"Шунды" воштӥське: Ольга Тронинаен видеоинтервью

Шумпотыса устьтӥськом видеоӧрмес - татын фин-угоръёс но быдэс югыт дунне сярысь финугор синмын дасям интервьюос но репортажъёс луозы.

Туэ тулыспалэ удмурт егитъёслэн "Шунды" нимо огазеяськоназы кивалтӥсе быръёнъёс ортчизы. Огазеяськонлы тӧрое выльысен азьло кивалтӥсьсэ Ольга Тронинаез бырйизы.

Тронина вакытэ "Шунды" мыло-кыдогес кадь ужаны кутскиз. Со сяна, огазеяськон туалагес луиз. Арысь аре ортчись лагерьёс сяна, шундыпиос пӧртэм удысъёсын выль, туала шӧмъем проектъёсты мытӥзы: спортын, туала культураын, устолыкын но лидеръёсты будэтонын. Валлё сямен "Шундыез" уд ни тэрга: "Куарагур" но шведингъя семинаръёс ортчытэм бӧрсьы кыл уг ни берытскы вераны, шундыос туала улонлэсь бере кылё шуыса.

Ольга Тронинаен "Шундылэн" воштӥськонэз, кивалтӥсь луон но "кылбуръёс куон" сярысь мукетыз туж таланто егит удмурт нылаш, гожъяськись но блогчи Мария Векшина вераськиз.