Uralistica

Котькинлэн ческыт сиемез, чебер дисяськемез, оти-тати калтыртэмез потэ. Нош со понна кисы шальтыртыны кулэ. Выли яке шор дышетсконниез йылпумъяса, уж шедьтыны капчигес. Дышетскисьёс тросгес шуг-секытъёсын пумисько. Но гужем уноез ужаны тырше.

Кытын меда коньдон потто туала студентъёс? Кытчы интыясько, кыче шуг-секытъёсын пумисько?

Антон, ИжГТУ. Мон дышетскисько Ижысь техникая кун университетын машиностроительной факультетын. Соин практикамы ортче Автозаводын. Цехын конвейер бордын ужаськом, машина бичаськом. Нырысь ум вуттиське вал, но табере дышим ни.паймоно кадь, дышетскеммы понна эшшо коньдон но тырозы. Вань ужасьёсыз сямен, договоръя кутизы.

Лена, ИжГТУ. Официантын тыршисько. Интыяськыку, нокыче шуг-секытъёс оз кылдэ. Но ужын портэм адямиосын пумиськоно луэ: кин ке сямзэ возьматыны кутске, ассэ урод возе.

Костя, УдГУ. Кылем гужем мыным Ижысь улон инты утчано луиз. Вазиськи риелторлы. Капчи мылкыдо, ужзэ яратись. Юридической факультетын дышетскисько бере, юай, юрттисьёс кулэ овол-а шуыса. Со тодиз кин мон но кытысь луисько но кутиз: гужем соослы пось йотэ, трос вазиськисьёссы. Ужын нокыче шуг-секытъёс оз кылдэ. Быдэс коллективен жог огкыл тупати. Адямиосын но ужаме пормиз.

Лиля, УдГУ. Кылем гужем мон мыни ИПОПАТ-э но кондукторын ужан понна заявление гожти. Собеседование вал. Басьтизы. Ужаку, тужгес секытэз вал 12-ын уйшоре выдыса, чукна 4-5 часын султыны. Адямиос но портэмесь шедё. Кин ке ялан черекъя, кин ке вала, ужмы капчи овол шуыса. Оглом кельшиз, шуг ке но потиз.

 

Просмотров: 200

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Июль 7, 2012 в 12:42am

бусыын!

Комментарий от: Лена Рябина, Июль 6, 2012 в 12:12pm

соиз сярысь бергес юасько ни, али доразы ӧвӧл на, луоз, озьы кошкемъёс)

Комментарий от: Oli, Июль 6, 2012 в 11:36am

Студотрядъёсын (вожатой, проводник яке строитель),

кунгож сьӧры Финляндие узы-боры бичаны, мукет кунъёсы - нылпиосын пукыны да мар.

Пусъёс

© 2021   Created by Ortem.   При поддержке

Эмблемы  |  Сообщить о проблеме  |  Условия использования