Uralistica

Калаганонь Керяз (Рябов Пётр Владимирович) - эрзянь керсидей. (эрзянский резчик-скульптор.)

Калаганонь Керяз (Рябов Пётр Владимирович) - эрзянь керсидей

Калаганонь Керяз, Рябов Пётр Владимирович, чувтосто керсиця, керсидей. Ламо эрзят сонзэ содасызь. Чевте седей, лембе ойме, ломанень вечкиця, таланов керсидей.

Кие мик кадык весть васодеви те виев, паро эрзянь цёранть марто, се эрямо пингензэ перть ванстсы сонзэ седей лембензэ, оймев сельме варштавксонзо.

Таландонзо кортамскак а мезть. Кие несы керсевксэнзэ, тона бажи улемс азорокс кодамояк керсевксэнзэ коряс.

Чачсь Вирь Тавла Кочкурбуень велесэ 1961 иень сундерьковонь 27 чистэ. Тоско эрияк.

Тонавксчизэ тёкшонь, прядызе Мордовиянь тёкшшколанть-университетэнть.

Ламо таркава невтнесь эсь керсевксэнзэ, ламо Раськемасторга ды Масторга.

Тензэ максозь «Россия Масторонь раськень мастер» («Народный мастер России»)

Ламо иень перть Керяз шти «Эрьмезь» тавлань керсицянь вейсэндявксонть прявтокс.

Седе ламо керсевксэнзэ Керязонь алтазь эрзянь эрямонь невтемантень. Сеон керси истямо лувсо, кода керсильть кезэрень эрзятне.

Сехте содавикст керсевксэнзэ: «Инешкипаз», «Уцяскань пакся», «Калонь кундыйть», «Охотникть», «Анге патясь».

Керсевксэнзэ ванстовить Таллинсэ, Санкт-Петербургсо, Сарансо ды лия ламо ошсо.

Чачомчить марто, вечкевикс Керяз!

 

Эрюш Вежай

Просмотров: 227

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования