Uralistica

Розита Андриановнаез буре вайыса...

Улонысьтыз кошкиз Дышетӥсе - Розита Андриановна Анкудинова, "Зорай" но "Чипчирган" ансамбльёслэн кивалтӥсез, йыг-йыг дышетӥсь но туж сюлмо адями...

Нырысетӥ пумиськеммы тодам уг ни лыкты. Мон сокугес  гинэ гуртысь лицее вуи, воксё но еж, юн возьдаськись нылаш. Соку ик мон "Зорай"  ансамбль борды итӥськи. "Зораен"  ӵош нырысетӥзэ сцена вылэ потэме али ке но тодам ай .  Лицеез быдтэмъёслэн пумиськемзы пумысен радъям концертысен  вал со. 20 минутскын дасяз со монэ, кылъёсты но тодытэк, эктыны но лекос ик йӧндырытэк, нылъёс шоры учкыса да мараса, дыр-р-р куалекъяса сцена вылэ потӥ. Маин йылпумъяськиз - уг ни тодӥськы. 

Милемлы лекез но потылӥз, вылды, паллян кырӟакумы мар "шубой по печке" кадь кырӟаськоды шуыса тышкаськылӥз. Пель сьӧрам али ке но чузъяське куронэз - "паллян ке кырӟаськоды, ваньды паллян кырӟалэ", солэн валтӥсь куронэз вал, угось,  -  ӵош кырзась юлтоштэ кылзыны кулэ. Со зэмзэ но кӧнарзэ жалятэк ужаз милемын. Со ик монэ удмурт тыпыртонлы но дышетӥз, финн-угор кырзанъёслы, али ке но туж кулэ луэ кыкнаиз ик. Куке-соку соин дышетэм кырӟанъёсты мон табере ас дышетскисьёсыным дышетӥсько. Нош учконо ке, кытын гинэ уг кырӟало солэн дышетскисьёсыз - Ижын, быдэс Удмурт шаерын, Мускоын но кунгож сьӧрын.  

Мон котьку но паймылӥ  солэн кужымезлы, выльысен улӟыны быгатэмезлы. Кӧня пол бырон калэ вуылӥз меда, луоз медам лыдъяны? Улон понна нюръяськись, дырыз дыръя буйгатыны но, лексэ но поттыны быгатӥсь.

Кин сётысал медам солы 80 арес? Сэзь, кильтро кышномурт со сцена вылэ капчиен эктыны-тапыртыны потаз. Котьку но буяськыса, бадӟым зундэсъёсын, угыосын - зэмос шоголь. Аресэз ке но вал ни, малпалляй, лэся, вечак улоз.  Мыняса, вӧсь луэмзэ пыд улаз лёгыса сыӵе ик йӧно, мусо но пальпотӥсь Розитамы ми азе потоз ...

 

Сирень - "Зорай"-ын но "Чипчирган"-ын дышетэм кырӟан

 

Просмотров: 270

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Август 2, 2012 в 4:26pm

туж жаль

© 2020   Created by Ortem.   При поддержке

Эмблемы  |  Сообщить о проблеме  |  Условия использования