Пелевене... \ В полночь...

Пелевене…

 Пелеве…

 Эряви аламнес учомс,

Тантей удомась сы,

Эряви сёрмине кучомс,

Паро ломань учи…

 Пелеве…

 Сизесть сельмем, пек резыть,

Косат, удомам, тон?

Чопода пелевене,

Тештькесь корты мартом…

 Пелеве…

 Сави аламнес учомс,

Мелесь-валось вельми,

Конёв лангс сеске путомс,

А путсак – ёми...

Пелеве…

Каштсонть токны седеем,

Ковось састо уи

Сёксень вармась ушосонть,

Стувтозь паксят нуи…

 Пелеве...

Пелеве... Пелеве...

Сёксень ве...  Стувтозь ве...

Мезень ушодкс сон?

Мезень пе?

Пелеве...

***

Эрюш Вежай, 2015 ие. Сёксь.