Пуроысь удмурт гангста-рэп

Пичи Пурга ёросысь Пуро гурт шуак тодмо луиз удмурт рэп кырӟась пияшъёсыныз. Соос кылдытӥзы  асьсэ огинзэс. Кырӟанъёссэс "Контыктын" шараятӥзы. Пияшъёс асьсэлы аспӧртэмлыко нимъёс но малпаллям -Пушнер, Исьнер, Ай Ди но ГмО. Нош огинзылы ним али но малпало ай.
"Уралистика" вераськиз пияшъёсын со но та сярысь.

Кинлэсь адӟем кариськоды рэптэс кылдытыку?
Крезьгуръя адӟем кариськом Узы (U.S.) (укыр визьтэмъёслы - США) ысь рэперъёслэсь - Eminem, 50cent, Fabolous, Red Caffee, The Game, G-Unit, Akon(Та репэрен ӵош ПШNRлэн вордӥськем нуналыз) , DMX, Сa$his,2Pac - лэсь. Соос ӟуч реплэсь висъясько асьсэ аспӧртэмлыкенызы (соос ӝуто бадӟым мерлыко ужпумъёсты).

Ку огинды кылдӥз?
Милям огин ӧвӧл - ми герӟаськемын одӥг кадь дунне шоры учкеменымы, но котькудмы аспӧртэмлыко палльккиськом сое кагаз вылэ; но ми озьы ик шкет дырысенымы эшъяськиськом ни (Ай Ди милям "йырмы" луэ, со арлыдэзъя покчигес милесьтым, соин сое котьку "интыяз" пуктыны луэ).

Малы тросэз удмурт рэпъёс яратон сярысь, нош мерлыко ужпумъёсты ӝутон палэнэ кылемын? Ми тодӥськом ук, рэп-крезьгур та ужпумъёсты ӝутонысен мытӥськиз.
ЯРАТОН СЯРЫСЬ - тӥ берпалады тылпу понэм бере кадь азьлань эн дыртэ - яратон сярысь гинэ ай милям репъёсмы гожтэмын, нош бадӟым темаосын репъёсмес гожъяны кутском, ку ми тодмо луом, ку луоз умой аппаратура, ку дунне валалоз милемыз... нош мукет удмурт рэперъёс, ми малпанъёсмыя, чутӥсь визьмын, утчало каньсырам йырынызы, куръяса берпуметӥ малпанъёссэс, куасьмем рифмаосты.

Мар со "Байситовское гетто"?
Байситовское гетто - со милям малпанмы ӧвӧл - огин контактын кылдытӥз Митя Дмитриев, со ик гожтӥз сое; гуртын интернет туж урод кутэ...

Татысь тӥ быгатӥськоды кылзыны пуро реперъёслэсь кӧня ке гуръёссэс.

Пуро реперъёс сярысь пӧртэм иворъёс та огинысь шедьтыны быгатӥськоды

http://vkontakte.ru/club29113352