Uralistica

Трос пӧртэм шуг-секытъёс пӧлы выйыса, берпуметӥ аръёсы "бадӟым адямиос" адӟемысь дугдӥзы кадь син азьысьтызы шимес югдурез. Со азьвыл но капчи ӧй вал, нош али эшшо но муроме кадь. Мар сярысь озьы верасько? Асьме улон интымы, музъеммы, инкуазьмы сярысь. Уно заводъёс уен-нуналэн дыбырто, машинаос отчы-татчы ветло, нюлэсъёс ӝуало... Нош ми соин шокаськом. Маиз но мугорамы ӧвӧл ни, дыр? Уг но паймыты ни, берпуметӥ аръёсы секыт висисьёслэн лыдзы трослы будэмын шуыса.

Мон будӥ Алнашын. Ижкарысь эмъяськонниосы ветлыку, азьло ик кылылӥ ни, ёросамы тазалыкъя югдур урод шуыса. Куд-огез шуэ, со, пе, улӥсь калык бордысь потэ: асьсэос уг чакласько, мукетъёсыз заводъёсмы сярысь верало (зэм но, черкогуртамы соос 3!). Матысь адямиосылэн верамзыя, со Менделеевскысь химической заводлэн емышез. Малы ке мон соослы оскисько. Шуо ке но, завод кыдёкын интыяськемын, милям укноысенымы солэн трубаосыз адӟисько (коркамы вырйылын сылэ). Тӧл ми пала пельтэ ке, вань сьӧд ӵын ёросамы вуэ.

Таӵе югдуре, валамон, алнаш калык гинэ ӧз шедьы. Со мукет интыосын но озьы, со сярысь ум тодӥське гинэ. Кунэн кивалтӥсьёс бадӟым коньдон кушто выль технологиослы, мувӧй поттонлы, нош инкуазьлы бюджетысь туж ӧжыт уксё висъяське. Тазалыкмы ваньмылэн умой, лэся, тазьы но улыны быгатом.

Просмотров: 120

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования