Uralistica

«УДМУРТЛЫК» йыг-йыг воргоронлы пӧрмытскиз

9-тӥ шуркынмонэ "Удмуртлык" огинлы 5 ар тырмиз. Мыным тунсыко йӧтӥз, кызьы меда та огин кылдӥз. Угось та дырлы "Удмуртлык" нырысетӥез удмурт кылын нуиськись огин луэ, сое лыдӟо 7000 пала адями. Мон вераськи огеныз туркымез кылдытӥсен, Рома Романовен.

 

- Рома, ку но малы кылдытэмын вал «Удмуртлык» огин? Кинъёс ужазы сое кылдытон бордын? 

- «Удмуртлык» вордскиз 9 шуркыномонэ, 2007-тӥ арын. Мон соку «контактын» интыяськисько гинэ вал ай. Веръясько вал, мар со сыӵе. Пумен тросгес но тросгес удмурт тодомоосы отын луизы. Но мон малпай ваньзэсты одӥг огинэ люканы. Марлы - уг на тодӥськы вал, азьпалан нокыӵе ужпумъёс пуктэмын ӧй вал. Собере ини кылдӥз малпан, отчы удмуртъёслы выль иворъёс тырылыны: кытын, ку, кыӵе дискотека, пумиськон яке мукет ужрад луоз. Та иворъёс сяна огинын кылдӥзы вапумтэм ченгешонъёс – удмурт крезьгур, удмурт кыл но сое утён, удмурт лулчеберет но мукет. Шуг вераны, кин тужгес но бадӟым ваёс лэсьтӥз нырысь огинэз кылдытонын – соин ик со социальной вотэс, ваньмыз лэсьтӥське калыкен. Нырысетӥосыз пӧлын вал мон, Денис Сахарных, Саша Егоров, Вера Степанова, Дарали Лели, Микаль Михайлов, Ольга Урасинова но трос мукетъёсыз. 

Вал сыӵе дыръёс но, куке, кылсярысь, Дарали монэ админысь но, группаысь но тэтчытъяз. (серекъя) Таӵе учыр бере кинэ сюрем админэ ӧй тырылы ни.

"Удмуртлыклэн" кыкетӥ люкаськемез, 2007 ар.

 

- Кызьы калык пумитаз та огинэз?

- Калык туж шунытэн пумитаз. Но со дырлы огин азьын нокыӵе ужпумъёс уг сыло на вал. Соку мон малпасько вал, огин иворъёсын тырмиз ке, калыкез люказ ке, таин тырмыт ни. Нырысь «Удмуртлыке» калык шаплы люкаськиз, ог 100 адями пала, дыр, нош собере – калленгес. 2009 арын, шуркынмонэ 1200 адями вылэм, али тани 7000 пала вуэ. Тунсыко соиз но, кызьы 3 ар талэсь азьло огинэ котькуд нунал 100 адями пыра вал, али но нуналаз ог 100 адями котыр милемыз огинэ пырыса лыдӟе. Мукетъёсыз иворъёсын лентаысь гинэ «Удмуртлыкез» лыдӟо, лэся.
Калык пумитан сярысь ик: Павел Поздеев берлогес гинэ сипыртӥз, кыӵе со вал паймемын огинэз адӟыса (yumshan.ru сайтлэсь сыӵе пӧрмытын турттэ вылэм, но ми сое азьпалтӥм). Со,пе, 200-этӥосыз пӧлын вал. Шедьтэмез бере арня ӵоже ченгешонъёсыз,пе, лыдӟыса кылли. Со но берлогес итӥськем Алексей Шкляев ӵектӥзы, кудпала «Удмуртлыкез» нуыны. Али дырлы соос кыкназы ик «Удмуртлыклэн» лулэз луо.

- 5 ар ӵоже мар воштӥськиз огинын? Воштӥськиз-а ачиз аудитория?

- 5 ар талэсь азьло вань огинчиос матынгес кадь вал, ваньмыз тодмо, ваньмыз эшъёс. Мар гожтэмед потэ - гожты. Али, кылсярысь, мон огинэ гожтэмлэсь азьло дас пол малпаськисько. 100 адямилы но 7000 адямилы гожтон - мукетэсьгес ужпумъёс. Мыным потэ, активной пыриськисьёслэн шоро-куспо арлыдзы воштӥськиз: азьло тросэз егитъёс огшоры кылзэс шеро ке вал, али арлыдоез калык лад-ладгес ченгеше ни. «Удмуртлык» йыг-йыг воргоронлы пӧрмытскиз.

- Мар сётэ удмуртлык понна "Удмуртлык" огин: азьло но али?

- Азьло удмурт егитъёс понна со вал иворъёсъя но кыл шеронъя ресурс. Али тужгес но бадӟымез но серьезноез удмуртъёслэн онлайн-сообществозы. Мыным потэ, татын лэсьтӥсько реальной ужъёс, кудъёсыз профессиональной удмуртъёслы уйвӧтазы но ӧз пырылэ. Трос пол вал ни вераськонъёс «Удмуртлыкез» юридически пусйыны, но «Удмурт Кенешлы» но «Шундылы» альтернативае пуктыны. Социальной менеджеръёс vs. Профессиональной удмуртъёс. Мон малпасько, отчыозь кема ӧз кыльы ни.

Просмотров: 305

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования