Uralistica

Эрзянь кудораськень тешкстнэнь кекшевксэст.../ Тайны родовых знаков Эрзя народа.

Мейсэ кудораськень тешкстнэнь питнест эрзятнень туртов?

                                         (В чём ценность родового знака для Эрзя?)

                                                           Неень шкань эрзянь ёвкске.

Родовой знак нашего рода по материнской линии – знак в виде «П» (ортат=ворота). Признак открытости и доброжелательности нашего эрзянского рода.

 

Минек авидень кудораськень пельде раськетешксэнек  «ортат», «П» ловноматешксэнть кондямо. Сон невти минек кудораськень коронь эрямо ёнксонзо – мельспарочинзэ, панжадо эрямонзо. Андрей дедань тешксэзэ ульнесь «Ортат кавто лачо марто» - «П^^», секс, мекс сон ульнесь Илюшкань Михалынь кудораськесэнть омбоце цёракс.

 Те «ортат» тешкссэнть тешкстнезельть паксяньумань ды лугань явкстнэ-межатне, нешктне-даданатне, орабатне, ридвантнэ, нурднэ, крандазтнэ, ашкотне, пеильматне, сянготне, узеретне…

Секскак Захарка ды Адлякува велень эрзятне, «ортат» тешксэнть неезь, пачк содыльть- чарькодильть, те кильдемапелесь, нешкесь, тикшень ледема таркась – Илюшкань Михалынь Андреинь, аволь киньгак лиянь.

Кудораськень тешксэсь 20-це пингес пачк тешкстневкшниль калмо лангсо стявтовиця крёстсонть. Сонзэ вельде сеск содави, кие те калмосонть калмазь…. Тень кувалма те шкаскак ламо эрзятне содыть эсь кудораськень тешксэст. Мезесь берянь, ней те эрзянь коесь – ёмамо лангсо. Эрзятне кармасть сёрмалеме калмо лангсо тешкстнэнь ансяк рузонь кельсэ….

Истят кудораськень тешкст седикеле ульнесть эрва эрзянь кудонть, эрьва кудораськенть.

Теке коесь ули суомитнень-финнтнэньгак. Кувать ялгакс ульнесь тень суоминь паро ломанесь Sven Lokka. Lokka эрзякс – транзей. Сонзэ кудораськень тешксэзэ ульнесь «пенька»-мукорь. Суомитне эзизь стувто эсь кезэрень коест. Эрьва чачи цёрынентень сынь теить-казить  стувор лангс стявтневиця коцтке, конасонть артозь эли викшнезь кудораськензэ тешксэсь.

Кодат ульнесть эрзятнень кудораськень тешкстнэ? Мейсэ сынст питнесь?

Теде неень шкань эрзятненень эряви содамс. Неть тешкстнэ сюлмить эйсэнек Тоначив туезь покштянок марто.

Неть тешкстнэ невтить эрьва эрзянь кудораськенть эрямо лувонзо ды эрямокоензэ. Улить тешкст чувтонь кондят, нармунень кондят, пеильмань кондят…. Эйстэдест ламо. Истя эрзятне седикеле сёрмалестькак, истямо тешкссэ.

 Неень шкань эрзятненень эряви кундамс содамо эсь кудораськень тешкстнэнь. Те содамось седеяк парсте ванстсы Эрзя раськенть культуранзо ды эрямо коензэ.

 

Эрюш Вежай, 2015 ие.

Просмотров: 465

Эта запись блога закрыта для комментариев

Комментарий от: Ortem, Июнь 10, 2015 в 4:45pm

здорово, что поднимаете эту важнейшую тему

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования