Uralistica

«Эрзянь ойме» Казнень Лауреатт/ Вручена ежегодная эрзянская литературная премия "Эрзянь ойме"

«Эрзянь ойме» Казнень Лауреатт

«Руця» Лезэпаргось 2014 иестэ саезь ютавты парсте сёрмадомань кис Казнень максомат. Тедеде, те 2015 иестэ, омбоцеде максови казнесь сеть сёрмадейтненень, кинь шкиневикс-сёрмадовксост те иестэнть вечкевсть эрзятненень.

Ледстясынек, 2014 иестэ арневкссэ (дипломсо) ды сисемень-сисемень тёжань целковоень Шнамоказнесэ казезельть:

- Журавлёв Числав, «Пингень цецине» валморонзо кис,

- Подгорнова Алина, эрзянь валморонь однэ сёрмадеесь, «Тюштя» валморонзо кис.

Арневкссэ ды кемень тёжань целковоень Прявтказнесэ казезель:

- Боляень Сыресь, «Оймень пшкадема» валморонзо кис.

2015 иень Казнес ванкшновсть эрзянь кельсэ сёрмадозь кинигатне ды сёрмадовкстнэ, конат нолдазельть 2013-2014 иетнестэ.

2015 иестэ саезь сёрмадома шкинемань Казнентень путозь лем: «ЭРЗЯНЬ ОЙМЕ».

Ярмактнэнь «ЭРЗЯНЬ ОЙМЕ» Казнентень пурныть эсь мельсэ сынсь эрзянь ломантне. Тедеде «ЭРЗЯНЬ ОЙМЕ» Казнес путсть ярмакт ансяк кавто эрзят. Те аламо. Секскак Казнетне ярмаконь коряс аволь покшт, ансяк 30000 целковойть. Ялатеке сынст питнест - а онкставикс. Сынь путозь Эрзя раськенть культурас эрзянь ломанень пельде.

«Руця» Лезэпаргось сась мельс: тедиде максомс кавто Шнамоказнеть, конатнес явомс сисемень-сисемень тёжань целковойть, ды вейке Прявтказне, конас явови кемень тёжат целковойть. Колмо кадовт тёжатне нолдавить Арневкстнэнь анокстамос ды балягань пусмос.

Казнесо ванкшновиця сёрмадовкстнэ ульнесть путозь сельме икелев «Эрзянь вал» эрзянь ломанень вастнема Интернет-курос, козонь совасть 8000-до ламо эрзянь ломанть. Ниле ковонь перть ломантне путнесть эсь мелест, кинень максомс Казнетнень.

Ванкшномас путозельть:

«Масторов нолдасынек сюкпрянок», Маризь Кемаль. Кисэнзэ мелест ёвтызь ломантнестэ 29,9%.

«Тесэ ты Тосо», Нуянь Видяз. Кисэнзэ мелест ёвтызь ломантнестэ 20,7%.

«Ратор чирева», Боляень Сыресь. Кисэнзэ мелест ёвтызь 14,9%.

«Калмазь ледстнема», Боляень Сыресь. Кисэнзэ мелест ёвтызь 24,1%.

«Каргонь кинь ломанть», 3-це пельксэсь , Брыжинский В. С. Кисэнзэ мелест ёвтызь 10,4%.

Тень лангс ванозь, «Руця» Лезэпаргось сась мельс, 2015 иень «ЭРЗЯНЬ ОЙМЕ» эрзянь сёрмадома шкинемань Казнетнень максомс истя:

Арневксэсь ды сисем тёжань целковойсэ Шнамоказнесь максови:

Боляень Сыреснень «Калмазь ледстнема» валморонзо кис,

Нуянь Видязнэнь «Тесэ ты Тосо» покш ёвтамонзо кис,

Арневксэсь ды кемень тёжань целковойсэ Прявтказнесь максови:

Маризь Кемальнень «Масторов нолдасынек сюкпрянок» кезэрень ды неень шкань эрзянь койде-иладо сёрмадовкс пусмонзо кис.

Эрюш Вежай,

«Руця» эрзянь ломанень Лезэпаргонь тевветиесь

Просмотров: 126

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования