Uralistica

Зента кар - со чылкак мадьяр кар (80% 20 сюрс пӧлысь,Сербилэн Воеводина люкетаз интыяськемын ке но. Озьы луиз, уга, Трианон тупанкыл гожтэмен 1920 арын, Мадьяр кунлэн кык куиньмос улосвылъёсыз люкемын вал артысь бускель кунъёс куспын. Озьы Воеводина улосвыл туала Сербилэн люкетэз луиз.

Та кар Тиса шурлэн ярдураз интыяськемын, но мадьяр истори понна нимысьтыз инты басьтэ. Татын 1697 арын тюрк II.Мустафалэн салдатъёсыз но мадьяр палась пранчи принц Еуген Савойенлэнъёсыз куспын ож ортчиз, кудаз мадьяръёс вормизы. Та нунал тюркъёсты Мадьяр музъемысь уллям нуналэн лыдъяське.

Валамон, макем та вылын кулэ луыны - татысен быриз, уга, 1526 арысен кыстӥськись тюрк зӥбет. Таӵе синпельмет пуктэмын ожлэн интыяз, Тиса шур дурын.

Воеводинае пырем бӧрсьы ик, мон гуртын будэм но музъемен вырыны яратӥсь мурт кадь, синмаськыса учки утялтэм чилёк сьӧд бусыос шоры. радэн-радэн гырэмын но сыӵе паймымон небыт кадь музъемзы. Сялӟод но - мар ке но будоз. Милям нош... горд сюй...
Ымныр посудаос шоры но сак учки - татын мадьяръёс ке но уло, тросэзлэн ымныръёссы тюрк палагес кошкемын. Татын тюркъёс кемагес сылӥллям, шӧдске.

Аркитектура ласянь учконо ке, трос аналтэм вашкала юртъёс пумиськыло. Быдэс карын одӥг гинэ синпельмет пул. Тани та юрт борды. Сецесси стильем тылпу кысоннилэн юртлэн борддораз. Пуктэмын 1904 арын. Пуш азбарез но вань.


Вужмем машинаоссы туж трос. Куддыр потэ вал, Совето Союзын кадь ) "Юго" но "Застава" - асьме понна "Копейка" да "Москвич" кадьгес, татын соосты пумиталод.





Вашкала "Рено" но вань


Трос велосипедэн ветлӥсь-мынӥсь. Арлыдогес кышноос но любкаосын так гинэ лашкинняло!


Базар



Эшшо кӧня ке юрт






Озьы ик та карын усьтэмын бадӟым классъёсын дышетскись таланто мадьяр нылпиос пона нимысьтыз гимнази-интернат.Удмутъёс понна юн вожъяськымон мар ке кадь..

Пуктэмын Венгрилэн уксёеныз но Кунсьӧр мадьяръёсын вырись фондъёслэн юрттэменыз.Юртэз

Лыдӟонниез куинь, оло. ньыль этажъем. Книгаос вольной кылле. Басьты но лыдӟы.

Просмотров: 286

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Niimshur, Ноябрь 10, 2010 в 8:55am
Ымныр посудаос шоры но сак учки
нет слов!
Комментарий от: Oli, Ноябрь 8, 2010 в 11:56am
озьы, вань.
Комментарий от: Ortem, Ноябрь 8, 2010 в 1:02am
Воеводиналэн Паламентаз вань, дыр, мадьяръёслэн кыч"е ке политик партизы
Комментарий от: Oli, Ноябрь 7, 2010 в 11:52pm
начаргес кадь. мон трос ик адӟыса ӧй ке но вутты, машинаосъя гинэ но адскымон кадь.
туж ичи модерн машина. трослы ичигес.
Комментарий от: Ortem, Ноябрь 7, 2010 в 11:44pm
Сербиын Мадьяр кунэн ч"ошатоно ке, узыргес-а яке начаргес?

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования