Uralistica

5-це Эрзянь Инекужонь ютавтомодо. \ О проведении 5-го Конгресса Эрзя народа.

5-це Эрзянь Инекужос анокстамодо-ютавтомодо. / О подготовке и проведении 5-го Конгресса Эрзя народа.

2016 иень медьковонь 7-це чистэ Саран ошсо карми ютавтовомо 5-це Эрзянь Инекужось. /Состоится 07.07.2016.

Те эрзянь раськень келей кортамо-арсема промкс. Эйсэнзэ онкстави-варчневи эрзянь раськенть неень шкань эрямозо, кортавить эрзянь раськенть эрямо ёнксонзо, икелев молемазо.

Инекужос тердевить весе эрзятне, кие эсь раськелемекс лови ЭРЗЯ валонть, кие арси эрзянь раськенть кувалма, мелявты эрзянь келенть, культуранть ды эрямопингенть кис, кие арси путомо эрзянь тевтненень эсь мелензэ, превензэ, виензэ ды шканзо.

Инекужось карми ютавтовомо вейке чинь перть, 10 чассто саезь 18 часонь видьс.

Кие сась мельс само Эрзянь Инекужос, пшкадеде Инекужонь анокстамо курос: +7 921 151 00 35.

 

АНОКСТАМО АРСЕВКС (ПРОЕКТ)

5-це Эрзянь Инекужонть Мельяволявксозо.

5-це Эрзянь Инекужось, кона важодсь-ютась кода келей раськень промкс,  Саран ошсо 2016 иень 7-це медьковонь чистэнть,  варчнизе-онкстнизе ды кортызе эрзянь раськенть неень шкань эрямонзо.

Инекужось сась мельс:

Эрзянь раськенть неень шкань эрямонзо Инекужось лови пектеяк пек стакакс.

Эрзянь раськесь пек эрязасто шашты-айги ёмамос-куломас. Куроксто вишкиньгады раськенек ламоксчизэ, седеяк курок аламолгадыть эрзякс кортыця ломантне, васняяк од ломантнень ды эйкакштнэнь ютксо.

Ине чумонть тень кис Эрзянь Инекужось васняяк путы Россия Масторонь кирдивиенть лангс, кона Прявтмасторкоень-Конституциянь колсезь, а путы эрявикс вийть-тевть эрзянь раськенть ванстомас, мекевланк, мезе вийсэ рузыявты ды «мордвиявты» Эрзя раськенть.

Покш чумо мади-путови неень шкань сеть эрзятнень лангскак, конат а чарькодить эсь раськень стака эрямонзо-кажонзо, а марить сынст ды а путыть виест-превест Эрзя раськенть идема-ванстома тевс.

Эрзянь неявикс ломантненень, эрзянь вейсэндявкстнэнень зярс эзь пурнавт раськенек вейс, ве пусмос, вейке кесакс-кирес, кона цидярдоволь неень шкань зыянтнэнь-стакачитнень каршо.

Эрзятнень явты эсь раськень вийс-превс а кемемась ды кирдивиень вийсэ лепштямось-матрамось.

Эрзятне кармасть пек пелеме максомс-невтемс мель-вайгель эсь Эрзянь раськенть кис.

Секскак неень шкань эрямосонокак икеленек кадовить пек эрявиксэкс, топавтомас путовиксэкс сеть мельтне ды тёкшмельтне, конат ульнесть кемекстазь 1-4-це Инекужотнесэ, сынст мельяволявтоматнесэ ды лия тевконёвтнесэ.

Васенцетне эйстэст: Эрзя леменек, эрзянь келенек ванстомась ды раськень ламолгавтомась.

Мезть тейнемс эрзятненень, эрзянь вейсэндявкстнэнень неень стакадояк стака шкастонть?

  1. Депутатонь кочкамсто вайгельть макснемс ансяк сеть партиятнень, депутатнэнь кис, конат а пелить ёвтамо мель-вал Эрзянь раськенть кис. Терявтомс кочкамс эрзянь депутатт.

  2. Кирдивиень тевкуротнень икеле апак пеле стявтнемс кевкстематнень Эрзянь раськень ванстомадо-идемадо.

  3. Кемекстамс уликс эрзянь вейсэндявкстнэнь, теемс одт эрзянь вейсэндявкст, васняяк тосо, косо сынь арасть.

  4. Эрзянь вейсэндявкстнэнень, эрзянь тевветийтненень кеместэ аштемс Эрзя раськелеменек кис, а максомс сонзэ рузыявтомс-«мордвиявтомс».

  5. Мезе вийть аштемс эрзянь кулялопатнень, ковнолдавкстнэнь ванстомост кис.

  6. А максомс рузыявтомс-«мордвиявтомс» эрзянь покшчитнень.

  7. Мезе вийть пурнамс раськенек вейс эрзянь раськень ванстома-идема тевсэнть.

Эрязо Эрзянь раськесь!

5-це Эрзянь Инекужонь анокстамо курось.

 

АНОКСТАМО АРСЕВКС (ПРОЕКТ)


5-це Эрзянь Инекужонть Мельяволявксозо. (витевкс-поладкс марто)


5-це Эрзянь Инекужось, кона важодсь-ютась кода келей раськень промкс, Саран ошсо 2016 иень медьковонь 7-це чистэнть, варчнизе-онкстнизе ды кортызе эрзянь раськенть неень шкань эрямонзо.


Инекужось сась мельс:


Эрзянь раськенть неень шкань эрямонзо Инекужось лови пектеяк пек стакакс.
Эрзянь раськесь пек эрязасто шашты-айги ёмамос-куломас. Эрязасто вишкиньгады раськенек ламоксчизэ, седеяк курок аламолгадыть эрзякс кортыця ломантне, васняяк од ломантнень ды эйкакштнэнь ютксо.


Ине чумонть тень кис Эрзянь Инекужось васняяк путы Россия Масторонь кирдивиенть лангс, кона Прявтмасторкоень-Конституциянь колсезь, а путы эрявикс вийть-тевть эрзянь раськенть ванстомас, мекевланк, мезе вийсэ рузыявты ды «мордвиявты» Эрзя раськенть.


Покш чумо мади-путови неень шкань сеть эрзятнень лангскак, конат а чарькодить эсь раськень стака эрямонзо-кажонзо, а марить сынст ды а путыть виест-превест Эрзя раськенть идема-ванстома тевс.


Эрзянь неявикс ломантненень, эрзянь вейсэндявкстнэнень зярс эзь пурнавт раськенек вейс, ве пусмос, вейке кесакс-кирес, кона цидярдоволь неень шкань зыянтнэнь-стакачитнень каршо.


Эрзятнень явты эсь раськень вийс-превс а кемемась ды кирдивиень вийсэ лепштямось-матрамось.


Эрзятне кармасть пек пелеме максомс-невтемс мель-вайгель эсь Эрзянь раськенть кис.


Секскак неень шкань эрямосонокак икеленек кадовить пек эрявиксэкс, топавтомас путовиксэкс сеть мельтне ды тёкшмельтне, конат ульнесть кемекстазь 1-4-це Инекужотнесэ, сынст мельяволявтоматнесэ ды лия тевконёвтнесэ.


Васенцетне эйстэст: Эрзя леменек, эрзянь келенек ванстомась ды раськенек ламолгавтомась.


Мезть тейнемс эрзятненень, эрзянь вейсэндявкстнэнень неень стакадояк стака шкастонть?


1. Депутатонь кочкамсто вайгельть макснемс ансяк сеть партиятнень, депутатнэнь кис, конат а пелить ёвтамо мель-вал Эрзянь раськенть кис. Терявтомс кочкамс эрзянь депутатт.


2. Кирдивиень тевкуротнень икеле апак пеле стявтнемс Эрзянь раськень ванстомадо-идемадо кевкстематнень.


3. Кемекстамс уликс эрзянь вейсэндявкстнэнь, теемс одт эрзянь вейсэндявкст, васняяк тосо, косо сынь арасть.

4. Арсемс эрзянь ломанень виев вейсэндявксонь теемадо, конанть улевельть-сатовольть виензэ ютавтнемс эрзянь вейсэнь покшчить ды коень-кирдань ванстомань кенярксчить.

5. Эрзянь од ломантненень пароль топавтомс икелень Инекужонь меленть: теемс эрзянь од ломанень вейсэндявкст, конатнес совавтнемс касыця эрзятнень, ды конатнень вельде сюлмавтомс од эрзятнень раськень ванстома тевенть марто.

 
6. Эрзянь вейсэндявкстнэнень, эрзянь тевветийтненень кеместэ аштемс Эрзя раськелеменек кис, а максомс сонзэ рузыявтомс-«мордвиявтомс». Пароль эрзянь вейсэндявкстнэнень стявтомс кирдивиенть икеле эрзянь келень-культурань тонавтнемань од ломанень ды эйкакшонь кизэнь пуромкстаркат (лагерть)

7. Мезе вийть аштемс эрзянь кулялопатнень, ковнолдавкстнэнь ванстомост кис.


8. А максомс рузыявтомс-«мордвиявтомс» эрзянь покшчитнень.


9. Мезе вийть пурнамс раськенек вейс эрзянь раськень ванстома-идема тевсэнть.


Эрязо Эрзянь раськесь!


5-це Эрзянь Инекужонь анокстамо курось.

Просмотров: 148

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования