Uralistica

Тодӥсько на, шаертодонъя кружокен кивалтӥсе Быдзым Вормонлы 60 ар тырмонлы сӥзем «Ожысь гожтэтлэн историез» конкурсэ пыриськыны ӵектӥз. Кыӵе соку мыным та тема ӧз кельшы! Ӧй яратылы пичи арбериосыз эскерыны, соослэн кылдэмзы сярысь материал утчаны. Нош гожтэт, со сыче пичи, мар сярысь со вераны быгатоз меда? Вылаз ик, мурт гожтэтъёсыз лыдӟыны уг яра ук, нош мыным лыдӟыны гинэ овол, шараяны, адямиос азе поттыны косо!
Озьы ке но, мырдэм та темаез басьтӥ. Гуртысь пересь песятаелэсь гожтэтсэ вайим. Вашкала, кагазэз чужектэмын ни, дуръёсыз кесяськыны кутско, карандашез куд-ог интыяз уг но адзиськы. Литва ССР-ысь Шакияй городысь гожтэтаз Фёдор Бронников анай-атаезлы но кышноезлы ивортэ, соос окопъёс гудо, алигес кылдытэм Литва ССР-лэсь кунгожзэ юнмато но куддыръя немецъёсты но адзо шуыса. Та вакытэ кышкыт югдурлэсь матэктэмзэ нокин ӧз на вала. Котькин выемын вал тупаса улонлэн сюлмаськонъёсаз. Уд но оскы, куинь арня ортчыса, со улон фашистъёсын лёгамын, пуштытэмын луоз шуыса. Пересь ӵужатае Литваысь чебер интыоссы сярысь гожтэм, вордскем палъёсыныз соосыз ӵошатъям. Жалям, кизёнэ уг пыриськы шуыса, вордскем палъёсызлэсь, матысь адямиосызлэсь мӧзмонэз сярысь верам. Нылзэ умой шобыръяны косэм: медаз черла. Конкурсэ пыриськыса, мон валай, пересь ӵужатае сярысь со гожтэт пыр гинэ мар но со тодӥ шуыса. Бергес ини ӵужанаелэсь но пересь ӵужанаелэсь юалляськи.
Пересь ӵужанае кема аръёс ӵоже ни вӧзам овол. Но котькуд аре, тулыс вуэмъя, тужгес но 9-тӥ куартолэзь но 22-тӥ инвожо матэктыку, ӵапак со син азям пуксе. Пересь Лена ӵужанае! Кыӵе ӟеч вал со, ваньзэ чидась… Син азям ӵемысь тусбуйзэ вайисько, верам кылъёссэ… Солэн ӟеч синъёсыз, трос ужам кисырио киосыз… Мае гинэ ӧз адӟе со киос, кыӵе гинэ ужез ӧз быдэстэ! Пичи дырысеныз ик куиськоно, керттӥськоно луиз. Сьӧд вужерен пичи ныллэн улоназ нырысетӥ мировой ож пыриз. Отчы басьтӥзы солэсь атайзэ. Юртъер сярысь вань сюлмаськонъёс, куинь нылпиосыз будэтон анайзы вылэ кылиз. Секыт ужаса, со ӵем но ӵем висьылыны ӧдъяз. Со вылэ ик кузпалыз герман пленэ сюре, кудысьтыз кӧня ке ар ортчыса гинэ бертыны кылдэ Татарстанысь Агрыз ёросысь вордӥськем Варклед-Бодья гуртаз. Картэз берытске гинэ, егит кышномурт улонысьтыз кошке. Атайзы но тазалыксэ пленын быдтэм, вылды. Плен но война лэсьтизы асьсэлэсь ужзэс: куинь ар ортчыса, атайзы но кулэ. Нылпиос сиротаос кылизы. Куинь пӧлысь бадӟымезлы соку дас кык арес гинэ ай вылэм. Асьсэлэн корказы вылымтэен, улӥллям агайзы дорын. Но соизлэн аслаз семьяез бадӟым вылэм. Ужась киос тросгес мед луозы шуыса, Лена ӵужанаелэсь агайзэ асьсэ кадь сирота ныллы – Анналы – кышнояло. Чыжы-выжыоссылы люкетонтэм вылысь, пересь ӵужанае, сузэрез, выныз но кенакез асьсэлы нимысьтыз корка пуктыны малпало. Сиротаослы бугро висъяло, нош мукет ужзэ ас киынызы быдэстоно луэ. Дас кык аресъем Леналы быдэс улонэзлы тодаз кылем, кызьы соос липетсэ лэсьтизы. Антонэн Анна ужаллям вылӥяз, пулъёс кутылӥллям, кудъёссэ соослы Ленаен Ирина сётозы. Ириналы – пичи сузэрзылы – соку укмыс арес гинэ вылэм ай. Пичи ке но, асьсэлы корка Варклед шурлэн синмаськымон ярдураз пуктиллям.


Пичиен-пичиен улон ас ӧраз пырыны кутскиз. Огпол Михайловъёслэн бускельёссы доры кыдёкысь гуртысь чыжы-выжыоссы вуо. Соос пӧлын шоро-куспо (мугоро), сьӧд чебер йырсиё, ӟеч курень синмо егит пи вылэм. Федялы Лена кельшем. Коня ке улыса, егитъёс кузпалъясько. Семья, кудаз пыре нылаш, алигес берытскем вылэм дораз Кияса ёросысь Уддяди гуртэ Сарапул ёросысь Шолья посёлокысь. Отчы сое, кулакен лыдъяса, келяллям. Куашкатэм юрт, бырем юртъер… Ваньзэ выльысь кутсконо луэм.
Егит семьяын Володя пизы вордске, со бӧрсьы – Тоня нылзы. Но нылпиос ӝоген висьыса куло. Бергес вордске Валя нылзы (мынам ӵужанае).


1941-тӥ арын оштолэзе пересь чужанаелэн улоназ, кыкетизэ ни, сьӧд вужерен пыре Быдӟым Атыкай ож. Соку нокин ӧз тоды на, со кутскоз но вакчи дыр куспын уно миллион адямиослэсь улонъёссэс нуоз шуыса. Федяез но гуртысьтыз эшшо ньыль пиосмуртъёсыз военкомат пыр Удмуртилэн палэназ келяло. Семьяоссылы иворто, соосыз нюлэс дасянэ келязы шуыса.
Кӧня ке улыса, Литваысь, Шакияй городысь гожтэт вуэ. Отын Педор анай-атаезлы но кышноезлы ивортэ, соос окопъёс гудо, алигес кылдытэм Литва ССР-лэсь кунгожзэ юнмато но куддыръя немецъёсты но адзо шуыса. Та вакытэ кышкыт югдурлэсь матэктэмзэ нокин ӧз на вала. Котькин выемын вал тупаса улонлэн сюлмаськонъёсаз. Уд но оскы, куинь арня ортчыса, со улон фашистъёсын лёгамын, пуштытэмын луоз шуыса. Пересь песятае Литваысь чебер интыоссы сярысь гожтэм, вордскем палъёсыныз соосыз чошатъям. Жалям, кизёнэ уг пыриськы шуыса, вордскем палъёсызлэсь, матысь адямиосызлэсь мозмонэз сярысь верам. Нылзэ умой шобыръяны косэм: медаз черла.
22-ти инвожое Бадзым Атыкай ож кутске. Лена картэзлэсь нокыче ивор уг басьты. Федяен чош гуртысьтыз кошкем эшезлэн гожтэтысьтыз гинэ мар но со тодыны кылдэ. Кулэ вылэм ук кемдыны но: чапак пересь песятае война кутскон уе часовой вылэм. Ваньзы, кин маин вылэм, пегзиллям, нош возьмаськисьёслы постсэс кельтыны уг яра вылэм. Собере сое нокин адзымтэ ни. Чош кошкем эшъёсыз озьы ик оз берытске ож лудысь.
Гуртэ кылем кышномуртъёс трос курадзонъёс пыр потоно луизы. Соослы фронтэ кошкем картъёссы интые но ужано луиз на: воштизы соосыз бусыосын, нюлэсъёсын, пуктиськонын гинэ но! Бадзым подвиг лэсьтизы Ижевск-Балезино чугун сюресэз лэсьтэмъёс. Вань ужаны быгатись нылкышноосыз, дас ньыль аресысен нылпиосыз та пуктиськонэ кыско. Кыче шуг-секытъёс пыр потоно луиз, соос гинэ тодо. Та ужасьёсыз интыяллям жог дыр куспын лэсьтэм землянкаосы, Кекоранын улисьёс доры. Изиллям трос адямиен выж вылын, зусъёсын – кин кытын быгатиз. Котькудиз аслыз сиён сьораз вайылэм, отын но мар но со позьтиллям. Инты тырмымтэен, чем дыръя ог-огзэс посьвуаллям яке пось сиёнэн пылатъяллям. Ужаллям вазь чукнаысен бер жытозь, кышномуртъёслы быдэстонтэм ужез лэсьтиллям. Векчи кутъёс пыдъёссэс кынтиллям, бордазы кезьытлэсь лякиськылиллям. Пересь чужанаелэн кынмыса но сиён тырмымтэен пиньёсыз висьыны но усьылыны кутскиллям.
Кекоран бере Сарапул ёрос вылэм. Кам сьорын сю аресъем пужымъёсыз но кызъёсыз кораллям, кудъёссэ одиг адями зыгыртыны но уз быгаты. Татын но кышномуртъёс ужазы. Векчи диськут йырин, толалтэос зырт кезьытэсь потылизы. Позьыос, пыдкутчанъёс чаляк бырылизы. Куанер, чидась кышномуртъёс мозмизы пичи нылпиоссылэсь, кудъёсыз доразы песяй-песятаенызы пукизы. Сиёнзы ке быре вал, нюлэс корасьёс, коня ке кузя люкаськыса, кивалтисьёссылэсь ватскыса, доразы бертылиллям. Сизьымдон но солэсь трос иськемез ортчылоно луэм. Бертыло вылэм доразы вазь чукна, шунды жужаку, нош отын соосыз возьмало ни берен ужан интыязы келян понна. Нош тулыс Кам шур вылысь вырзем йо вылти но поталляно луэм. Та ваньмыз пыр пересь чужанае чош ужам но курадзем эшъёсыныз потоно луэм.
Лена чужанае быдэс улонзэ фронтысь кузпалэзлэсь бертэмзэ возьмаз. Нокин оз адзы ук солэсь быремзэ! Фёдорез Елена уйвотъёсаз но чем адзылиз. Со сылиз паськыт шурлэн мукет ярдураз но кышноезлы киыныз шоназ, нош шурез уяса потыны оз быгаты. Кыче ке кылъёс вералляз, но Лена чужанае соосыз оз валалля.
Аслэсьтыз атайзэ уг тоды ни чужанае но. Уг тоды ни, кызьы атаез сое ки вылаз нулдиз, выллань жутъяз, мусо кылъёсын нимаз. Уг тоды ни тусбуйзэ. Со туж пичи на вал, атаез берпуметизэ, пыраклы дорысьтыз кошкыку. Пичи Валя туж вожъяськылэм эшъёсызлы, кудъёсыз будизы атайёссы возын (сычеосыз трос ке но ой вал).
Али пересь чужанае улэп овол ни. Мон туж яратыса кылзыли солэсь ачиз, ож вакыт, яратоно картэз сярысь верамъёссэ. Соос мыным осконтэмесь потылизы. Кылзыкум, малпалляй, Лена чужанае туж тунсыко книга лыдзем, нош табере солэсь пуштроссэ милемлы, пичи правнукъёсызлы, вера шуыса. Али валасько, кыче секыт вал солы ортчемзэ тодаз вайыны, курыт синкылиоссэ кутыны… Кыче секыт вал солы ортчем улон сюресысьтыз сомында вось луэмъёссэ, курадзонъёссэ нош но нош син азяз пуктыны. Пересь чужанаелэн сандыказ котьку басмаосыз, тылпоттонъёсыз но сылалэз вал: кин тодэ, кыче азьланяз югдур луоз. Ож вакытэ соос зарни кадь дунъяськизы. Нош огпол верам кылъёссэ татчыозь уг вунэтиськы: «Мусое, мон туж секыт, сютэм аръёсыз адзи но чидай. Но мон уг жожтиськиськы улонэ вылэ. Со мыным яратоно картме, нылме, тиледыз, шудо дыръёс кузьмаз. Та ваньмыз понна шуг-секытъёс пыр потыны кулэ вал. Мынам потэ, чукнаосы тон тылобурдоослэн шулдыр гуръёссылэсь, ошмесъёслэн жильыртэмзылэсь мед сайкаллялод шуыса. Яратоно ужед, матысь, валась эшъёсыд возад котьку мед луозы. Но тон, вань будись пиналъёс ноку медаз тодэ, мар сыче со – война». Со дырысен трос аръёс ортчизы ни кадь. Мон пичи вал на.
Кулэмзы бере адямиос инбаме лобзо, шуо. Оскеме потэ, мынам яратоно Лена чужанае но пересь чужатае, кудзэ мон ноку ой адзы, со сярысь кылыли гинэ, берпум гожтэтсэ лыдзи, отын, райын, пумиськизы шуыса. Та дунне вылын шудзы кема ой вал, отын ке но мед луысал.
***
Быдзым Атыкай ож темаен тунсыкъяськыны кускеме бере, песятаелэсь но тодэ ваёнъёссэ гожтоно кариськи но трос выльзэ тоди. Войнаысь бертымтэ пересь песятае но. Гаврил Иванович Рябин вордскиз 1903-ти арын Варзи-Ятчи волостьысь Шадрасак-Кибья гуртын. Быдзым Атыкай ож кутскыку, Гавирлаез трудовой армие басьто. Ужам со нюлэс дасян бордын. Фронтэ куриськылэм, но синъёсыз ляб адземен, сое басьтиллямтэ. Улонзы туж секыт вылэм, колхозэ пырымтэысен, оломае но адзоно луэм Рябинъёслэн семьязылы. Гавирлалэн Отя кышноезлэн Офонас агаез (озьы ик улонысь вань курытъёссэ веръям адями) быдэс гуртэн одиг коллективе огъяськыны лэзьымтэ. Со шуэ вылэм, огазеяськыса одигъёсыз уз ужалэ, мукетъёсыз нош ваньзэ быдэстыса но умойгес улыны уз кутске. Калык, пе, Инмарлы оскемысь дугдоз. «Колхозэ ми ом пыре, со понна ик бакчамес талазы, единоличникъёс шуизы, шоре но кырыж синмын учкизы. Вань сиён-юонэз дунэн октоно луиз», - жож куараен вера песятае. Нош кытысь коньдон потоз сыче секыт аръёсы? Сютэм улыса, Гавирлалэн анаез но пичи нуныез туж вазь улонысь кошкизы.
Тодиськом, 1943-ти ар быдэс войналэн историяз тужгес но секытэн, адями быдтисен лыдъямын. Соку солдатъёс, ожлэн мукет вакытъёсыныз чошатыса, эшшо но тросгес бырылыны шедиллям. Кунмес утисьёс тырмымтэен, тулыс 1943-ти арын Гаврил Ивановичез Алнашысь военкоматэ отиллям. Дас кык нунал ортчыса, кыкетизэ лыктыны косиллям. Гуртын портэм адямиос улизы. Вал сычеосыз но, кудъёсыз чемысь шыпыт улонлы люкетизы, Гавирлаез, войнае мынымтэысьтыз, пыкылизы. Соин со дас кык нунал возьмаса улымтэ ни, ачиз войнае кошконо кариськем. Отя кузпалыз потэн нянь пыжем, огшоры гинэ котомка бичам. Гавирла кышноеныз но Ваня пиеныз сюрес вылэ потэм. Агрыз ёросысь Вольный труд нимо гурт возысь нюлэс доры вуыса, семьяос пыраклы люкиськиллям. Гаврил Иванович, пельпумаз котомказэ поныса, Огырчи пала вамыштэм (солы Пичи Пургае мыноно вал), нош Отя пиеныз доразы берытскиллям. Соку нокин но оз малпа, та адзиськон берпумети луоз шуыса.
Нырысети гожтэтсэ пересь песятае лэзем военной лагерьысен Мари Элысь Суслонгер станциысь. Ивортэм, ваньмыз умой, сюдэмзы яра шуыса. Кыкети гожтэтаз верам соосыз войнае нуэмзы сярысь. Эшъёсыз узбекъёс но казакъёс шуыса пусъем на. Кышноезлы Гаврил вазиськем, одиг гинэ Ваня пизэ умой, ужась будэтыны, адямие поттыны курыса. Та гожтэтэз пересь песятаелэн берпуметиез луэм.
Коня ке дыр ортчыса, Гавирлалэн семьяяз чылкыт инмын гудыртэм кадь вуиз курыт ивор – похоронка, кудаз Рябин Гаврил Иванович 1943-ти арын 23 октябре ож лудын бырыны шедем шуыса ивортэмын вал. Со куинь сэрго кагазэз семьяезлы сётизы ай бергес, ку гуртысь куинезлэн пиосмуртъёслэн похоронкаоссы вуиллям. Со дырозь та секыт иворез сельсоветын гинэ тодиллям, пособие но палэнэ кошке вылэм.
Шадрасак-Кибья гурт пумын, Рябинъёслэн корказылэсь кыдёкын ик овол, мур нюк кыстиське. 1983-ти арын 23 октябре мынам песятае, Иван Гаврилович, атаезлэн быремысеныз 40 ар тырмонлы сизьыса, мерттэм отчы 40 писпуослэсь сад (пересь песятае кулэм 40 аресаз). Тани 30 ар пала ни татын куашето пужымъёс, топольёс, ческыт емышсэс кузьмало улмопуос, чияпуос, льомпуос. Гуртын та интыез Гавирла сад шуо. Со яратоно шутэтскон интызы Гаврил Ивановичлэн 12 внукъёсызлэн, 32 правнукъёсызлэн но 15 праправнукъёсызлэн.
Пересь песятаелэн но пересь чужатаелэн нимъёссы быдэс кунмылы тодмо ой вал ке но, милям сюлэмъёсамы соос котьку герой луыса улозы.

Гожтӥз Лена Рябина

Просмотров: 381

Комментарий

Вы должны быть участником Uralistica, чтобы добавлять комментарии!

Вступить в Uralistica

© 2021   Created by Ortem.   При поддержке

Эмблемы  |  Сообщить о проблеме  |  Условия использования