Uralistica

Куддыр ӵемгес, куддыр шергес дорам автобусэн бертоно луэ. Яке дорысь Иже лыктоно. Но быръёнэ луысал ке, пыдме но отчы ӧй лёгасал - сокем адӟемпотостэм луизы ни автостанциос но, автовокзалъёс но.

Кылем арын дорам ӝог вуоно вал, ужрадэ. Соин дыртӥ Шор автовокзалэ но басьтӥ билет вазь кошкись автобусэ. Со монэ, Можгае дугдылыса, Ижысен Алнашозь вуттыны кулэ вал. Ма, вуттыны вуттӥз ик, но часлы мында беромыса. Можгае пырам бере ми Юдруке пырам на! Ноку автобус отчы ӧз кожалля (со отчы пыраны кулэ но ӧй вал), но со нуналэ пыриз. Кык мурт Юдрукозь билет басьтэм, нош автостанциын нимысьтыз автобус соос понна ӧз висъялэ, ми сьӧры пуктӥзы но келязы. Юдрукысен дорамы пуксиз на кышномурт, солы, пе, Можгала вуоно вал. Ма бен, солэсь но нокин номыр ӧз юа - Можгала Алнаш пыр нуизы.

Ӵуказеяз ик, дырме жалятэк, ӝожтӥськон гожтыны автовокзалэ мынӥ. Но сое ӧз кутэ - билетме куштӥ ни вал, нош сотэк, пе, ӝожтӥськыны уг луы.

Толон нош ик Алнашысь Ижозь автобусэн лыктӥ. Можгаын пересадка лэсьтӥм - пичи маршруткаысь бадӟым автобусэ пуксьыны косӥзы. Можгалан контролёр Алнашын пуксемъёсыз автобуслэн берысь интыосаз пуксьылыны косӥз, азяз, пе, можгаос пуксёзы. Здрасьте! Мар понна соку билетъёсамы интыос пуктылӥллям? Но малы ми, аттракционын сямен, тэтчаса мыныны кулэ?! Пӧламы пумит луэмзэс верасьёс шедизы. Контролёр, черекъяса, диспетчерез утчаны кошкиз. Но берытскиз огназ: я диспетчер интыяз вылымтэ, я дорамы потыны пумит кариськем... Озьы ми, Алнашын пуксемъёс, билетъёсмыя интыосы пуксьылӥм но, Иже вуытозь, отысь ӧм вырӟылэ ни.

Таяз радэ но мон, кылем арын сямен ик, туж лек вуи. Но, кылем арын сямен, билетме ӧй кушты...

Просмотров: 111

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования