Uralistica

ГУЛаг сярысь трос ке но кылылӥ, та темалы сӥзем музейёсы ветлэме ӧй на вал. Зэмзэ верано ке, странамылэн историяз, революциысен кутскыса, Быдӟым Атакай ож дорозь вакыт мон понна валантэм потэ, соя вылысьтыз вылаз юанъёс кылдо. Нош ивор ачиз уг лыкты ке, гудӥськем уг поты ук... Соин ГУЛаг сярысь нимысьтыз номыр ӧй лыдӟы.
Нош алигес вуылӥ Йошкар-Олае. Ӝыт экскурсиысен син шорам йӧтӥз яркыт "Музей ГУЛАГа" гожтэм. Вуж юрт, пичи укноос, нош пушказ кыӵе ке вашкала формаос, ожтӥрлык но трос мукет тунсыкоез! Со нуналэ музей ворсаськемын вал ни, соин ӵуказеяз, мукет ужъёсыз палэнтыса, ветлоно луиз.

Та музее экспонатъёс 2000-тӥ аръёсы бичаны кутскиллям. Нош усьтӥськем со Вормон нуналэ, 2011-тӥ арын 9-тӥ куартолэзе. Кылдытӥсьёсыз - энтузиастъёс. Нокыӵе фондэ вазиськытэк, палэнысь коньдон басьтытэк, ас кужмынызы лэсьтӥллям музей. Кивалтэт инты гинэ висъям. Соиз понна но музейын тыршись 3 песяйёс туж шумпото - кыӵе дуно луысал кытысь ке сэрегез басьтыны! Со песяйёслы ужамзы понна коньдон но уг тыро, соос уг но ӝожтӥсько - соослы уксёлэсь трос поллы дуногес егитъёслы историез, пичи дырысьтызы тодэ ваёнъёссэс мадьыны.

Юзыр-кезьыр луи, куке веразы, та музей интыын азьвыл 10 сюрс пала муртэз ыбиллям шуыса. Отын НКВД интыяськем.

Музейысь стендъёсын туж уно лыдпусъёс гожъямын. Со лыдпусъёс - ыбылэмъёс, палэнэ келямъёс сярысь. Котькуд лыдпус сьӧрын - чигем улон...

Музейлэн кивалтӥсез - Николай Александрович Аракчеев - ӵемысь палэнэ ветлэ, музее материалъёс люка.



Ог 15 ар ӵоже туж трос люкамын ни: музейысь 5 комнатаос быдэсак тырмытэмын. Пусйыны кулэ, отын ГУЛаг сярысь гинэ ӧвӧл, Быдӟым ож сярысь но тодыны, со вакытысь куд-ог документъёсты но ожтӥрлыкез адӟыны луэ.

Просмотров: 186

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования