Uralistica

14  толшоре 12 Удмурт съездын одӥгез секция  кыллы но дышетонлы сӥземын вал («Язык и образование»). Секцилэн кивалтӥсьёсыз  Кондратьева Наталья Владимировна, филологической наукаосъя доктор, но Михеева Анжелика Семеновна, К. Герд нимо гимназиялэн директорез, тыршизы ичи дыр куспын тужгес но трос юанъёсты эскерыны, лэчытэсь ужпумъёсты ӝутыны.
Оглом люкаськемъёс резолюциез умоен лыдъязы, но воштонъёс пыртытэк ӧз чидалэ. Кутэмын кызьлэсь трос решение, ваньмыз соос мынозы редакционной комиссие.

Сессиысен  ӵектонъёссэс, дэмланъёссэс шараяны мылкыд карисьёс трос вал. Микрофон киысь кие ветлӥз. Вазиськонъёсты адресно тыршизы вераны – кин со юанэз эскере, солы ик меӵак вуттыны. Пӧртэм ужпумъёс учкемын, пӧртэм малпанъёс кылзэмын. 

Гуртъёсысь алама сюжетэз тодазы ваизы: нылпи садике мыныкуз удмурт кылын вераське, йылпумъякуз  - ӟуч луэ. Удмурт кыл – кун кыл декларативно гинэ медам луы. Нылпи садъёсысен кутскыса будэтоно удмурт кылын занятиослэсь лыдзэс. «Кизили» журнал вылын удмурт прессалы гожтӥськон ужпумез ӝутӥзы. Пиналъёс ке ӧз лыдӟиське – газетъёс  бырозы.  Кун катэз но цитировать каризы: «уроки могут вестись на удмуртском и русском языках, а порядок  ведения делопроизводства определяется  законодательством УР». Конкретизировать карон понна, татын подзаконной актлэсь кулэлыксэ адӟизы.

«Язык и образование» секцие пыриськисьёслэн йылпумъянъёссы, тужгес но валтӥсез куронъёссы но вазиськонъёссы:

- Элькунмылэн Правительствоезлы но Госсоветэзлы вазиськон: Дышетонъя но тодонъя министерство борды нимысьтыз национальной  образованием герӟаськем ёзэт усьтыны;
- Удмурт кенеш пыр вазиськыны Элькун президентмылы удмурт кылэз вань школаосын мед дышетозы (кичабонъёс);
- Муниципал кылдытэтлэн тороосызлы вазиськон:  удмурт нылписадъёсты, классъёсты мед утёзы, мед азинскыны юрттозы;
>- Удмурт Кенешлы но мерлыко огазеяськонъёслы семьяен просветительской  уж нуон пумысен вазиськон;
- Вылӥ дышетсконниослы удмурт тодосэз, филологиез сяна этнопсихологиез, этнолингвистикаез мед азинтозы, сюлмаськозы национальной  кадръёсты дасян ласянь. Нимысьтыз ӵектон удмурт  логопедъёсты, психологъёсты  дасян ужпум;
- Дышетонъя но тодосъя министерствое вазиськон: удмурт  кылэз нуись воспитательёслы нимысьтыз надбавка юнматыны;
- Удмурт кылъя урокъёсты группаослы люкыны куриськом: удмурт кылэз тоддӥсь но тоддӥсьтэм пиналъёслы;
- Йоскалык политикая министерстволы курон - дистанционный амалэн удмурт кылъя курсъёс кылдытыны.
Шаерамы кылэз утён но дышетскон ӧръёсъя ӵектонъёс кагаз вылын кылдэмын ни. Кыле оскыны выль тӧро соосыз лыдэ басьтоз но улонэ пыӵатоз шуыса. Вераны туж трос вераськом, нош емышъёсыз ӧвӧл. Та, дыр, нырысетӥез ужпум шаерамы.

Просмотров: 216

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования