Uralistica

Туэ ар Вормонлэн юбиееныз герӟаськемын бере, тросэзлэн, дыр, потэ войнаысь бертымтэ ӵыжы-выжыоссэ шедьтэмез.

Туннэ нуналлы, дорысь потатэк, уно тунсыкозэ тодыны луэ интернетысь. Малпады ке утчаны бертымтэ солдатэз, пӧртэм архивъёсы запросъёс гожъямлэсь азьвыл ӵектӥсько солэсь нимтулзэ та сайтъёсысь эскерыны:

  1. Нырысь ик пыралэ Удмуртилэн выльдэм Буре ваён книгаяз, со интыямын элькун архивлэн сайтаз: gasur.ru. Маин со умой? Буре ваён книга потэм бере уно ар ортчиз ини. Со аръёс ӵоже уно солдатъёслэн нимъёссы берыктэмын вал: кинэ ке шедьтӥзы поисковикъёс, кинлэн ке нимыз сюриз кыӵе ке списокъёсысь, данъян документъёсысь. Табере со воштонъёс пыртэмын Буре ваён книгалэн электрон версияз. Отын ивортэк ышем солдатъёс ӧжытгес ини.

  2. obd-memorial.ru базае котькинлы пыраны ӵектӥсько. Татчы ожгарчилэн нимтулыз, вордскем арез но интыез сярысь гинэ гожтэмын ӧвӧл, ож вакытысь пӧртэм документъёс но интыямын.

  3. www.dokst.ru сайтэ пыртэмын Германиысь (тросгес Саксония музъемысь) концлагерьёсын быремъёслэн нимъёссы.

  4. rf-poisk.ru сайтэз нуо поисковикъёс. rf-poisk.ru/page/26/ баме пыртэмын ивор шедьтэм медальонъёс сярысь, кудъёсызъя тодыны луиз, кин сое нуллӥз.

  5. www.podvignaroda.ru но www.rkka.ru/ihandbook.htm сайтъёсысь тодыны луэ данъям солатъёс но соослэн данъянъёссы сярысь. Кыкетӥяз сайтын вань на ивор пӧртэм корпусъёс, дивизиос но соосыз люкан сярысь.

  6. soldat.ru/spravka бамысь быгатоды бырйыны асьтэлы тупась люкетэз: кивалтӥсьёс, Быдӟым ожлэн мынэмез, полевой почтаослэн но полкъёслэн кытын интыяськемзы сярысь, со сяна ож вакытысь пӧртэм картаосыз учкемды луоз.

  7. www.pomnite-nas.ru – татын возисько быремъёсыз ватэм интыослэн, шайгуослэн, шайвылъёслэн туспуктэмъёссы но соос сярысь ивортонъёс.

Та сайтъёсысь утчано адямидыя номыр ӧз шедьы ке, луоз вазиськыны ёрос военкоматады яке Россиысь но кунгож сьӧрысь архивъёсы. Пусъё на: уноезлэн архивъёслэн вань асьсэлэн сайтъёссы, отчы интыямын запросъёсъёслэн формаоссы, валэктэмын, кыӵе дыре соос эскерозы юандэс но келялозы валэктон.

Просмотров: 128

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Март 24, 2015 в 1:57pm

тау ивортэмедлы!

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования