Uralistica

Европае потамзы бере, IB&4CP дасясько альбом гожтыны

Туннэ Улосэз азинтонъя институтын ортчиз "Иван Белослудцевен но Чебер пиосын" пресс-конференция. Тодады вайыто, IB&4CP пыриськизы Liet International – 2012 вожвылъяськонэ но 10-тӥ инты басьтӥзы. Нуназе гинэ поездысь васькем пиос, жадемзы шоры учкытэк, ӟуч но удмурт журналистъёслэн юанъёссылы валэктонъёс сётказы. 


IB&4CP - Ваня но Саша, Дима, Саша

 

Нырысь пиос пресс-конференция лэсьтонлы пумит вал, оло, 10-тӥ интые потэмзы понна возьдаськыны ӧдъязы. Нош берло соглаш луизы ик. Юанъёслы валэктонъёс туж мыло-кыдо сётказы но трос серекъязы, лыктэмъёсты но серекъятыны выризы. Пумиськон туж шуныт ортчиз.

 

Ӟуч журналистъёс тросгес тунсыкъяськизы Ванялэн кырӟанъёсыз но оглом группалэн кылдэмез сярысь.

 

Liet International – 2012-ын  IB&4CP "Тау тыныд" кырӟанэз быдэстӥзы


- Удмуртъёс пӧлын мон тодмо луи, куке нырысьсэ «В контакте» баме «Яратон кошке» кырӟанме куштӥ. Калыклэн «мыным кельше» зӥбылэмезъя валай, монэ кылзо но дунъяло. Собере кутскиз ук! Я удмурт дискотекаын, я концертын кырӟаны ӧтё. Нош туэ куартолэзе кылдӥз милям Иван Белослудцев & Чебер пиос группамы. Пиосын ӵош мынам 4 кырӟанэ гожтэмын, эшшо 4-ез кагаз вылын но йырын улэ ни, - валэктӥз Ваня. 

Нош удмуртъёслы тунсыко вал пиослэн Испание вуылэмзы но Liet International – 2012 вожвылъяськонэ пыриськемзы. 


- Зэмзэ ке, нырысетӥ инты басьтэммы потэ ик вал. Но отчы вуыса, мукет кырӟасьёсын тодматскыса, ми валам, милемлы асьмедыз возьматоно. Нош вормом яке ум, соиз сокем ик валтӥсь ӧвӧл. Вань кырӟасьёс туж умой мылкыдын улӥзы, ог-огзылы умоен вазиськылӥзы но вормон сӥзизы. Куспазы соос ӧз ӵошатске, ӧз быръе, кин умойгес. Куке вормисьлэсь нимзэ ялӥзы, ваньзы со понна шумпотӥзы, ӟечкылазы сое, нокин ӧз керӟегъяськы, - 10-тӥ инты басьтэмзэс валэктӥзы пиос. – Милям тужгес но Ваня тулкымъяськиз, сое сыӵе инты басьтэммы нырысь гуньдытӥз, но берло со но валаз, таӵе вылӥ ужрадэ пыриськем гинэ но – со вормон ни. 

 

Антон Янцен


Кӧня ке беромыса пресс-конференцие Антон Янцен вуиз. Со пиосын ӵош Испание вуылӥз но Liet International – 2012 вожвылъяськонын жюриын пукиз. 


- Али куке мыным жингырто но серекъяса ӟечкылало, «ну, 10-тӥ интыен тонэ!» мынам воже потэ. Малы ке шуоно IB&4CP паймытӥзы калыкез. Ванялэсь мон мынон азямы ик юай, тон Света Ручкина кадь ик зол кырӟаськод-а? Валаськом ук, кӧня Света сцена вылын но мае со быгатэ. Но ку кылдӥз таиз группа. Мон понна, Ваня кырӟанзэ туж умой быдэстӥз. Мынам со али но йырам. Кыӵе отын аранжировкаез! Зэмзэ верасько, со хит! Али дырлы со тужгес но умоез, мар вань Ижкарын. 
Али IB&4CP малпасько ни выль кырӟанъёс гожтон сярысь но соин валче альбом поттон сярысь. Малпасько, отчыозь кема ӧвӧл ни. 

Фото: Кати Сысоева

Просмотров: 312

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования