Удмурт ӝыт Эстониын

2-тӥ шуркынмонэ Эстониын Урвасте гуртын удмурт лулчеберетлы сӥзем ӝыт ортчиз.

Ужрадэ 100 пала адями пыриськиз, соос пöлын Тартуысь, Таллиннысь, Урвастэысь но мукет интыосысь удмуртъёс но эстонъёс вал.
Муш Нади та ӝытэз викторинаысен кутскиз. Куноос удмурт культураен, традициосын, историен герӟаськем тодонзэс возьматӥзы. Вормисьёс книгаос утӥзы. Ӝытэз «Юмшан гур» ансамбль азьланьтӥз. Ансамбле Тартуын улӥсь удмуртъёс мылысь-кыдысь пырисько, тодмо но яратоно калык кырӟанъёсты кырӟало. Концерт бере перепеч ӵошатскон ортчиз. Губиен, картошкаен, кубыстаен, вирен, сӥльын, чорыген но трос пöртэм пушкесо перепеч веръяны луиз. Самой ческыт пöраськисьёс Таллиннысь вылӥллям. Собере куноос «Узы-боры» киноез эстон субтитръёсын учкизы. Нош кинлы мылкыдыз гань-гань пукыны öз сёты, соослы удмурт эктонъёс вал радъямын, нош Муш Нади перепеч пыжонъя мастер-класс ортчытӥз. Озьы ик удмурт ӝытын луонлык вал удмурт кылысь берыктэм книгаосты басьтыны.
Оскисько, со выллем ӝытъёс ӵемгес ортчылозы шуыса.

Наталья Баталова

Эстония

Туспуктӥз Aivar Põllu

Туспуктӥз Airi Hallik-Konnula