Uralistica

Алина Крестьянинова: куасэн бызьылыны кутскисьёслы дэмланъёс

Ӟучъёслэн - футболзы я хоккейзы, Кавказын - нюръяськон, нош милям - куасэн бызьылон. Со тужгес но асьмелэнэз спорт выронмы.

Егит тренер, спортчи но удмурт блогер Алина Крестьянинова куасэн бызьылыны кутскисьёслы нырысь-валысь кенешъёс сётэ.



Котькуд спортэн вырон капчиен нокинлы уг сётиськы, нош куасэн бызьылон мон малпамъя огез тужгес секытэз. Соин зэмос куасэн бызьылӥсь луыны малпады ке, секыт тренировкаосын вал кадь ужаны дась луэ.
Куасэн бызьылон - цикл принципъем спорт. Арлэн циклэз куасэн бызьылӥсьёслэн кутске куартолэзе, соин ик тренировкаос борды со толэзьысен умойгес луоз кутскыны. Гужем лэсьтэм тренировкаос трос пайда сёто толалтэ ӵошатсконъёсын.

КЫЗЬЫ ДӤСЯСЬКОНО

Туала вакытэ выль технологиос улонын бадӟым инты басьто, соин арысь аре куасэн бызьылон дӥськут но инвентарь выльдӥське. Куасэн бызьылӥсьлы одно ик саклык висъяно экипировкалы. Тросэз малпало: “Зӧкгес дӥсяськи ке, уг кынмы”. Куасэн бызьылӥсьлы кубиста кадь дӥсяськем тренировка дыръя люкетоз гинэ. Мугор вылэ нырысь ик дӥсяно шунтӥсь улдӥсь (термобельё), кудӥз нюлам бере кынмыны уз сёты. Али котькуд фирмалэн вань ини аслаз термобельёез, нош тросэз куасэн бызьылӥсьёс быръё Craft фирмалэсь. Термобельё вылэ беговой комбинезон луэ дӥсяны. Умойгес луоз, комбинезонлэн гырпум, пидэс но гадь дораз кыкполэс басмаез луиз ке. Вылаз одно ик кулэ тренировочной дӥсь - капчи куртка но кӧня ке эркын штан - кудзэ ӵошатскон азьын капчиен кыльыны луэ. Шапка пыр пельёсы тӧл пельтыны кулэ ӧвӧл, со понна шапка вылэ эшшо "труба" дӥсяло (трубалы кельшеменыз озьы шуо). Кияды котькыӵе перчатки яра, шуныт гинэ мед луоз но бодыен ужакыды медаз люкеты.

Ӵошатскон вакыт вуиз ке, эн ӝожтӥське вормыны ӧд быгатэ шуыса. Вормон со шумпотымон ке но, ас дыраз вуыны кулэ.

СПОРТО АРБЕРИОС

Эн кышкалэ кутскон вакытады трос коньдон быдтоно луоз шуыса, огпол басьтэм куасъёс кемалы чидало. Эшшо соосыз чакласа возьыны на ке. Кутскись куасэн бызьылӥсьлы кык пар куас тырмоз: коньковой но классика амалэн бызьылыны. Классической амалэн бызьылон куас коньковоезлэсь висъяське кузьгес но йылсо ныро луэменыз. Туала куасъёсыз луэ ини адямилэн секталаезъя бырйыны. Зэмос спортсменъёслэн уг дасо пар куасъёссы, соос висъясько ини куазьлы но трассалы тупамзыя. Куасъёслы озьы ик нимысьтыз кык пар ботинка кулэ, коньковой амалэн бызьылыкы ботинкаос пыдэз рос-прос кутыны кулэ, соин классической ботинкаос уз тупалэ. Бодыосыз адямилэн ӝуждалаезъя быръёно, классика амалэн бызьылыны бодыос кунулозь вуыны кулэ, нош коньковоен - пель дорозь. Гужем тренироваться карыны кулэ луоз кроссовки но капчи дӥськут. Озьы ик эн жалялэ коньдондэс пӧртэм векчи тӥрлыкъёслы. Кылсярысь, кусэ понон тэрмослы, шундылэсь но тӧллэсь утись очкилы, сюлэмлэсь йыгаськемзэ эскерись часлы. Ваньмыз со тӥлесьтыд тазалыктэс утьыны но вормонъёслы матэгес луыны юрттоз.

САМОЙ КУТСКОНАЗ


Кулэ на сиськонлы но юонлы бадӟым саклык висъяны. Тренировкаын адямилэн трос калориез быре, соин ик рос-прос сиськоно, ӟигар люкано. Котькуд тренировкаын трос ву юоно.
Эн вунэтэ тренердылэсь дэмланъёссэ, тодэ, со котьку шонер вера шуыса. Озьы ке но эн ыштэ асьтэлэсь йырдэс, тренировкаосын тӥ ас мугордэс шӧдыны кулэ. Вылӥ вормонъёсын спортэ выжиды ке, тӥледлы эшшо но чидась, тыршись, секыт дыръёсы асьтэдыс кияды кутыны быгатӥсь луыны кулэ. Ӵошатскон вакыт вуиз ке, эн ӝожтӥське вормыны ӧд быгатэ шуыса. Вормон со шумпотымон ке но, ас дыраз вуыны кулэ. Нырысь ик кужымды трос шуыса юнме трос тренироваться эн каре, кутсконо калленэн, азьланяз со секыт сётӥськоз тазалыктылы.


Котькуд уж бордын кадь, тренировкаосын тӥ понна валтӥсез луыны кулэ ачиз уж. Тренировка тӥледлы шуд вайыны кулэ, собере ини ужлэн емышез эшшо но ческыт йӧтоз.

Лыдӟе вал на:

Олимпи шудонъёсын ӵошатыса, гурт шудонъёс копак калык спортэз азинтонлы сӥземын: вань кылдытэм инфраструктура калык понна лэсьтэмын, выль объектъёсын арбыт профессионал луисьтэмъёс спорт ужъёсын вырыны быгатозы. Со сяна, та шудонъёслэн геройзы – узыр профессионал спортсмен ӧвӧл, валтӥсь фигуразы – огшоры гурт адями, ас улоназ му ужбурчи яке школаын дышетӥсь яке эмъясь яке агроном луыса ужась адями.

Блоги удмуртских и коми авторов схожи по тематике. Кроме того, что и те, и другие главным образом содержат личные истории авторов, для блогеров обоих народов важна тематика родного языка. Размышления о коми и удмуртском языках, идеи по его сохранению формируют один из важнейших тематических фокусов удмуртских и коми блогеров.

 

В возрастном плане удмуртские блогеры в целом моложе своих северных коллег. Удмуртские блогеры - в овносном студенты или люди, недавно окончившие университеты. Коми блоги ведут люди постарше.

Просмотров: 241

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования