь Пиргуж. Ушодовсть кортамот покш инжетнень марто, конатнень ютксо ульнесть АФУН вейсэндявксонь прявтось П. Тултаев ды раськень политикань коряс прявтонть полавтыцязо А. Карьгин.

Паксянть лангсо, косо ютавтовсь Озксось, ломантне нурясть нурсемасо, леднесть налсо, ёртнесть пеельть ды узереть. Ве валсо кенярдсть покшчинтень. Аволь васоло пидесть тантейдеяк тантей селянка. Кода и Пазялго велесэ покшчинь ютавтомсто, тезэньгак явозель 600 сталмот букань сывель. Весе ярсасть покш мельспаросо. Ломантне секе тев снимасть эсест фотоаппаратс Озксонь ютавтоманть, мазый пертьпельксэнть, эрзянь палясо аватнень, штатолонть. Кемеви, 2016 иестэ Раськень Озксось юты истя жо вадрясто ды ломантне свал кармить эрямо каштанчисэ ды ялгаксчисэ. Тенень алтави «Раськень Озкс» сёрмадовксось:

 Раськень Озкс

Раськень Озкс – те покш чи,

Эрзят, тыненк шумбрачи!!!

Ламо вийть, ламо арсемат!!!

Вастовомат ды кортнемат!!!

Те чистэнть Атянь эземесь

Одов Инязор кочки,

Истя изни вейке лемесь,

Тевтнень ветямо карми.

Эрзят пуромить озномо,

Весе «Паз, чангодть!» мерить,

Штатол лангс кармить ваномо

Конань эйсэ кирвазтить.

Монгак ванан штатолонть лангс

Ды весень марто ознан.

Чарькодян, вадрясто содан,

Верь эйсэнь чуди эрзянь.

Седейтне чавить бойкасто

Ды сельведтнеяк чудить,

Кедте кедьс кундазь те шкасто

«Эрзя мон!»,- весе рангить.

Весе эрзянь оршамосо,

Улияк ярсамопель,

Весе лексить эрзянь коштсо,

Гайги мазый эрзянь кель.

Ялгат, сы Озксонтень садо!

Пазонтень свал сюконядо!

Мааронть лангсо ознотано!

Седе виевкс теевтяно!!!

 

Зинёронь САНТЯЙ

Просмотров: 1289

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Zineron' Santyai, Июль 22, 2013 в 1:32pm

Сюкпря, Эрюш Леляй! "Эрзянь Масторс" ды лия таркаваяк кучсынек! 

Комментарий от: Erush Vezhai, Июль 21, 2013 в 8:59pm

Койсэм, текстэсь теезь вадря эрзянь кельсэ. А покш витевкст: Атянь Эземесь ютась 9 чассто. Тосо кочказель Инязорось. Мейле, сцена лангсто, ульнесь кочкамотнеде яволявтома ды сазь эрзятне, конат пурнавсть сценанть икеле, кемекстызь Атянь Эзементь мелензэ Инязоронь кочкамодонть. Мааронь одкстомтома мейле, ломантне тейсть ЭРЗЯНЬ РАСЬКЕНЬ КИРЬКС, коната Чипаенть мельга молезь пурнавсь ВЕЙС, те РАСЬКЕНЬ КИРЬКСЭНТЬ куншкасо лыйнесь ЭРЗЯНЬ РАСЬКЕКОЦТОСЬ. Сёрмадомалувонь (грамматикань) витевкс вейке, койсэм, теемка: кепка, бейсболка = пряспутовкс, пряспутомка. Лиясь весе мелезэм тусь! Вадрясто сёрмадозь. Койсэм, те сёрмадксонть путомка эрзянь И-вальматнева ды "ЭМ"-скак кучомка, Сантяй. Кучик, путник! Сон эряви!

Комментарий от: Zineron' Santyai, Июль 21, 2013 в 5:33pm

Шумбрат, цёрат! Нолдынк чумон. Капшавинь аламодо. Сёрмадынь бойкасто ды капшазь. Сёрмадынь Раськень Озкс ланга, ансяк мельсэнь кирдинь Эрзянь Инекужонтькак. Бути теинь кодамояк ильведевкс, чумось эсень. Ней весе витния. Варштынк. 

Комментарий от: Santjai, Июль 21, 2013 в 12:27pm

Парсте тюрят, Василий, ведьгевтнень марто.

Комментарий от: Кувакань Азор, Июль 20, 2013 в 10:12pm

Детский сад какой-то, честное слово, Василий. Просто сидите в сети и ярлыки раздаете.

Комментарий от: Кувакань Азор, Июль 20, 2013 в 10:10pm

Конгресс 9 июля, Раськень Озкс 13 июля. А троллить вам не надоело, Василий? Уже и не смешно. Конгресс был открыт, я вас туда звал, на Раськень Озкс тоже. Сами не приезжаете, не выражаете свои мысли, а потом в интернете троллите.

Комментарий от: Василий, Июль 20, 2013 в 7:56am

"Медьковонь 9-це чистэ 2013 иестэ Покш Игнат ёнкссо Чукало веленть маласо ютась Раськень Озкс,"

Странно, а тогда какого числа был Конгресс?А 13 июля?

Обыкновенное фольклоризированное мероприятие в рамках московской политики фольклоризации национального вопроса. Чем выше свеча, тем быстрее ассимиляция! Чем громче крики "эрзя", тем меньше шансов на выживание!

Вас пока не запачкали участием в исполкоме чекистской организации "Трест". Береги платье с нову, а честь с молоду- следуйте этой народной мудрости и останетесь человеком!

Комментарий от: Zineron' Santyai, Июль 19, 2013 в 10:38pm

Сюкпря, ялгай!

Комментарий от: Erush Vezhai, Июль 19, 2013 в 10:32pm

Вадрясто, Сантяй!

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования