Uralistica

Чевгелина. / Калинушка. (Эрзянь кельсэ. \ На языке Эрзя народа.)

Чевгель

 

 Пире песэ касы ёлганя чувто,

Тесэ тея янось явови кавтов,

Вейке явксось пурдась - витев,  Ало пев,

Омбо яннэсь вети - кершев,  Верепев.

 

Чевгель, чевгель, чевгелина, човинька чувто,

Чевгель, чевгель, чувткурыне, мекс аштят ськамо?

 

Вакскат ютыть ломантне, мартот а кортнить,

Молить сынь эсь кияваст, мазыть а неить,

Ютыть, ваныть менелев, оймест ливти тов,

Лият сельмест новольстить,  ваныть масторов.

 

Чевгель, чевгель, чевгелина, човине чувто,

Чевгель, чевгель, чувткурыне, мекс аштят ськамо?

 

Мастор лангонь чувтыне, а покшке чевгель,

Прясонзо а покшкавтни, лиянь ваны мель,

Эри эрзянь тейтерекс, прянзо а невтни,

Сёксня якстерь марьнесэ ломанть кавани.

 

Чевгель, чевгель, чевгелина, ёлганя чувто,

Чевгель, чевгель, чувткурыне, мекс аштят ськамо?

 

Учи сон азоронзо, учи кенярксчи,

Зярдо сы ваксозонзо, цёра-парочи,

Несы цёрась мазынзэ, ваньксчинзэ несы,

Казьсы вечкемасонзо, зыяндо ванстсы.

 

Чевгель, чевгель, чевгелина, ёлганя чувто,

Чевгель, чевгель, чувткурыне, мекс тардят ськамо?

***

Эрюш Вежай, якшамков, 2016 ие.

Просмотров: 125

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования