Uralistica

Кӧня ке кыл гожтэме потӥз Удмуртиысь Пенсиосъя фондлэн "Вераськиськом удмурт кылын" акцие пыриськемез пумысен.

Зэмзэ вераса, ачим отын ужасько бере, кемаласьгес потэ ни вал со наклейкаосыз вӧлмытэме. Но пӧртэм мугъёсъя со уж туж ӝегаз, туэ гинэ итӥським акция борды.

Монэ туж паймытӥз, солы сӥзьыса, уно материалъёс, вотэсын пӧртэм гожъямъёс потӥзы шуыса. Кыӵе ке бадӟым событие сярысь кадь. Туж шумпотымон вал.

Ёросъёсысь Пенсиосъя фондлэн ёзэтъёсыз та акция борды бадӟым мылкыдын пыриськизы. Алнашъёс сярысь уг вера, малы ке шуоно соос кылем гужем лякизы ни асьсэлы наклейкаос. Но пургаос, шуом, тямыссэ куризы! Одӥг управленилы! Одӥгез ляке ке, мукетыз ӝожтӥське, пе. Кивалтӥсьсы аслыз но куриз: мон ачим бигер, но удмурт ёросын кызьы удмурт сямен уд вераськы, шуэ. Пургалась ик ужась сокем синмаськем наклейкаослы, аслыз витьсэ дунын басьтыны мылкыд кариз. Со сяна, "Вераськисько удмурт кылын" значокъёс куриз на.

Куд-ог ёросъёс жингыръязы, ку келялоды ни наклейкаосыз шуыса (список гожтэме бере но трос дыр ортчиз ай, малы ке шуоно сомында наклейкаос печатламез ӧй вал). Туннэ Кизнерысь кивалтӥсь жингыртӥз, туж кельше, пе, та акция. Удмуртъёс сотэк но монэ тодо но удмурт сямен вазисько, шуэ, но та наклейка кылдэм бере анай кылынызы вазиськисьёслэн лыдзы, оло, будоз на, пе.

Нош шарканъёс наклейкалы ӧз вазиськылэ. Кинлэсь-кинлэсь, нош соослэсь заявказэс возьмасько вал. Юкаменскын наклейкаос вань, Глазын вань, Киясаын вань, Шарканын ке - огаз тужгес удмурт ёросын - ӧвӧл.

Просмотров: 269

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Март 17, 2015 в 5:49pm

зэмзэ ик со бадзым вамыш азьлане

мед гинэ табере лыктисьёссы удмуртэн ужасьёсынызы вераськысалзы

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования