Uralistica

Мель - эрзянь ине важов валдонть. melj (erz.), meel (est.), mieli (suom.)

МЕЛЬ – ине важов эрзянь вал.

Ламоксть арсезевкшнынь те валонть кувалт. Сон пек питней эрзянь кельсэнть. Ламо мезе те валонть марто эрзятненень ёвтави. Сон – эрзянь потмо ёжонь. Эрзянь ломанень потмоёжонь невтема – те валонть покш тевезэ. Ламо эрзятненень, седе пек сетненень, конат одс тонавлить, эли вельмевтить эстест эрзянь келенть эрси стака чарькодемс сонзэ питнензэ ды зэмензэ. Секскак САСЬ МЕЛЬ прязом ютавтомс эрзятнень марто кортамо те ине эрзянь валонть смустензэ-зэмензэ кувалма.

Вана, ансяк терявтынь мезеяк сёрмадомо, ды сеск тевс савсь нолдамс МЕЛЬ валонть. Карматано сонзэ варштнемензэ рузонь кельс ютавтнезь.

САСЬ МЕЛЬ – пришло, возникло ЖЕЛАНИЕ

САСЬ МЕЛЬ – пришла, возникла МЫСЛЬ

САСЬ МЕЛЬ – пришла, возникла ИДЕЯ….

Сонзэ васенце зэмезэ – ЖЕЛАНИЕ, СТРЕМЛЕНИЕ: МЕЛЕМ вельде, МЕЛЕМ коряс, МЕЛЕМ кувалт – по моему ЖЕЛАНИЮ, СТРЕМЛЕНИЮ, ХОТЕНИЮ.

Омбоце зэмезэ – МНЕНИЕ, МЫСЛЬ, ДУМА, РАССУЖДЕНИЕ, ПРЕДПОЛОЖЕНИЕ, УМ, ИНИЦИАТИВА: Мезть МЕЛЬСЭТЬ? – что на УМЕ (у тебя)? Что в МЫСЛЯХ (у тебя)? МЕЛЕНЗЭ коряс – по его МНЕНИЮ, ЖЕЛАНИЮ, ИНИЦИАТИВЕ, ПОНИМАНИЮ, МЕЧТЕ.

Колмоце зэмесь – СМЫСЛ, ЗНАЧЕНИЕ. Покштояк покш МЕЛЬСЭ – с величайшим ВООДУШЕВЛЕНИЕМ.

МЕЛЬ валось пек сеедьстэ вастневи эрзянь кельсэ ТЕВТОПАВТОМА ВАЛТНЭНЬ (глагол, сказуемое) марто: САСЬ, ТУСЬ, ВЕЛЬМЕСЬ, ТЕЕВСЬ, ЧАЧСЬ, ВАНОМС, КИРДЕМС, САВТОМС ды седе  тов

МЕЛЬ ваномс – УВАЖАТЬ, ПОЧИТАТЬ, УГОЖДАТЬ, УХАЖИВАТЬ.

МЕЛЬДЕ пелемс – ОПАСАТЬСЯ, БОЯТЬСЯ осуждения, БЫТЬ ПОСЛУШНЫМ, БЫТЬ БЕЗРОПОТНЫМ.

МЕЛЬ каямс – выразить МНЕНИЕ, выразить ПОЖЕЛАНИЕ, ИДЕЮ, ПРЕДПОЛОЖЕНИЕ, МЫСЛЬ.

МЕЛЬ кирдемс – лелеять, вынашивать МЫСЛЬ, МНЕНИЕ, придерживаться МНЕНИЯ, стоять на своём.

МЕЛЬ кольстямс – испортить НАСТРОЕНИЕ.

МЕЛЬ мольстямс – надоедать.

МЕЛЬС ледемс – вспомнить, прийти на ум.

МЕЛЬС лецтямс – напомнить.

МЕЛЬС путомс – надоумить, наставить на ум, запомнить, усвоить, взять на заметку.

МЕЛЬС савтомс – угодить (кому-либо), заставить вспомнить, напомнить.

МЕЛЬС саемс – учесть, усвоить, уразуметь, понять, запомнить.

МЕЛЬС саевтемс – побудить к успоению, уразумению, запоминанию.

МЕЛЬС туемс – понравиться.

МЕЛЬ явомс – уделить внимание, обратить внимание.

Мель а явомс – отнестись безразлично, равнодушно, холодно.

Чаво мельсэ – равнодушно, безразлично, холодно.

МЕЛЬСТУИЦЯ – интересный, симпатичный, нравящийся, по душе, по нраву.

МЕЛЬТЕМЕ – без желания, без порыва, без стремления и т.д.

 

МЕЛЬ валстонь теевсть валмельгакстнэ (послелоги): МЕЛЬГА – «за».

МЕЛЬГА якиця – ухаживающий, ухажёр.

МЕЛЬГА молемс – следовать «за», уступать.

МЕЛЬГА варма – попутный ветер.

 

МЕЛЬ валстонть теевсь МЕЛЬКС валось – СТИМУЛ, ЖЕЛАНИЕ ды лият ламо валт.

Вана кода МЕЛЬ валдонть сёрмадсь К. Абрамов «Валонь ёвтнема валкссонзо» : МЕЛЬ. – 1.Бажамо. 2. Превть. Арсема. Ды те валкссонть сон чарькодсти истят валсюлмавкстнэнь: МЕЛЕНЬ витема, МЕЛЕНЬ путома, МЕЛЕНЬ топавтома, МЕЛЕНЬ апаркстома, МЕЛЕНЬ варштавкс ды седе тов.

Х.Паасонен МЕЛЬ валонтень явсь мик ниле лопа ёнкст эсь Mordwinisches wörterbush валкссонзо. Сон тештынзэ те валонть лият зэметнэньгак: ЧУВСТВО, НРАВ. Сон сёрмадсь: meljde-valdo – с отвращением, melj pečkems – ревновать, раздражаться…. Ансяк, теде эряви, койсэм башка мельсёрмадовкс (статья) сёрмадомс.

Истямояк домка ды келей зэмесь теке валонть эстень (meel), суоминь ды карелэнь (mieli) валтнэстэ, вепсэнь, ижорань ды сето раськетнень малавиксстэ гайгиця кельтнесэ. Те малавиксчись парсте невти Эрзя раськенть неть раськетнень марто малавиксчинзэяк.

Арсян, эрзят, паро МЕЛЬСЭ вастсынк монь аволь келень содыдеень мелем ды поладсынк седе домкасто кортамонть те инее эрзянь валдонть. Мейсэ ильведевинь – витемизь, мезде эзь ёвтаво МЕЛЕМ, поладомизь.

Эрзянь Мель, Эрзянь Кель, Эрзянь Мастор!

Паро МЕЛЬСЭ, МЕЛЕНК ванозь

Эрюш Вежай.

Просмотров: 121

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования