Uralistica

Толон Мускоысь удмурт эшъёсыным потамы огаз Муско дурын интыяськем ты дуре. 

Солэн нимыз Тӧдьы ты. Таӵе нимъем тыос Муско котырын данак ке но, таиз аспӧртэмлыко, мукетъёсыз пӧлысь висъяськись. 

Куатьтон иськем пала Мускоысен, пужымо-куаро сик пушкын интыяськемын та одӥгез тужгес но мурез ты Муско дурысь. Ошмесъёслэсь ке но ву кужымзэс басьтэ на ты, озьы ке но вуэз шуныт.

Калыкез но туж ик трос ӧй вал толон та интыын. 

 

интыысь кышномурт дэмлаз милемлы валлё нылпи лагерьлэн интыяз пуксьыны. отын,пе, туж умой. Озьы ик карим, ми оскиськом ук "аборигенъёслы".

Малпай вал, куашкан калэ вуэм яке воксе но луд порма азе лыктом, нош вуыса пайми - ваньмыз интыяз ик сылэ. Тани нуназе шутэтскон дырзы йылпумъяськоз но чир-куань! шальтырнаос пазьгиськозы котырак.

Капказы пытсамын ке но, артэ ик кенерамазы пась вань - со пыр ик ваньзы пырало валлё лагерьлэн интыосаз. 

Шимес чалмыт инты.

Куд-ог вольнойын будӥсьтэм садъёс но адямилэсь ужам бервылзэ возьмато.

Тодам вайытӥз та инты бырем удмурт гуртъёсты.

Соос пыр но ортчыку сыӵе ик ӝож мылкыд, кӧткуректон одоле. 

 

Паймоно кадь, малы таӵе умой но чебер интыын номыр но уг лэсьто, уг пукто?

Чик пайдатэк улэ та музъем. Возьмасез но вань на, соин, оло, ур-вар кесямтэ, артысь шутэтскисьёслэн гуртъёсазы кыскамтэ. 

Просмотров: 154

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Июль 19, 2011 в 12:56am
ӧвӧл та музъемлэн кузёосыз
Комментарий от: Niimshur, Июль 18, 2011 в 6:26pm
Муско вöзын.

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования