Uralistica

Пигонъёс ик султӥзы яке Элькуновидение сярысь малпанъёс

Туннэ ортчиз нырысетӥ Элькуновидение ӵошатскон. Ужрадэз радъясьёс, Семён Семёнов но Роман Дементьев, (Павел Поздеевлэн бурд улаз) тыршизы сое быдэсак Евровиденилы укшатыны. Ӵошатскиз 20 ёрос. Нырысетӥ интые потӥзы Можга ёросысь "Пять поющих сердец" группа. Учкисьёсты соос задор мылкыдэнызы но усто кырӟаменызы-эктэменызы синмаськытӥзы. Со понна 40 сюрс манет утӥзы. "Удмурт дунне" газет асьсэ сертификатъёсынызы пусйизы Анатолий Леонтьевез но Иван Белослудцевез. Silent Woo Goure висъяз Garuda группаез но кузьмаз выль дисксэ.
11-тӥ шуркынмонэ "Мынам Удмуртие" та концертэз выльысь телевизор пыр адӟытоз. Со дыре ик учкисьёс кельшымон кырӟасьёс понна SMS пыр куараоссэс сётыны быгатозы. Соку ик выль вормисьёс но ялэмын луозы. 

Оглом "Элькуновидение" ужрад пӧрмиз-а, яке ӧз-а, таиз ни мукет юан. Асьтэос тодӥськоды, кӧня адями, сомында ик малпан.

Василий Широбоков, Якшур-Бӧдья, Математический факультет УдГУ

Самой ма ӧз кельшы - со куараосты лыдъян система. Excel-ын ик марке умойгес лэсьтыны луэ вал. Зэмос Евровидениын сямен ик, 7 баллозь пуктэм дунъетъёс соку ик экранэ мед потысалзы, нош 8, 10, 12 балзэ мед жюри ачиз вералоз ни. Жюри сярысь ...одно ик кулэ пӧртэм арлыдо жюри. Али тросэз мӧйыос вал. Ӝытэз нуисьёс кык профессионалъёс мед луысалзы. Ложкин но Кибардина уката тупасесь.
Кырӟасьёсты Анатолий Эркишев гинэ умой дунъяз, озьы малпасько. Мукетъёсыз жюриос кырысь бичам муртъёс кадь, олокызьы жюрие кемдӥллям.
Нырысетӥ инты сётысал Ваня Белослудцевлы. Но со эше шуыса гинэ ӧвӧл, со зэмзэ но умой кырӟаз. Куараез зол вал. Инструментъёслэн куараоссы но чылкыт кылӥськизы. Со ласянь "Гаруда" лябгес вал. Но соос мыным озьы ик зол кельшизы.
Соосты сяна висъяй на Наталья Матвееваез но Кристина Ярскаяез. Кырӟамзы сюлэме пыӵаз. Пигонъёс ик султӥзы.

Анастасия Тутаева, ФудмФ, 1 курс, Дэбес

Туннэ ДК "Аксионэ" лыктыкум, мынам мылкыды сокем ик ӟеч ӧй вал, озьы ке но концертэ вуи. Ӧй жаля. Ужрад туж тунсыко ортчиз. Но мыным ӧз кельшы, егит артистъёсын артэ ӵошатсконэ ваньмызлы тодмо но дано кизилиос пыриськизы шуыса. Жюриосты кылзыса, кылдӥз малпан: жаляса верано, ӵемысь выль тунсыко крезьгур направлениос асьме аудиторие туж секытэн пыӵало, удмурт калык яке уг вала егитъёсты, яке валамез но уг поты. Озьы-а, тазьы-а, но "Элькуновидение" туж мыло-кыдо ортчиз. Эшъёсыным малпаськыса, нырысетӥ инты сетысалмы Глаз ёросысь Александр Леонтьевлы, кыкетӥ инты - Кез ёросысь ӝужась кизилилы - Иван Белослудцевлы, нош куинетӥ - Можгаысь "Вить кырӟась сюлэмъёс" ансамбльлы.

Никита Ильин, жюриын пукись

Стиль ласянь: пӧртэм костюмъёс вал, ваньзы ӟечокъёс. Синйылтӥ Полина Кубисталэсь дэремзэ.
Режиссура ласянь: ваньмыз рос-прос вал. Ӟечокъёс.
Сценарий ласянь: Евровиденилэсь форматсэ утизы. Удмурт дуннеын кемалась таӵе ужрад кулэ ни вал.
Учкисьёс ласянь: туж шаплыесь, асьсэ ёроссы понна туж юн "висисьёс" вал.
Ведущийёс ласянь: тужгес но яраз Надя Николаева. Со зэмос Евровидениез нуыны дась ни.
Кырӟасьёс ласянь: куд-ог кырӟасьёслэн кырӟанъёссы зэмзэ но тунсыко потӥзы.
Нырысетӥ инты: Александр Леонтьев (Глазов), кыкетӥ инты: Иван Белослудцев, куинетӥ инты: Кристина Ярская (Ижевск). Озьы мон дунъяй кырӟасьёсты.

Лилия Кондратьева, ФудмФ, 5 курс, Шаркан

Нырысетӥ ортчем Элькуновиденилы пуктысал ньыль. Ӧз кельшы дунъян системаез, ӧй вала жюриослэсь пуктылэм баллъёсылэсь логиказэ. Евровидениын кадь ситуация луиз бускель ёросъёссылы бадӟым баллъёс сётъязы. Пусйысал Ваня Белослудцевез (Кез), Наталья Ипатоваез (Алнаш), "Гаруда" группаез (Дэри), но Кристина Ярскаяез (Ижкар). Самой тузӥ нуисьёсыз - Алексей Ложкин но Светлана Кибардина! Яразы на Петя Пушкин но Вероника Ваулина. Эшшо Сёмаен Ромаен яразы на. Но нырысь малпан кылдӥз, Рома нырысьсэ веран кылъёссэ адӟе шуыса.

Инна Тополева, Быги школаысь педагог-радъясь

Элькуновидениез радъясьёсыз тышкаськемысь уг дугды. Пӧртэм ёросъёсысь лыктэм кырӟасьёс кыӵе ке быръёнэз ортчизы-а, ӧз-а, валантэм. Нырысь ик мылкыдэз куашкатӥз Перепечкинъёслэн кылъёссэс кагаз вылысь лыдӟемзы. Собере асьсэос ёросъёсысь лыктэм кырӟасьёс. Кыӵе лябесь, кыӵе пӧртэмесь! Пӧлазы одӥг-ог сюрылӥзы быгатӥсьёсыз, но соосты жюри рос-прос дунъяны ӧз пӧрмыты. Кызьы ӟуч жюриос удмурт кырӟасьёсты дунъяны быгатозы?! Воксё но пайми талы. Гуртысь калык юри дуно билетъёс басьтыса лыктӥз, нош кыӵе юмоке шедиз. Быдэс ужрад пӧрмиз "Алло, мы ищем таланты" шуонлы.
Малпасько, тужгес но зол Иван Белослудцев вал. Егитъёс пӧлын кырӟанъёсыз вӧлмемын ни, дыр. Нош Анатолий Лонтьевлэн кырӟанэз егитъёслэн но, мӧйыослэн но кыл йылазы кема бергалоз на. Тӥни сыӵе кӧтӝожен кошконо луисько.

Дасяз Лукерья Шихова

Просмотров: 1127

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: yumshan, Ноябрь 12, 2012 в 6:31pm
Комментарий от: yumshan, Ноябрь 5, 2012 в 9:26am

Твиты про Элькуно2012

Комментарий от: yumshan, Ноябрь 5, 2012 в 9:21am

Окончательные результаты голосования независимого жюри конкурса Элькуновидение2012.

1. Группа "Пять поющих сердец", МОЖГА - 156
2. Антон Васильев, ДЭБЕС - 115
3. Александр Леонтьев, ГЛАЗ ЁРОС - 102
4. Иван Лекомцев, ЭГРА - 94
5. группа "Гаруда", ДЭРИ - 79
6. Светлана Ипатова, АЛНАШ - 74
7. Наталья Матвеева, ВАВОЖ - 71
8. Дмитрий Загребин, ЯКШУР-БОДЬЯ - 70
9. Марина Галичанина, КИЯСА - 69
10. группа "Даур Герӟет", ШАРКАН - 56
11. Иван Белослудцев, КЕЗ - 55
12. ансамбль "Купанча", УВА - 51
13. Кристина Ярская, ИЖКАР - 43
14. Сергей Никандров, ПИЧИ ПУРГА- 43
15. ансамбль "Секвенция", ЮКАМЕНСК - 9
16. Наталья Полянкина, ЯР - 9
17. ансамбль "Мылысь-Кыдысь", БАЛЕЗИНО - 4
18. ансамбль ансамбль «Кырӟан вакыт», КИЗНЕР - 3
19. ансамбль "Ӟардон", СЬӦЛТА - 2
20. квартет "Мелодия", ГРАК - 0

Специальный приз от группы SWG - Гаруда, ДЭРИ
Специальный призы от Удмурт Дунне - Александр Леонтьев, Глаз ерос и Иван Белослудцев, Кез

11 ноября - телеверсия конкурсной программы на ТК Моя Удмуртия (о времени трансляции будет сообщено дополнительно)
По итогам телеверсии - специальный приз от Бурановских Бабушек и спецприз от ТРК Мынам Удмуртие по итогам зрительского смс-голосования.

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования