Uralistica

Кылем шутэтскон нуналъёсы бертылӥм атаелэн вордскем гуртаз, нэнэйме чаклам. Чай юыку, сервантысь медалез синйылтӥ. Ӵапак со, кудӥныз туэ вань ветеранъёсыз пусъё. Юбилейной, Вормонлэн 70 ар тырмонэзлы. Нэнэелы Быдӟым ож аръёсы секыт ужез ужано луиз - киос ӧз тырме, соин со труженик тыла лыдъяське.

- Нэнэй, тон доры но вуылӥзы ни-а мар-а? - тунсыкъяськисько. Тодӥсько ук, быдэс шаерысь ветеранъёс доры ветло но тау каро шуыса. Но нырысь ик - фронтын ожмаськемъёс доры.

- Ӧз, - шуэ.

Со медалез нэнэелы сётэм агае (пиез), солы сое сётӥллям, нэнэе дорозь вуттыны курыса.

Ну и ну! Пуштӥсько ни вал. Оже пыриськем ветеранъёс чиньыен лыдъямон ни, фронт мышкын тыршемъёс но сокем трос ӧвӧл. Ваньзы соос саклык висъямлы туж шумпото. Нош кивалтӥсьёс тау шуыны но медаль бырттыны гинэ но дыр уг шедьто. Тьфу! Асьсэлэсь утисьёссэс, тупаса улонэз дурисьёсыз данъяны уг валало, соосыз уг гажало бере, соосыз асьсэды кин ке гажалоз шат?

Просмотров: 123

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования