Uralistica

Николай Аношкин - од эрзянь скульптор, чувтосто керсиця

 

   Шумбра чи эрзятненень ды сынст паро ялгатненень! Минь поладсынек ёвтнеманок эрзянь покш читнеде ды содавикс ломантнеде. Течи минь содавтано эйсэнк Николай Аношкин эрзянь од скульпторонть марто.
    Васняяк нурькинестэ ёвтасынек, косо чачсь-кайсь ды тонавтнесь минек течинь инженек. Аношкин Николай чачсь 1985 иестэ ожоковонь 18 чистэ Обран ёнксонь Иванбиё эрзянь велесэ. Школань прядомадо мейле кармась тонавтнеме Саран ошонь Огарёвень лемсэ МГУ-со, Раськень культурань факультетсэ, конань прядызе 2008 иестэ. Седе тов а карматано ёвтнеме коське содамочитнеде Н. Аношкинэнь эрямостонзо. Минь макстано кой-кодат кевкстемат, конатнень вельде парсте нейсынек сонзэ скульпторонь эрямо кинть лангс стямонть.
   - Шумбрат, Коля. Ёвтнек миненек, кода тон кармить скульптурань тейнеме? Зяро иесэ панжик эсь эйстэ те маштомачинть? Кить ульнесть тонть тонавтыцят, превс-тевс путыцят? Валсь максови тонеть.

 
   - Васенцеде мон неинь алкуксонь Тавлань налкшке Вирь Тавла велесэ. Ды аволь ансяк неинь, а ульнинь керамикань ды чувтосто керсемань уроксо. Сестэ Лугоянонь эрзянь раськень музеесь пурнакшнынзе-ускокшнынзе Иванбиёнь тонавтницятнень ды Лугоянонь, Починкань райононь тонавтыцятнень сестэ ощтё вачамонь эйкакшонь художествань школантень. Се чистэнть мон васенцеде саекшныяяк кедезэнь керсемканть. Те монень ульнесь васенце тонавтнемакс.
   Кода весе цёра эйкакштнэ вишкапингстэ вечкилинь лаксеме, човсеме чувто, ансяк сестэ те ульнесь налксемакс. Васенцеде неинь тетянь (Аношонь Тумаень) чувто лангонь керсевксэнзэ музейсэ. Сонензэ те тевесь оймень коряс. Истя тетянь кедьсэ ульнесь мазылгавтозь весе музеесь. Вечкилинь рисовамо-артомо, секскак поступинь Огарёв лемсэ МГУ-нь Раськень культурань факультетэв. Монь васенце керсемас тонавтыцям ульнесь Александр Петрович Гаушев. Покштояк покш сюконямот сонензэ. Александр Петрович кастсь эйсэнь эрявикс маштомачитнень тонавтнемань перть.


   - Зяро весемезэ скульптурат тон теить? Кодамо материалсо тон важодят? Кодамось эйстедэст седее вечкеви?
   - Важодян чувтосо, сехте пек пекше, университетсэ мезе тонавтсть. Арсян тонадомс важодеме лия материалсояк. Шкань ютазь весе сы.
- Кизна «Эрзянь лисьмапря» фестиваленть пингстэ ульнесть панжозь тонть покш скульптурат. Коля, ёвтнек седее домкасто те скульптурадонть? Кодамо пелькст эйстэ сон ашти? Кода сонзэ лемезэ?
   - 2010 иеде икеле покшт важодевкст эзинь тейне. Керсинь чувтосто ракшинеть, композициянь важодевкст. Ваннан анатомиянть, ёрокчисэн кастан артомасо. Ютазь иестэнь монень пшкадсть теемс скульптура лисьмапрянь мазылгавтомань кисэ. Истя ульнесть теезь «Озатя» ды «Озава», авака овто ды кавто овтынеть, истяжо Ведьавань образось. Весе неть важолевксэнь парсте мазылгавтызь тарканть. Омбоце ие пелькстан райононь ды областень невтевкстнэсэ (выставкатнесэ). Ютазь иестэнть Н. Новгородосо невтинь «Флора», «Древо жизни», «Менельпазава», «Плотник», «Медведь». Ней вана ускинь невтеме «Памятник предкам», «Скука», «Бабушка с внуком» скульптуратнень.  
 

 

 

 

 

 

 

 

 

 

 

 

 

 

 

 

 

 

 

                  

   

 

 

 

 

 

 

 

 

   2011 иень кизэстэнть тетям ёвтась мель тень важодемс минек икелень эрзятненень кеврунгонть лангсо. Невтия эсень эскизом. Кизэнь кавто ковонь перть, псинек-пиземнек керинь эрзянь историясто ды мифологиясто образтнэнь. Те монь васенце покш важодевксэм, конань лемезэ «Памятник предкам». Те кеврунгонтень парсте арасть Тюштянь, Пургаз Инязоронь, Иньавань, Литовань, Озатянь, Ушмодеень, Сырькай-бабань образтнэ. Путынек лаз лемест марто. Символонь образ – покштятнень оймесь лись мода потсто ды ёртни ашо кевтнень. Не кевтне аштить сынст вере. Сельмест пштить, ванныть лангс, курготне аламодо панжадот. Сынь ёвтавольть мезе-бути, арсить марявлизь, ансяк неень шкань эрзятнень седеест а марить. Истямо юр, истямо арсема путозь те важодевксэнтень. Маласо поводезь эрзянь раськень коцт, седе тов маар ашти. Теинек раськенть масторонть куншканть. Арсетяно, кадык эрьва ломанесь соды ды стувтни эсензэ раськень историянть, умонь шканть. А седеяк паро улевель, бути савольть тей, Эрзянь Масторонть куншантень. Тесэ лисмапрясо истямо тантей ведесь! Сюкпря!



   - Вана истят ломанть касты эрзянь модась. Вастомазонок, ялгат! 

Просмотров: 724

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Santjai, Октябрь 19, 2011 в 10:40pm
Инязор Кувакин, аволь кавто, а омбоце ;)
Комментарий от: Кувакань Азор, Октябрь 19, 2011 в 8:53pm
Паро ломань, кавто Степан Эрьзя? :)
Комментарий от: Erush Vezhai, Октябрь 18, 2011 в 8:22pm
Валдо мельть ды паро тевть, таланов эрзянь цёрантень!
Комментарий от: Kavtaj, Октябрь 18, 2011 в 8:11pm
Čačoma či marto, Николай!
Комментарий от: Santjai, Октябрь 18, 2011 в 8:04pm
И как человек он очень хороший, мой друган. Кстати, сегодня у него день рождения! Коля, вечкевикс ялгай, чачома чи марто тоньть! Васняяк арсян тонеть шумбрачи, мейле вечкема ды од изнявкст тонть паро тевтнесэ!!!
Комментарий от: Эрзянь Мель, Октябрь 18, 2011 в 7:55pm
Согласен. Большой талант!
Комментарий от: Yaroslav Lozhkin, Октябрь 18, 2011 в 4:38pm
крутой чувак!
Комментарий от: Эрзянь Мель, Октябрь 18, 2011 в 4:24pm
Представляем вашему вниманию молодого эрзянского скульптора.

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования