Uralistica

Туэ ИФУСКО 39-тиез вал. Со Будапештын радъяськиз. Конференция азьвыл ортчемъёсызлэсь золгес ик висъяськиз. Нырысь ик, ой вал дунъясьёс но вормисьёс. Вуэммы бере ик котькудмылы программа сётизы, кудаз докладъёслэн лыдзисез, дырыз но интыез гожтэмын вал. Соин ик ми быгатимы азьвыл ик пусйыны асьмелы, кытчы но ку вамыштомы. Конференцилэсь мынэмзэ чаклазы студентъёс. Котькуд часэ соос воштиськылизы.

Верано ке пыриськисьёс сярысь, туэ соос 140 пала вал. Куноос вуылизы Россиысь вань фин-угор шаеръёсысь, валамон ини, Венгриысь, Финляндиысь, Эстониысь, озьы ик Польшаысь, Германиысь, Америкаысь но мукет кунъёсысь.

Кин нырысетизэ потаз Венгрие, валамон ини, городэз адзыны мылкыд кариз. Соин ик берпумети нуналаз ми понна тунсыко экскурсиос радъяськылизы. Соосыз озьы ик университетын дышетскисьёс ортчытизы. Милям делегациысьтымы тросэз мыниз Юля Спешиловаен - асьме студенткамы, сое кылзыны но тунсыко, огкыл шедьтыны но капчигес.

Конференцилэн аспортэмлыкъёсыз полы ик пыртыны луысал, дыр, улон интымес. Азьло ке милемыз гостиницаосы, огъяулонниосы интыязы, таяз радэ ми улимы портэм семьяосын. Тунсыко вал котькуд нунал мадяр эшмылэн анаеныз киосынымы но "нэм", "иген", "кёсэнэм" кылъёсын ог-огмес валаны тыршыны.

Тунсыко но пайдаё дырмес ортчытэммылы, бадзым тау та конференциез радъясьёслы. Оскиськом, выль но азьвыл эшъёсынымы, тодмоосынымы вуоно аре Тартуын пумиськыны удалтоз шуыса.

Просмотров: 197

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Лена Рябина, Июнь 21, 2011 в 11:29am

пусйыны вунэтиськем((

докладъёс лыдземын вал вань фин-угор кылъёсын. озьы ик ужан кылэн лыдъяськизы зуч но англи.

Комментарий от: andrewboltachev, Июнь 9, 2011 в 8:09pm
Кыӵе-о кылын та конференциын докладъёс ортчизы? Одӥг кылын гинэ-а, яке пӧртэм кылъёсын?
Комментарий от: Лена Рябина, Май 29, 2011 в 12:12am

Оли, мон учко на, конятизэ точно вал. Собере гожто, ява? Программа вылын 39 гожтэмын вал кадь. Но гожтэмед бере, выльысь малпаськыны кутски...

Жаляса верано, Будапештлэсь палэнэ ом поталэ. Нырысети нуналаз вазь на шуизы, лэзьыны оз дисьтэ, нош берпуметиосаз асьмелэн кужыммы ой вал ни.

 

Секциосын пукизы студентъёс но аспирантъёс. Вал кадь дышетисьёс но, но туж ожыт. Фольклоръя секциын докладъёс туж тунсыкоесь вал. Валамон ини, уровенез портэм. Кин ке тросгес кутэм туспуктэмъёс, кыче ке видео, интервью... Нош мукетъёсызлэн научноесьгес ужъёссы, зол тодос литература вылэ пыкиськемын. Дунъяны туж секыт.

 

Фин-угоръёс полын тодон-валанэз волмытон сярысь верано ке, мон малпасько, ИФУСКО зол уж нуэ. Со тезисъёс ик, кудъёсыз нимысьтыз книгаен пото котькуд конференция дыръя, туж бадзым юрттэт сёто ни. Со ужъёс вылэ дышетисьёс но дышетскисьёс пыкиськыны быгато но тодыны асьсэ чыжы-выжыоссылэсь портэм удысъёсысьтызы югдурзэс, кылынызы тодматскыны, кыче ке аспортэмлыкъёссэс утчаны... Мукет фин-угор ужрадъёсыз, кудъёсыз таче ик саклык висъяло тодослы, мон уг тодиськы.

 

Комментарий от: Oli, Май 21, 2011 в 11:42pm
зэм ик-а 39ез? Берпуметӥзэ Петроскойын ИФУСКОе 2009 арын пыриськыкум, со вал 25ез гинэ.


Кылдӥз-а мадьяръёслэн вашкала культураенызы тодматскыны, оло шканзэнэ потады, танчхазэ вуылӥды?

Конференцилэн радъяськемез ласянь ке, секциосын студентъёс гинэ-а пукизы? оглом мар верасалыд тодос ласянь ке учконо, лябыт яке зол докладъёс?

Макем ИФУСКО туннэ нунал понна быдэстэ валлё мугзэ - тодосчи конференци луэмзэ, нырысь ик тодон-валанъёсты вӧлмытыны финн-угоръёс пушкын?
Комментарий от: Лена Рябина, Май 18, 2011 в 7:50pm

бергес, вутто ай)))

нош конференциосын зато валало, мар сярысь адямиос верасько)))

Комментарий от: Niimshur, Май 18, 2011 в 7:29pm
"кылъёсыз дышетоно!!!" = быриз нылашед - бызьыны дыр уз шедьты ни )))))
Комментарий от: Лена Рябина, Май 18, 2011 в 6:35pm

кылъёсыз дышетоно!!! таче ужпум азям пукти Будапештын. тросэз докладъёс лыдземын вал фин но мадяр кылъёсын, кудъёсыныз мон уг вераськиськы, соосыз уг валаськы. трос тунсыкозэ ышти, шуыны луоз.

мон пуки "Фольклор, этнография, история"секциын. татын лыдзем докладъёс полысь тужгес пусйысал Катя Корепановалэсь гын сапег лэсьтон сярысь верамзэ, Кудымкарысь Алеша Рыскинлэсь асьсэлэн Ымусьтонзы сярысь докладзэ. тунсыко вал Оля Трошкиналэн удмуртъёслэн кышкыт выжыкылъёссы но мадёсъёссы сярысь гожтэмез. ветли на литературая секцие. отын тунсыко докладэз вал Польшаысь Adam Sandach-лэн но Польшаысь эшелэн, Каройль Мартинлэн. 

Комментарий от: Ortem, Май 18, 2011 в 6:22pm
Кыче тужгес но тунсыко мадёнъёс вал?

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования