Uralistica

Удмурт кылэз латинизация URL-адресъёс понна (на удмуртском языке)

Котькуд умой веб-мастерлэн вань кулэлыкез сайтсэ лэсьтыса умой URL-адресъёсты лэсьтыны. Котьку сямен, URL-адрес лэсьтыса кириллица алфавито кылъёсты латиницае выжто, малы ке шуоно латиницаен интернетын ужаны трос поллы капчигес. Пусъеме потэ, «латиница» мон англи алфавитез гинэ шуисько, нош пӧртэм ÄÅÖÆØ но мукет чебер букваос URL-адресъёсы пуктыны уг лу. Кылсярысь та:

http://site.com/мынам-бамы

адрес тазьы:

http://site.com/mynam-bamy

умойгес луоз.

Ӟуч URL-адресъёсты лэсьтон понна мон таӵе правилоосты уже кутӥсько:
а — a
б — b
в — v
г — g 
д — d
е — ye
ё — yo
ж — zh
з — z
и — i
й — y
к — k
л — l
м — m
н — n
о — o
п — p
р — r
с — s
т — t
у — u
ф — f
х — kh
ц — ts
ч — ch
ш — sh
щ — shch
ъ — (номыр)
ы — y
ь — (номыр)
э — e
ю — yu
я — ya

Дыр луиз латинизация правилоос кылдытыны удмурт кыл понна но. Отын мынам пусъеме потэ куд-ог проблемаосыз но аспӧртэмлкыъёсыз. Мон удмурт алфавитлэн «ӟуч» люкетсэ вылӥгес гожтэм правилоосъя ик латиницае выжтӥсько. Нош тупало-а та правилоос? Адӟымон, отын «й» но «ы» букваос понна одӥг гинэ латин буква — "y". Ӟуч кылын «йы» пар нокытын но ӧвӧл, нош «ый» кылъёслэн пумазы гинэ вань, соин ик "yy" букваос кыллэн пумаз умой кадь адӟисько, проблемаос ӧвӧл. Кыльсярысь: «правильный» — "pravilnyy". Но удмурт кылын вань трос «йы» паръёс но: «йыр», «йыл», «вайыны» но мукетъёсыз. Мон понна "yyr", "yyl" но "vayyny" кылъёс лыдӟоно ӧвӧл.

Эшшо, удмурт кылын вань ас «удмурт» букваос но — «ӝ», «ӟ», «ӥ», «ӧ», но «ӵ». Кыӵе бен латин букваосын соосты воштыны? Мынам та юан пумысен вань кык пӧртэм малпанъёс:
1-тӥ:
ӝ — dzh
ӟ — dch
ӥ — i
ӧ — o
ӵ — tsh

Отын куаратэм (согласной) букваос фонетикалы умой тупа, «ӟ» буква интые нош удмурт алфавитез тодӥсьтэм удмурт кылын вераськисьёс «дч» гожто, соин ик мон англи кылын но "dch" гожтӥ. «Ӥ» пумысен верськоно ке — латиницае выжтонэн сэрен куарутэм (согласной) букваослэн небытлыксы (йотированной «е», «ё», «ю», «я» букваосты лыдэ басьтытэк) нокызьы но уг пусйиське, соин ик «и» интые но, «ӥ» интые но "i" гожтоно. «Ӧ» пумысен ваньмыз эшшо но капчигес — солы тупась куараё (гласной) буква англи алфавитын ӧвӧл, соин ик со интые "o" гожтоно. Мынам гинэ малпамея, утчаськон система ог-огезлы кельшисесь букваосты (удмурт «о» но «ӧ» кадь) одӥг, валтӥсь буквалэн вариантъёсынызы гинэ лыдъя.

2-тӥ:
1-тӥ вариант кадь, но таӵе букваосын мукет сямен ужаны:
ӟ — dzh (ӝ кадь ик)
ӵ — ch (ч кадь ик)

Та вариант — «капчигес = умойгес« малпаськон амалъя лэсьтэмын.

Нош кыӵе-о вариантъёс тӥледлы кельшо?

Просмотров: 362

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Niimshur, Сентябрь 13, 2011 в 9:40pm

http://www.google.ru/url?sa=t&source=web&cd=1&ved=0CBkQ...

csh gozhpus udmurt kylyn ӧvӧl, "j" mon j gozhpus pyr vozjmatӥsjko, maly ke shuono j kuaraez vozjmaton ponna ta latin gozhpus suomi-ugyr kyl'josyn ӵemysj uzhe kutӥsjke (suomi, est, karel, veps, inkeri, saami, liv no madjjar kyl'josyn ta gozhpus uzhe kutӥsjke, y gozhpusez uzhe ug kuto - soe angli kylyn, shuom, uzhe kuto, nosh so murt kyl, ӧvӧl soja lesjtono)

Комментарий от: Niimshur, Сентябрь 13, 2011 в 8:46pm
valektono ke na, valektono euveul ni )))
Комментарий от: andrewboltachev, Сентябрь 8, 2011 в 8:09pm
Удмурт интернет удысысь ӧнерчиослэн (Роман Романов, Денис Сахарных) верамзыя URL-адресъёсты латиницае выжтон амал номарен но герӟаськемын ӧвӧл. Ваньдылы тау, юан ворсамын!
Комментарий от: Sergey Maksimov, Сентябрь 8, 2011 в 7:50pm

котьмкар ке но y  -  й понна  удмурт кыллы уз тупа, латин кылысь ик тэтчыса со j луэ. зуч кылын ы куара нимысьтыз фонема уг луы, со и куаралэн вариантз гинэ, сое од ке но гожъя бадзым изъян уз луы. нош удмурт кылын со тужгес но волмем гласной.

перестройка бере латин висёнэн висьыкум, аффрикатаосты тазьы пусйисько вал:

ӝ — dh
ӟ — dc, с - амынам ч куара вал, аои но номыр кышкытэз ой луысал озьы пусйыса

ӵ — th, нош х-лы огшоры h уз яра-а?

Комментарий от: Ortem, Сентябрь 8, 2011 в 7:11pm
тынад ке уг поты, кинлэн потоз? утчаны уг ке юртты, соку озьы ик мед кылёз, индылэтъёстэк.
Комментарий от: andrewboltachev, Сентябрь 8, 2011 в 6:57pm
Ортём, со сярысь тодмо ӧвӧл. Малпасько, тодыны юри эскерон гинэ юрттоз, Но кинлэн-о потэ сое лэсьтэмез?.. Мынам уг поты.
Комментарий от: Ortem, Сентябрь 8, 2011 в 1:35pm
Олёш, ты хочешь сказать, что если в поиске вбить "тэкшеронъёс", есть вероятность, что он выдаст страницу с url teksheronyos/teksheronjos?
Комментарий от: Shkljaev Aleksej, Сентябрь 8, 2011 в 10:15am
Тут обсуждаются компромисные правила приближенные к гостам, которые возможно учитывают поисковики.
Комментарий от: Ortem, Сентябрь 8, 2011 в 1:49am
щ гожпус удмурт кылын ӧвӧл, "й" мон j гожпус пыр возьматӥсько, малы ке шуоно й куараез возьматон понна та латин гожпус суоми-угыр кылъёсын ӵемысь уже кутӥське (суоми, эст, карел, вепс, инкери, саами, лив но мадьяр кылъёсын та гожпус уже кутӥське, y гожпусэз уже уг куто - сое англи кылын, шуом, уже куто, нош со мурт кыл, ӧвӧл соя лэсьтоно)

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования